jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34380 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 19
累積人氣： 34380
RSS Feed
2015 年 4 月 25 日  星期六   晴天
期待

 今日依然都係返觀塘，又要好早就起身。。。想繼續瞓！！


今朝返到公司，whatsapp低能仔同佢講我好掛住佢，點知個傻佬即時打嚟，BB我聽到你個電話即時叉滿電，我今朝成朝好掛住你，可以聽到你把聲係我最好嘅止咳藥！

今晚收工要返屋企同媽咪食生日飯，爸爸佢哋叫 pizza同壽司返嚟食，全部都係我最鍾意架！但令我最開心嘅係爸爸、家姐都對低能仔好好，留咗好多嘢俾佢食，我諗每個人最感恩係屋企人都接受自己身邊另一半之餘，仲要對佢好似自己屋企人一樣咁好！

低能仔收工返到嚟響樓下等埋我一齊返去，佢殘咗好多，而且仲係咁咳！返到去食埋嘢，我幫佢鍊咗一陣就返咗去，其實佢叫我留耐啲，不過難得佢今晚唔使做 project，我都想佢可以抖吓∼

低能仔今晚話覺得我對佢嘅感覺唔同咗，冇以前咁愛佢！其實唔係架。。。我一樣咁愛你，甚至俾以前更愛，你知嘛，你響我生命中重要嘅情度遠遠超越過自己，你對我好重要好重要真係好重要！不過你話你會更努力令我更愛你，我聽完真係好冧，期待你會令我更加愛你....



 

分類: 我們的生活點滴
 [ 訪客留言(0) ] [ 編輯日誌 ]

2015 年 4 月 24 日  星期五   晴天
快啲過

 今朝7點幾就自己醒咗，食咗啲藥雖然攰，但就好易醒。。。


今日超忙，做嘢做到3點幾先食飯，跟住又開始做過，眨吓眼就到收工，今晚低能仔響旺角等我！

今晚有個傻佬帶我去食日本嘢，食我最愛嘅三文魚生飯，好好味呀！其實我唔一定要食呢啲架，只要同你一齊，我響街邊食魚蛋都已經好滿足！食完嘢行咗陣信和就搭車返去，響車見到佢攰到瞓著咗，我覺得個心好痛∼幸好佢得番一份 project，做完之後就可以抖一抖，希望呢段日子可以快啲過！



 

分類: 我們的生活點滴
 [ 訪客留言(0) ] [ 編輯日誌 ]

2015 年 4 月 23 日  星期四   晴天
平靜

 今日休息。。。瞓到差唔多12點先起身！醒咗就落咗林德华到睇醫生∼睇完醫生買埋餸同感冒茶，我就返咗屋企瞓，瞓足一日！


今晚煮完飯同整番熱啲感冒茶，就等低能仔返！我哋都係過咗一個好平靜嘅夜晚∼依然都係食飯、睇劇！

分類: 我們的生活點滴
 [ 訪客留言(0) ] [ 編輯日誌 ]

2015 年 4 月 22 日  星期三   晴天
安靜
今日返 KFM，好攰好攰。。。除咗要好早起身之外，仲要今日 stock take，所以攰到冇朋友！

今日收到 Mandy whatsapp，佢邀請我星期日去佢新鋪開張，收到呢個 whatsapp我好戥佢開心，因為佢有人生新嘅一頁，其實我好想去架！不過我知道 Jason今日請咗星期日，佢都會去 Mandy個 opening，所以我有啲猶疑，究竟去唔去好？始終。。。。

今晚收工低能仔響灣仔等我，其實我見到佢，我真係好開心架！但我覺得好似冇嘢同佢講喇。。。點解會咁架？係咪因為佢最近太忙少咗響我身邊，而令到我咁呢？我好驚我哋冇晒話題…… 


分類: 我們的生活點滴
 [ 訪客留言(0) ] [ 編輯日誌 ]

2015 年 4 月 21 日  星期二   晴天
覆診

 今日要返醫院覆診，十二點幾就起咗身，點知有人 whatsapp話我今日放假都唔揾佢，其實我只係剛剛起身。。。雖然係咁，但都好開心，起碼佢會在乎我有冇揾佢先！


報告終於都出咗，白血球過低。。。兼且今日要打針搞到個人好攰∼覆完診就去咗買餸，因為低能仔今晚要做 project夜返，所以煮定飯等佢返嚟！

其實今日有諗過放棄唔煮飯，因為打完針個人好攰，好想瞓。。。但一諗到佢響出面咁辛苦做嘢，我又冇理咁多依然煮飯！今晚煮咗沙嗲雜菇炒豬頸肉雞扒、蒜蓉炒西蘭花、薯仔燘雞翼，除咗薯仔燘雞翼冇留俾佢外，其餘都留咗俾佢今晚做晚餐，唔知佢鍾唔鍾意呢？煮完飯落去買埋紙巾俾佢，成個人都散晒。。。不過見到爸爸家姐都鍾意今晚餐飯，乜都覺得值得！當然最重要嘅係希望佢鍾意∼

低能仔，今日一路煮飯，一路諗番有人叫我小心你有另一個，佢話冇學校咁夜都唔閂，但我發現我已經唔想理，我只係想盡番女朋友應做嘅嘢去對你，煮好飯、打理好你屋企一切大小事，等你安心做好你要做嘅嘢，或者你會因為我為你做嘅一切而感動，更會愛我多一啲，哈哈。。。低能仔，我好掛住你，你幾時返呀？我好想攬住你嗲你呀<3


 

分類: 我們的生活點滴
 [ 訪客留言(0) ] [ 編輯日誌 ]


« | 255 | 256 | 257 | 258 | 259 | 260 | 261 | 262 | 263 | 264 | ... | 384 | »