一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：39050

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 48

累積人氣： 39050

2015 年 6 月 29 日星期一


	呷醋

今朝十點起身就見到低能仔 whatsapp ，跟住有人仲打電話俾我添～個傻佬今朝問咗我一句嘢，佢問我有冇掛住佢？掛住佢又做乜唔打電話俾佢？聽到後我覺得好 sweet ，因為呢句說話咁耐以嚟佢都冇問過我！

今晚低能仔依然有嚟接我，我望住個鐘已經8：28pm，我以為佢趕唔切過嚟，諗住準備執嘢走，點知原來個傻佬響對面買雞蛋仔，有人買埋嘢食嚟接我，種感覺真係冧！收工後雖然我哋只係去食咗個飯就搭車返去，但我依然覺得好開心，普普通通有傾有講就足夠，愛你呀低能仔！

低能仔，聽日你放假要去影相，你自己小心啲，影多啲靚相呀！講個秘密你知，其實每次見你同其他女仔出去影相，我都會擔心，我都會呷醋架！不過你鍾意影相我都會支持，我知道只要俾多啲時間好好增加番啲安全感，咁一切就會好架喇！

分類: 我們的生活點滴

[ 訪客留言(0) ] [ 編輯日誌 ]

2015 年 6 月 28 日星期日


	一陣

尋晚等等吓低能仔，不知不覺咁瞓著咗！今朝7點幾醒過，見到原來佢兩點幾揾過我～佢十一點幾同我 whatsapp 咗一陣，佢媽咪爆血管入咗醫院，好擔心佢媽咪，但冇嘢可以做到，只係能夠為佢預備嘢食！

下晝低能仔陪咗我一陣。。。可能始終尋日成日都冇見，今日嘅佢對我特別温柔，其實呢一陣對我嚟講已經好滿足，因為我需要嘅只係簡簡單單，同埋用心陪住就足夠！但我依然想佢陪我耐啲～今晚佢同啲朋友出咗去，我都係自己一個！不過佢今晚明顯重視我多咗，揾我亦都多咗。。低能仔，或者你已經開始知道我需要啲乜喇？！寂寞我唔怕，只要俾我感覺到你個人就算唔響到，個心一樣有我，我都會覺得開心！呢一切尋晚我係感覺唔到架～

分類: 我們的生活點滴

[ 訪客留言(0) ] [ 編輯日誌 ]

2015 年 6 月 27 日星期六


	寧靜

今朝7點幾就起身返工，好攰～雙腳依然唔屬於我，個肚依然好痛！

今日返工真係好唔開心，好耐都冇試過唔開心到咁。。。但又可以同邊個講？最後只能同 boss 一個講～唉！！！！！

今日低能仔 whatsapp 我，佢媽咪突然話今晚返香港，識咗低能仔咁耐，都冇見過佢媽咪咁，原來佢媽咪病咗，要返嚟睇醫生，雖然二人世界嘅日子眨吓眼就冇咗，但今次我擔心大過一切，加上見少啲都冇所謂，最緊要佢媽咪冇事，同埋佢開心咪得，反正我已經習慣，一個人都有一個人嘅浪漫～

今晚佢同同事去玩，而我就收工自己返屋企！原本佢話陪我食埋飯先，以前我一定諗都唔諗好開心咁去揾佢，但今日我選擇咗返屋企，一個人同豬豬相依為命嘅寧靜，其實都可以好舒服～更何況我相信要掛住嘅，無論點都會掛住同揾我！

忘了嗎高高低低早飄進生活亂流

忘了嗎跌跌碰碰感觸已片刻難收

重回想這時候成長中早倦透

回程的歲月裡能一切照舊溫暖過傷口

懷緬嗎這片刻小子不再輕皺眉頭

懷緬嗎大理想背後仿似藏著永久

曾留守與承受回憶中再懷舊

陳年的光線背後笑著雨中漫遊

來日看昨天星宿

分類: 我們的生活點滴

[ 訪客留言(0) ] [ 編輯日誌 ]

2015 年 6 月 26 日星期五


	無力感

今日好忙好忙。。。一做做到3點先有飯食，餓屎我喇！今日我忙到連低能仔 whatsapp ，我都冇時間覆。。。一直忙到6點幾，攰到冇晒力～

今晚收早，我去咗銅鑼灣接低能仔收工，好耐都冇等過佢喇！之前低能仔話我以前成日都有獎勵俾佢，我唔知可以做啲乜，只係想氹佢開心，所以臨接佢前我響sogo買咗個“沙士指環”俾佢當係獎勵，我想佢開心！見到佢之後，我哋行咗去皇室堡睇 twins star 。。。我依然將影咗嘅相，響電話分好晒類，希望等自己好好記得同佢嘅每一刻！

食完嘢我哋就搭車返去，不過可能大家都攰，我哋都好靜～但今晚佢送到我去樓下先走！雖然聽日我哋冇得見，佢去同同事食飯，但我都已經揾晒節目，希望少見啲，對我哋真係會好一啲！

分類: 我們的生活點滴

[ 訪客留言(0) ] [ 編輯日誌 ]

2015 年 6 月 25 日星期四


	好怕

今日我哋兩個都放假，有人陪咗我好耐好耐～

之前低能仔諗過試吓去番啲我哋曾經過得好開心嘅地方，等我哋可以重温番嗰種感覺，令我哋感受番之前嘅感覺！今日我哋嘅目的地係～深水埗。

深水埗呢個地方對我嚟講係好有意義，因為嗰到曾經係我哋最開心，同了解佢嘅地方！今日嚟返呢到，我覺得好開心，我亦知道我依然好愛佢！只可惜，我今日成日都好想嘔～

低能仔，今晚返到屋企後，我知道你好就我。。。但我就因為自己嘅冇安全感，就搞到大家都唔開心！我其實好愛好愛你～我一直都唔信自己咁幸運，有一個我咁愛嘅人，愛到可以連自己嘅自由都唔要！我甚至希望可以好似響台灣咁，成日都對住你！我好怕要承受失去你嗰種痛～

分類: 我們的生活點滴

[ 訪客留言(0) ] [ 編輯日誌 ]

« | 242 | 243 | 244 | 245 | 246 | 247 | 248 | 249 | 250 | 251 | ... | 384 | »