一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：39045

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 43

累積人氣： 39045

2015 年 7 月 14 日星期二


	窩心

今朝有個傻人依然好早打俾我，依然好温柔咁叫我起身，同埋同我 whatsapp 咗一陣！

今日返FM，每次返嚟呢到嘅時間都特別難捱，兼且食得好少嘢，因為呢到真係好熱～雖然都係忙，但都有開心嘅事，今日 anutie 教我整襟花，學識多一樣嘢，將來我接 bridal makeup 時，就可以幫客做多一樣嘢喇！其實唔止學識整襟花覺得開心之外，仲有人今日好窩心咁響我面書張相留言，呢啲窩心嘅舉動，令我好 sweet ！

今晚收工我響灣仔等佢，我哋去咗食吉野家打邊爐，食完嘢就搭車返去！響車到坐對面嘅女仔，原來係佢舊同學～起初我有諗過佢會唔會響個女仔面前攬住我？又或者拖住我？因為我怕自己襟佢唔起。。。結果個傻佬依然攬住我，呢個係俾我一個好大嘅安全感，低能仔，愛你！

分類: 我們的生活點滴

[ 訪客留言(0) ] [ 編輯日誌 ]

2015 年 7 月 13 日星期一


	滿足

今日返觀塘，最討厭嘅一道地方，其實唔係地方問題，而係人嘅問題～

今朝有人唔止好早就打俾我，仲同我 whatsapp 咗一陣添～個傻佬話同我去睇 C allstar 演唱會，因為我鍾意釗峰靚仔，嘻嘻。。。其實同你一齊行吓你鍾意嘅地方，我已經好開心，我要嘅開心唔係用錢買得到架！

幸好個無能經理今日冇發癲，亦冇搞家姐，總算安心啲！今日響公司依然好忙，望住嗰堆數字我頭都痛埋，不過有你響面書上面叫我加油，我即時精神晒～你知嘛，對上一次亦係唯一一次已經係兩年前喇！

今晚收工落咗銅鑼灣，我哋食完嘢就去咗行 Jason ，今晚有人陪住我，拖住我，仲同我傾計，好滿足呀！低能仔，我要嘅真係好簡單架咋～

分類: 我們的生活點滴

[ 訪客留言(0) ] [ 編輯日誌 ]

2015 年 7 月 12 日星期日


	陪伴與懂得

今日放假喇。。。但依然好攰～

同爸爸、家姐食完嘢之後，家姐就去咗四嬸到同浠浠食pizza同玩，而我就去咗買餸今晚煮飯～好耐都冇見過浠浠喇，但我知道如果我今日過咗去，我返嚟先買餸就會好趕，所以我都係選擇唔過去，我想煮飯俾佢食！

最近好唔開心，其實當日叫家姐返嚟做又係咪啱呢？見佢呢兩日因為返工而搞到喊，我覺得好心痛。。。我又可以點呢？我好想幫佢，但又無能為力，甚至係自身難保，我亦都因為返工同低能仔，而唔知可以點～我好想家姐同低能仔都開心，我好想保護佢哋，但我自己根本都唔開心嘅時候，我又點樣去令身邊嘅人開心呢？

突然響到諗，陪伴與懂得我哋又明白幾多呢？

分類: 我們的生活點滴

[ 訪客留言(0) ] [ 編輯日誌 ]

2015 年 7 月 11 日星期六


	巧想

今日又係返 kfm 嘅日子，好攰好攰～但朝早有你打電話俾我，亦係我苦中一點甜！

今日你放假，你要去家姐到睇bb，夜晚亦要返奶媽到食飯！本來諗住今日收早，自己一個去行吓，因為最近壓力好大，平時同你一齊收工，你都會好攰又好靜。。。我哋多數食完飯就返去，所以我好想行吓，但可惜俾波屎捉住，搞到7點幾先走～最後都係返咗屋企！

今晚你9點幾返咗嚟陪我食糖水，雖然都係見咗一陣有啲唔捨得，但都好多謝你返嚟陪我，其實我好想見你耐啲，所以我先食完糖水後，要你陪我行埋百街～我好想可以對住你耐啲，好想好想。。。

分類: 我們的生活點滴

[ 訪客留言(0) ] [ 編輯日誌 ]

2015 年 7 月 10 日星期五


	安靜

放咗3日假，今日要開工喇！我見啲藥得番兩次，所以朝早嘅時候食咗一次，留番另一次收工先食。。。

今晚收工以為佢唔會嚟，到我臨走嗰一刻，有人推門入嚟，嗰個係低能仔！我知道佢好攰。。。所以我唔出聲！今晚我哋都好安靜～食完嘢就搭車返去，不過搭車時我哋都瞓著咗，兩個都唔知醒落車，結果去到海怡先落車，兩個人依然好安靜咁慢慢行番屋企～

分類: 我們的生活點滴

[ 訪客留言(0) ] [ 編輯日誌 ]

« | 239 | 240 | 241 | 242 | 243 | 244 | 245 | 246 | 247 | 248 | ... | 384 | »