一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34338

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 65

累積人氣： 34338

2015 年 7 月 29 日星期三


	我的滿分男友

終於都到星期三喇！捱埋今日返觀塘又可以同低能仔一齊休息一日，真係好～雖然今日好靜冇生意，但依然好忙，因為要幫鋪頭大執～好熱又好攰！

有人今日放假，自己去咗行街。。。某人今日成日都好掛住有人，好想企響佢隔離拖住佢行街！原本今晚收工佢過嚟接我，到最後我叫佢響旺角等，咁佢就可以慳啲車錢，兼且我哋又可以行一陣先返屋企！

低能仔，唔知你有冇發現呢兩晚我都笑多咗？我覺得呢兩晚我過得好幸福～我同你之間話題多咗，大家嘅笑容又多咗，我覺得你好似緊張我多咗，在乎我亦多咗～今晚你話我係一個101分嘅女朋友，我覺得好感動。。。而你響我心目中亦係一個滿分嘅男朋友，因為我亦俾你折磨得好開心～兼且願意一世咁俾你折磨落去！

分類: 我們的生活點滴

[ 訪客留言(0) ] [ 編輯日誌 ]

2015 年 7 月 28 日星期二


	Smile

今朝醒咗就見到低能仔 whatsapp ，但已經好多日冇朝早聽過佢把聲，好掛住佢呀！醒咗依然都係好攰，休克嘅情況好咗少少～我諗只係体力上未完全好番！今日返工好忙，到咗3點幾先食飯。。。不過可能都係冇乜胃口，所以都係食得好小！

收工之後，有人響灣仔等我～今晚佢精神好似好啲。。。佢見到我終於都攬實番我，兼且仲好好笑容，即時所有攰都冇晒，仲好冧添！只有佢先可以幫我叉足晒我啲電！

今晚我哋依然好簡單咁食晚飯，本來佢坐我對面，但我要佢同我一齊坐，可以攬住佢食飯，種感覺真係好爽架！食完飯有人仲帶我去食雪糕，我鍾意一杯雪糕兩份食，我鍾意佢餵我食雪糕，我鍾意佢同我一齊做嘅每一樣嘢，我真係好鍾意你！

低能仔，你聽日終於都可以抖吓喇！你要好好休息吓，知嘛<3

分類: 我們的生活點滴

[ 訪客留言(1) ] [ 編輯日誌 ]

2015 年 7 月 27 日星期一


	休克

今朝係我最辛苦嘅時候，因為食咗啲藥之後，係咁出冷汗，兼且睇嘢陣係見到雪花，成個人好暈～好唔容易先爬到返灣仔！

今日低能仔都係返會展，但佢開始病～陰公豬，一定係唔夠瞓，個人太攰搞到捱病咗啦！收工之後，我做番一個女朋友好耐冇做嘅嘢，去買濕紙巾同感冒茶俾佢，我好想響佢忙同病嘅時候，都可以好好照顧佢，等佢可以安心啲！

兩日冇見過，我真係好掛住佢！不過當見到佢嘅時候，我就冇乜嘢講，因為佢個樣好攰～我知佢一定好辛苦！我哋食完嘢就搭車返去！響車攬住佢瞓嘅時候，聞到佢身上嗰種味，好熟悉，亦令我覺得好實在～呢一刻我先真正感覺到佢實實在在響我身邊！

低能仔，你要加油呀！捱埋聽日就可以休息喇～

分類: 我們的生活點滴

[ 訪客留言(0) ] [ 編輯日誌 ]

2015 年 7 月 26 日星期日


	第二日

低能仔，

今日係我哋第二日冇見喇！我好掛住你～我知道你一定好攰好攰，但我冇用，冇乜嘢可以幫到你，能夠做嘅只係諒解你，俾你早啲返去休息！

今日我好乖，我去咗睇中醫，醫生話我仲好燒，要我每日飲三劑藥，好苦呀！但我一諗起你，幾苦我都唔怕！睇完醫生返到嚟，我終於都可以瞓到一陣舒服少少嘅覺，醒番先知我原來拎住個電話瞓，我怕 miss 咗你揾我嘅時候，係咪好傻呀？

唔知你今晚食乜呢？而我就響阿麻到食，雖然只係食咗好少，但已經好過尋日乜都冇食～兼且亦有乖乖哋準時食藥！

低能仔，呢兩日冇見，你有冇掛住我呀？今朝多謝你收線後，再打多次番嚟俾我，為咗就係錫我一啖，好sweet呀！

此際浮華滿天未曾讓我艷羨

飄過紅葉萬千降在你的雙肩

貼著心說著秋引著冬雪又染

陪著我實現送你的萬語千言

走過泥濘四濺未平復我思念

霜雪離別夏天轉換了幾多秋春會復暖

年月碎落眼前

遠海種出桑田

遺留下你的心不會變

分類: 我們的生活點滴

[ 訪客留言(0) ] [ 編輯日誌 ]

2015 年 7 月 25 日星期六


	死屍

尋晚食咗啲藥，好早就瞓咗，早到連幾點都唔知～不過食咗啲藥，每隔四個鐘就醒一次，好辛苦～

今日低能仔要返會展，佢一定好辛苦啫。。。因為佢今日好少揾我，陰公豬，一定攰屎你呀！而我就成日留咗響屋企扮死屍，個人好攰好攰，塊面同個身都仲好熱！假如你響我身邊照顧我就好喇！咁我就可以攬住你同嗲你～你知嘛。。。我好掛住你呀～

我知你今日一定好攰，所以我今晚叫你放工整埋啲嘢後，唔使急住返嚟睇我，返去好好休息～其實我只係想做一個好好嘅女朋友同老婆豬！

分類: 我們的生活點滴

[ 訪客留言(0) ] [ 編輯日誌 ]

« | 236 | 237 | 238 | 239 | 240 | 241 | 242 | 243 | 244 | 245 | ... | 384 | »