jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34372 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 11
累積人氣： 34372
RSS Feed
2015 年 5 月 10 日  星期日   晴天
失聲
尋晚咳到不知不覺瞓著咗，咳到個人好攰，仲要一咳�H時候，成個身同心口都好痛！今朝爸爸同我食完嘢，就去咗睇中醫，飲咗啲開聲藥，把聲好咗啲，總算有番啲聲先，不過依然都係好咳，希望去台灣前，可以好番晒啦！

低能仔今日休息，但就要温書，因為聽日要 exam，而我就買完餸就返屋企，成個下晝都冇見過佢同煩過佢∼希望等佢可以專心温書！下晝整定晒今晚啲餸後，又瞓咗一陣。。。個人仍然好攰！

今晚整咗柚子雞翼同黑椒雜菇豬頸肉返阿麻到慶祝母亲节，而低能仔就食黑椒雜菇豬頸肉同珍寶腸，低能仔啲晚餐我帶埋返阿麻到，咁就唔使佢餓咁耐。。。

今晚有人好細心，佢見到落大雨，就過咗阿麻到接我返屋企，傻佬，你總係令我咁窩心∼返到去開完飯俾佢，攬住佢瞓咗一陣，就開埋爐同倒埋垃圾就走喇！雖然想見佢耐啲，但佢聽日始終要 exam，我都想佢早啲温完早啲瞓。。。只要捱多幾日，我哋就可以好似以前咁架喇！我要乖乖哋忍埋落去∼低能仔，加油呀！





 


分類: 我們的生活點滴
 [ 訪客留言(0) ] [ 編輯日誌 ]

2015 年 5 月 9 日  星期六   晴天
對唔住∼
今朝起身依然好唔舒服，成日不停咁咳。。。到下晝開始把聲已經開始沙，到咗夜晚直情連聲都冇埋！

今晚原本要去婆婆嗰邊食母亲节飯，但我一來唔想去，二來我想接低能仔收工，所以我冇過到去。。。收工後我覺得好辛苦，不停咳，仲要咳到心口都痛！不過去到見低能仔，我又一樣扮到冇事，我唔想佢擔心我。。。只可惜把聲越嚟越沙，最後連聲都冇埋！

今晚我哋食大家樂，我食雞扒餐，而佢就食雞絲飯，個傻佬食到一半覺得唔好食，佢一見我食佢啲飯就不停勉強自己食∼我知佢唔想我食啲佢覺得難食�H嘢，但我真係冇乜所謂，我寧願佢食得好，食得開心，我食乜又有乜所謂？所以最後我將我哋�H晚餐對調咗∼低能仔，我只係想將最好�H都留俾你！

低能仔，對唔住呀！我成日都病搞到你要擔心我∼



 


分類: 我們的生活點滴
 [ 訪客留言(0) ] [ 編輯日誌 ]

2015 年 5 月 8 日  星期五   晴天
多謝你
今日請咗假，成日都響屋企休息，乜都冇做過。。。雖然真係叫真正�H休息，但好似嘥咗一日咁，因為我冇煮飯俾低能仔食！

低能仔，我今日成日都好乖留響屋企等你，你知嘛，我真係好掛住你∼我好想攬實你瞓，每次攬實你瞓都係我瞓得最安心�H時候！今晚你叫我帶部機俾你拎去整，我真係好開心，因為我真係好鍾意嗰部機。。。點知落到去，你將我嗰部機放落袋，又拎另一部新�H出嚟同我講已經整番好，你知唔知你好傻呀？我有你已經好足夠，只要你陪我、愛我、對我好，我已經好滿足，所有物質�H嘢我都唔在乎∼

食完嘢返到你到，幫你按摩完，仲可以攬住你瞓一陣，我真係好幸福！但見你咁攰，我都唔忍心留咁耐，唯有開埋爐俾你就走∼低能仔，你今晚要早啲沖涼同休息呀！捱多一個星期就可以好好抖吓架喇。。。加油呀！








 


分類: 我們的生活點滴
 [ 訪客留言(0) ] [ 編輯日誌 ]

2015 年 5 月 7 日  星期四   晴天
掉低

 尋晚瞓得好差，喉嚨痛得好緊要，今朝6點幾頂唔順爬起身食藥，瞓到11點幾先醒！


整完指甲就等低能仔嚟接我去食嘢，我哋去咗食烏冬，好好味，好鍾意食！而且有人仲襯我唔為意，放咗支香水響我手袋，低能仔多謝你！

食完嘢佢要去紅磡，而我就自己出銅鑼灣等佢！出到去我覺得越嚟越辛苦，好唔舒服。。。但又唔知可以去邊，只係企咗響金佰利等佢嚟接我，其實我唔鍾意咁，我覺得好孤獨，點解唔可以一齊？到咗5點幾佢先嚟接返我∼我已經辛苦到想喊。。。但我依然扮冇嘢咁嗲佢，買完嘢佢就帶我睇醫生！

今晚食完嘢我哋就返去，有人送埋我去樓下！但我好想見多佢一陣，攬住佢瞓甚至嗲佢∼低能仔，我覺得好驚，你可唔可以唔好令我亂諗嘢？可唔可以唔好掉低我響條街？

尋尋覓覓蝴蝶花上流離
年年月月若要走總要飛
蒼生是幾秒遊戲
相愛是不朽的隱秘
白費的 好一場旖旎

層層叠叠遺落幾段傳奇
離離合合沒你怎知我悲
當朝夕可以忘記
偏有時貪歡想起你
沒結果 仍回味至死

誰能及我驚天動地 連流淚都覺嫵媚
上輩子一早約你 今生重逢之地
誰人為我精彩預備 最痛的相愛別離
下輩子找得到你 思憶如棉絮飛
直到瀰漫天與地

平平淡淡無字寫下傳奇
遊遊蕩蕩沒你怎飛躍起
當今夕可以忘記
天再亮偏捨不得你
任世間 流傳是與非

誰能及我驚天動地 連流淚都覺嫵媚
上輩子一早約你 今生重逢之地
誰人為我精彩預備 最痛的相愛別離
下輩子找得到你 思憶如棉絮飛

門牆亦緊閉起 紮實拳頭去愛起
仍在指間走失不見你 沒餘地

誰能及我驚天動地 任背影開到荼蘼
這輩子感激有你 刺骨銷魂滋味
誰人是我一生夢寐 最美的相愛別離
下輩子找得到你 該可從頭愛起
讓我承受所有妒忌



 

分類: 我們的生活點滴
 [ 訪客留言(0) ] [ 編輯日誌 ]

2015 年 5 月 6 日  星期三   晴天
倒數。。。13日
聽日終於都放假喇！好攰。。。好攰，真係好攰呀∼

今日響鋪頭一直都好掛住低能仔，好想嗲佢∼不過佢今日要温書，所以我忍住唔揾佢！點知原來有人只係温咗一個鐘頭書囉。。。嗰刻有啲唔開心！因為特登放假，但最後又係冇乜温過書∼

今晚收工有人帶咗魚蛋燒賣嚟接我，然後就一齊去食麥記！不過今晚阿容打俾我，搞到食都食得唔開心∼始終私人時間都想屬於我同低能仔，唔係好想有人騷擾嘛！食完嘢我哋行埋759就搭車返去！響車我已經好攰，但我堅持冇瞓，因為我想佢陪我耐啲，我好想成日都見到佢，好想佢成日都響我身邊！其實我係咪好貪心呢？

低能仔，仲有12日就開始7日�H假期喇！一年裡面可以有5日係日對夜對真係好，唔知幾時先有機會每晚都攬住瞓呢？好期待∼

 


分類: 我們的生活點滴
 [ 訪客留言(0) ] [ 編輯日誌 ]


« | 252 | 253 | 254 | 255 | 256 | 257 | 258 | 259 | 260 | 261 | ... | 384 | »