jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34382 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 21
累積人氣： 34382
RSS Feed
2015 年 4 月 20 日  星期一   晴天
我們的23個月
我們的二十三個月

今日係我哋拍拖二十三個月紀念，朝早9點幾扎醒咗見到低能仔 4點幾揾過我，真係好，佢終於可以瞓到自然醒，見到佢可以真正休息吓，我個心安心好多∼之後我瞓到十二點幾先起身，知道佢今日冇晒事，我就好期待今日同佢見面！

今日我哋響旺角渡過23個月，有佢響身邊，我覺得去邊都係最開心，睇乜都係最幸福，食乜都係最好味！

低能仔，呢23個月我照顧得你好嗎？你知嘛，呢23個月你為我嘅改變，你對我嘅付出，我完全感覺得到！呢段日子係我呢生人過得最幸福嘅時候，我渴望一世做你嘅煮飯婆，渴望一世為你執屋、按摩，更渴望一世都見到你同攬住你瞓∼就好似劉青雲同郭藹明咁“ 每次我揸住太空船飛咗去宇宙唔知邊度，你總會令我安全返地球。 ”其實呢番說話都係我想講嘅嘢，每次當我想離開你嘅時候，你都總有辦法令我心甘情願咁繼續愛你，甚至更愛你∼低能仔，我真係好愛你！

還有一個月，就係我哋嘅甜蜜之旅喇！希望到時我哋都可以好似依家咁 sweet，可以嗎？！


 


分類: 我們的生活點滴
 [ 訪客留言(0) ] [ 編輯日誌 ]

2015 年 4 月 19 日  星期日   晴天
發癲

 尋晚又唔知幾點瞓著咗。。。瞓到四點幾見到低能仔揾過我，我先知我呢隻懶豬又瞓咗！


今日有人病咗，又發癲同頭痛！緊係呢排捱夜唔夠瞓，所以抵抗力差咗，陰公豬心痛死我喇！我知道叫佢睇醫生佢實唔肯去，唯有響香港仔買定感冒茶俾佢，買完餸同佢嘅日用品，我就返去醃定啲餸，買埋嘢飲就過佢屋企執屋！

上到佢到真係好掛住上次響佢到執屋時，有佢響身邊陪住我，今日得我一個，雖然係可以專心執嘢，但個心一直都響佢到。。。搞掂晒啲嘢就嗱嗱臨返去煮飯同沖涼，因為今晚要返阿麻到食飯，唔想佢收工返嚟又要等我，點知煮緊飯嘅時候，佢突然話佢返緊嚟，嗰一刻就更加趕，我知佢應該好辛苦先早走，但佢條鎖匙響我到，我唔想佢病咗仲企響街到等我，所以用最快嘅速度去煮，同整番熱啲感冒茶落暖壺俾佢！

落到去見到佢個樣好攰同個頭有啲熱。。。返到屋企幫佢鍊咗一陣，有人仲被迫俾我貼咗張退熱貼先準食飯，哈哈。。。搞掂晒啲嘢，俾佢飲埋感冒茶，然後睇埋佢乖乖哋上床瞓我就走！原本佢叫我食完飯上去佢到陪佢，不過最後我都返咗屋企！

低能仔，你呢排捱得太辛苦喇！我唔過嚟唔係我唔掛住你，只係我希望你可以安安靜靜咁好好休息，我愛嘅係一個精精神神嘅低能仔，你要快啲好番呀！最後，好多謝你送俾我嘅23個月禮物，我好鍾意呀∼但我真係唔捨得用。。。23個月我冇嘢俾到你，因為全部用晒響兩週年之旅嗰到，對唔住呀！





 

分類: 我們的生活點滴
 [ 訪客留言(0) ] [ 編輯日誌 ]

2015 年 4 月 18 日  星期六   晴天
在乎

 今日第一日返 KFM，又係要一早7點起身。。。又要行上行落，4樓行上11樓，再由11樓行返去4樓，來回幾次搞到個人好攰！加上嗰邊剛裝修完，嗰陣味勁難頂，焗到個頭勁痛，陣係好想快啲收工。。。


收工後約咗家姐響灣仔等，終於都買咗對新鞋喇！不過有人話除咗對鞋乾淨啲之外，就唔覺有乜分別囉。。。低能仔，其實因為我專一，鍾意一樣嘢就唔想變，哈哈∼買完鞋同去埋759濕平之後，都已經差唔多8點，嗱嗱臨趕返銅鑼灣接低能仔收工，但我雙腳已經好似唔係我自己咁∼當然緊係要買番啲嘢食俾佢啦！今晚嘅 snacks係佢最愛“沙士指環”！

今晚我哋食麥記。。。本身個傻佬驚我唔夠飽，又怕我唔健康，唔係好想俾我食架！不過我堅持要食紫菜薯條，佢先迫於無奈應承我！低能仔，對唔住。。。你咁攰仲要排隊買嘢俾我食，其實應該我買俾你至啱∼見到你咁攰，我真係好心痛，你可唔可以應承我早啲瞓呀？我真係寧願我辛苦、我攰，都唔願意見到你咁∼因為我真係在乎你！


 

分類: 我們的生活點滴
 [ 訪客留言(0) ] [ 編輯日誌 ]

2015 年 4 月 17 日  星期五   晴天
爆炸

 尋晚依然瞓吓醒吓，今朝7點幾又扎醒咗，好唔容易8點幾先恰著番，點知突然嘭一聲，嚇到成個人即時醒晒。。。。原來阿麻嗰座火燭同爆炸，見到啲火燒到去阿麻屋企，個人真係好驚，雙手不停咁震同氣速，兼且打電話又揾唔到佢，最後乜都唔理拎番件外套落街揾！由於啲火燒到阿麻屋企，啲消防員救火時噴到成屋濕晒，搞到要返去抹嘢。。。


平時睇新聞見到火燭同爆炸就見得多，但親身經歷嗰種驚同擔心就係第一次。。。幸好揾得番阿麻，幸好佢冇事咋∼假如佢有事就真係唔知點算，始終都係嗰句，我唔可以冇咗佢……但依家每逢聽到嘭一聲，我好自然又手震，係太驚嗎？

今晚搞掂晒啲嘢，低能仔響深水埗等我，佢知我成日都冇食過嘢，就帶我去咗食壽司，又同我行咗好多地方！明明有人已經好攰，個袋又重，依然面不改容咁對住我，低能仔，多謝你咁愛我呀！響車我特登冇用力將個頭挨落佢到，希望可以俾個頭佢挨住瞓，見到佢咁攰，我個心好痛，因為我真係乜都做唔到，我好想攰嗰個係我，我願意代替佢攰∼只可惜。。。






 

分類: 我們的生活點滴
 [ 訪客留言(0) ] [ 編輯日誌 ]

2015 年 4 月 16 日  星期四   晴天
宵夜
今日星期四，係我放假嘅日子，呢段日子真係好攰∼今朝瞓到十一點幾就醒咗！

低能仔今日要返學校做功課，佢臨出去之前帶咗我落海怡食晏，然後佢就返學，我就去買餸煮飯今晚等佢返！雖然放假冇佢響身邊好似少緊啲嘢，但佢咁忙我點都要体諒佢，佢最多都係忙多一個月，我相信我哋唔會因為單單一個月見少咗，而令到佢同咗另一個一齊，只要我盡咗女朋友嘅責任，就算變成點樣，我都覺得無悔∼況且等佢忙完之後，我哋就可以開開心心去旅行！

今晚煮咗土匪雞扒、洋葱煙肉焗薯蓉同娃娃菜粉絲雲吞煲！呢排佢成日捱夜，要煮得豐富啲比佢食至得！土匪雞扒係第一次煮嘅餸，唔知啱唔啱佢胃口呢？原本有人話8-9點返，但最後要成十點先響學校走，晚餐最後變宵夜。。。陰公豬，我諗你一定好辛苦同好肚餓∼其實今晚我係咪唔應該煮飯？應該俾佢走咗之後，自己去食完嘢，嗱嗱臨返去抖，而唔係搞住佢呢？


 


分類: 我們的生活點滴
 [ 訪客留言(0) ] [ 編輯日誌 ]


« | 256 | 257 | 258 | 259 | 260 | 261 | 262 | 263 | 264 | 265 | ... | 384 | »