一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：39046

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 44

累積人氣： 39046

2015 年 7 月 4 日星期六


	寵我

今日返歡塘，真係好攰好攰～連續兩日都好忙，兼且今日又要早起身，成個人散晒喇！今朝雖然返十點，但有人依然都有打俾我，好開心你為我所做嘅一切同改變呀！

今晚收工後，就同家姐去咗旺角行街，原來已經好耐冇同過家姐去街喇！而低能仔收工就過嚟接我，個傻佬好傻。。。明明已經好攰，我叫佢唔好嚟接我，點知佢話唔得一定要接，呢一切都令我又感動又內疚，換轉以前佢真係未必會咁～

今晚食完飯，行咗一陣我哋就搭車返去，我哋兩個都攰到傻～響車嘅時候，佢見我眼瞓，佢唔理自己有幾攰都攬住我瞓，不過我唔捨得佢咁辛苦，所以瞓咗一陣就起身！

低能仔，多謝你咁寵我！期待聽日同你二人世界～

分類: 我們的生活點滴

[ 訪客留言(0) ] [ 編輯日誌 ]

2015 年 7 月 3 日星期五


	忙

今朝依然有人打電話俾我，呢排每朝都收到佢嘅電話，我覺得好sweet！

今日忙到仆街，幸好家姐落咗嚟，如果唔係都唔知要搞到幾點呀！我一直忙到冇時間覆低能仔，只係叫咗佢響188等我，我搞掂晒之後先過去揾佢！

今晚我哋食麥記，因為我要換公仔，哈哈～有人買完嘢食之後，仲幫我抹汗添<3呢排我真係好開心，佢嘅温柔令我安心咗好多。。。兼且每日都係響到笑～低能仔，多謝你！

分類: 我們的生活點滴

[ 訪客留言(0) ] [ 編輯日誌 ]

2015 年 7 月 2 日星期四


	堆砌

今日係假期嘅最後一日，聽日又要返工喇！好唔捨得。。。好想抖多幾日，因為呢排成日都頭痛，到咗今日都係咁！

今朝瞓到十一點，一起身見到有人叫今晚我接佢，我響到傻笑。。。我以為佢咁浪漫會想我接佢添～點知原來係幫家姐交收！

今晚接佢收工前，買咗件蛋糕俾佢～好想佢會鍾意，同埋好想佢知我仍然係好想佢開心！食完飯交收完，有人帶我去 sogo 食甜品，佢買咗三色丸子俾我，而我就買咗紫薯杯俾佢！同佢一齊，食乜都咁好味～跟住我哋再行 sogo 睇相機！

低能仔，尋晚收到你封情信，我真係好開心，好開心你真係寫呢封信俾我，你知嘛。。。我其實鍾意收到呢啲多過鍾意收到要你用錢買嘅嘢！我覺得呢一切代表你更重視我，始終感情唔係用錢堆砌出嚟，用個心去堆砌出嚟嘅感情，我相信嚟得更長久～而且亦令我更了解你諗乜！

分類: 我們的生活點滴

[ 訪客留言(0) ] [ 編輯日誌 ]

2015 年 7 月 1 日星期三


	7.1唔浪漫>.<

眨吓眼2015年就過咗一半喇！呢半年裡面我都叫做過得開心，但最開心嘅應該係一月嘅時候，因為嗰個月我可以盡情咁煮嘢俾低能仔食～

今朝起身雖然個頭依然好痛，但有人返工前都打電話俾我講咗兩句，依家每朝都可以聽吓佢把聲，就算病都真係乜都抵番晒～因為嗰種感覺真係好 sweet ～

今日本來同家姐出去，但最後我留咗響屋企，只係為咗買餸煮飯！啲人成日話，要留住一個男人，首要係留住佢個胃，所以我一直都好努力去學，亦唔介意冇晒私人時間，因為佢就係我嘅一切，為咗佢乜都值得～不過今次我煮嘅7.1的浪漫@枝竹豆腐炆火煵，煮得唔好食。。。搞到佢冇晒胃口，仲要去食魚蛋燒賣，低能仔，對唔住呀！諗住可以俾你食得好啲，結果就令你食得唔好～或者我真係唔適合煮呢啲！下次。。。會煮得好啲架喇！不過你記得要話我知有乜煮得唔好，唔好乜都話好味，如果唔係我唔會有進步架～

今晚同你講嘅嘢希望你唔好介意，我真係想揾番啲安全感！

分類: 我們的生活點滴

[ 訪客留言(0) ] [ 編輯日誌 ]

2015 年 6 月 30 日星期二


	頭痛

尋晚有個傻佬唔經唔覺瞓著咗，我哋來不及 goodnight 就瞓咗喇！今朝有人7點幾醒咗就揾我，我9點幾起身先覆佢。。。。今朝臨返 fm 前可以同佢傾咗一陣電話，種感覺真係好 sweet ，好似返番熱戀時期咁，如果以後都可以咁就好！

佢媽咪今日出院，知佢冇事，真係安心好多！而低能仔咁啱放假，可以 take care 佢一陣先出去影相，夜晚就嚟咗接我！低能仔，雖然今晚我好頭痛，但我仍然覺得好開心，有人陪我行好多地方，有人同我搭車時陪我傾計，有人送我返屋企，仲有人對我好温柔，我真係真係好 sweet ！希望有人可以令我好快有番安全感就好喇～

分類: 我們的生活點滴

[ 訪客留言(0) ] [ 編輯日誌 ]

« | 241 | 242 | 243 | 244 | 245 | 246 | 247 | 248 | 249 | 250 | ... | 384 | »