jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34395 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 34
累積人氣： 34395
RSS Feed
2015 年 3 月 15 日  星期日   晴天
好攰

 尋晚等佢 whatsapp等咗好耐，等到3點幾就瞓著咗∼直到今朝7點幾扎醒咗，見到佢5點揾過我，不過我冇覆到佢就瞓番。。。


其實有時當遷就一個人到某一段時間，個人就開始覺得攰，兼且我哋拍咗拖都成兩年，時間耐咗可能就冇咁 care一個人，或者因為咁，當身邊多咗一個無時無刻都好似緊張你多過自己嘅人出現時，無論你有幾愛身邊嗰個，你個心都會有比較，都會開始有啲動搖∼

今日10點起身後，就同爸爸出去食嘢，然後就買餸返去今晚煮飯俾低能仔！今日雙眼好攰同有啲腫，可能因為尋晚。。。買埋餸同之前想買俾佢個roll cake後，就返咗屋企∼原本諗住襯今日有時間整冬甩，可惜買咗蛋糕，根本冇可能食到咁多嘢，所以就冇整到！但今日個人依然散晒∼好攰！
 

分類: 我們的生活點滴
 [ 訪客留言(0) ] [ 編輯日誌 ]

2015 年 3 月 14 日  星期六   晴天
白色情人節

 今日係白色情人節，當然要預備啲嘢令低能仔 sweet sweet吓啦！但因為要返工，所以只能買現成嘅嘢。。。栗子燒 & 朱古力脆脆∼希望佢唔會嫌棄同覺得sweet啦♡


今日返寫字樓，7點就起身返工！好攰好攰。。。攰到頂唔順要買杯咖啡飲！我記得對上一次攰到要飲咖啡，應該係響莫醫生到，嗰朝放半日同低能仔搞學校嘅嘢，然後先再返工∼今日又係忙忙忙，連續兩日係咁，個人真係散晒，周身都好攰同好痛！陣係想攬住低能仔瞓覺。。。

收工之後，就行去搭巴士落銅鑼灣接佢收工！真好，白色情人節可以同佢一齊過∼冇嘢比起同佢一齊平平淡淡咁生活更幸福、更 sweet！或者因為我真係好愛好愛佢∼

低能仔，白色情人節快樂！


何謂快樂　何謂不滅的愛
從前為此鑽進絕角
還未知道　我是誰
常期望獎勵　名利總像不夠
隨著日子困惱漸退
尋覓中教我看通
沒絕對抉擇　每天輾轉發生
沒有不可　棄舊要新
每日埋首工作　每夜隨心揮霍
縱是會寂寞欲語無言
最愛是狂歌之後獨行
埋首工作　努力無須感覺
世上每件事　就算無常
成敗完全來自我直覺
更多更詳盡歌詞 在 ※ Mojim.com　魔鏡歌詞網 

何謂快樂　何謂不滅的愛
從來沒想過會是你
陪著走過去未來
原來是這樣　成就今日一切
凝聚樂觀勇氣自信
尋覓心裡最好的
是做對抉擇　每天輾轉發生
讓我終於領悟更多
縱是忙於工作　記著騰空一角
儲備了寂靜
蜜意濃情　再細認黃昏一抹夕陽
而且相信　以後(我願)
如此相信　我亦算幸運
倦了回頭　遙遙長路還剩你伴我
 

分類: 我們的生活點滴
 [ 訪客留言(0) ] [ 編輯日誌 ]

2015 年 3 月 13 日  星期五   晴天
杯弓蛇影

 今日超忙，一次過返咗千幾件貨，忙到冇停過，仲要搞到遲收工添>_<"


8點幾嘅時候，有人俾個 surprise我，whatsapp同我講佢啱啱比賽完，趕唔切嚟接我，嗰一刻我仲有大把文件未入電腦，要做埋先走，所以我叫佢慢慢。。。點知差唔多830時，有個傻佬帶埋泡芺嚟推門入嚟，見到佢即時開心晒∼不過我仲搞緊啲文件冇時間理佢！一路入文件，個人就越急。。。因為我怕佢等得太耐，而唔開心！最後我埋完數啲嘢都冇執，就嗱嗱臨執嘢走∼

今晚雖然好很攰，但食完飯後，我好想行吓。。。低能仔陪我去咗 city super行，見佢一路拎住部機睇“屎眼”，一路陪我行，所以我就選擇咗唔行而返屋企，唔係因為啲乜嘢唔開心，只係我唔想佢拎住部機陪我行嚟行去咁辛苦咋！

返到嚟佢叫我上佢到佢幫我鍊，我又邊捨得佢咁辛苦吖！或者正如佢嗰句“食定你”真係好啱，我諗我都係注定俾佢食硬∼結果陪佢拎完淘寶，佢就響樓梯口陪多我一陣！低能仔，你今晚拆淘寶當我見到嗰個女仔手機 case時，你仲要話覺得得意所以留番低時！ 我真係好驚， 好驚你係送俾第二個，但你話係買嘢送嘅時候，我先覺得安心咗啲，對唔住。。。我諗我明白乜嘢叫杯弓蛇影呢四個字喇！



 

分類: 我們的生活點滴
 [ 訪客留言(0) ] [ 編輯日誌 ]

2015 年 3 月 12 日  星期四   晴天
隔離飯香？！
今日休息喇！但依然瞓得唔好，發夢都係夢見響公司裡面！天呀。。。我就快癲喇∼

12點醒咗之後，就等低能仔起身，不過等咗好耐都等唔到！佢到咗成2點先俾我叫醒-_-"之後我上咗佢屋企，等佢化埋妝後我哋就去咗中環，雖然天氣好凍，但陪住佢影相，我覺得好開心<3 有個傻佬今日又買咗嘢俾我，低能仔以後唔好嘥錢喇！我有你真係已經好足夠∼

今晚我哋去咗旺角，有人同我去揾香薰機。。。原本揾咗咁耐，連我都放棄！不過佢依然堅持揾，最後亦俾佢揾到！希望呢部機真係有啲用啦。。。每晚都係咁真係好辛苦架∼食完嘢我去買埋杯涼茶俾佢，我哋就搭車返去！我知佢都同我一樣攰，所以返到去我依然係自己返屋企∼

低能仔，一直以嚟我咁怕你望其他女仔，識其他女仔，係因為我有比較，我覺得自己冇人哋咁好，就正如你尋晚講嗰句好啱“隔離飯香”！我怕我呢碗飯放得太耐，你好快會厭，會覺得其他嘅吸引啲！我諗每個女仔太愛一個男仔時，都會怕呢一樣嘢！

Anyway你聽晚比賽加油呀！ 


分類: 我們的生活點滴
 [ 訪客留言(0) ] [ 編輯日誌 ]

2015 年 3 月 11 日  星期三   晴天
自豪。。。

 聽日終於都可以同低能仔一齊放假喇！兩個星期四冇得同佢一齊放假，聽日終於可以二人世界，真係太好喇！有人話聽日陪足我一日，兼且帶我去街街。。。


今日響公司睇咗好多唔同地方旅行嘅嘢，雖然我鍾意台北，但我想同佢去唔同嘅地方，我有諗過沖繩同台中， 沖繩就陽光海灘，係 relax嘅好地方，而台中就有薰衣草園好靚∼都係令人可以好好放鬆旅程！始終辛苦咗一年，我好想佢可以好好享受個 trip，我諗要好好 seach吓邊到適合佢多啲！

今晚有人趕唔切嚟接我收工，我收工後就過灣仔揾佢。。。原來有人掛住影相，影到唔知時間！低能仔，你以後遲咗嚟接我，就話我知道，唔緊要架知嘛？！

過到灣仔一見到佢，佢就攬住我同抱起我錫咗我一啖，好窩心嘅感覺。。。應該話係幸福嘅感覺至真！其實呢幾日，雖然我哋收工後去食飯，然後就返屋企，睇落好似好平淡，但早咗返去，可以俾番啲私人時間佢，等佢可以做啲自己想做嘅嘢，未嘗唔係一件好事，因為我都想做一個体貼嘅女朋友！始終我都知道自己唔係一個特別好，亦唔係嗰啲會有人羡慕佢有個咁嘅女朋友嘅人，所以我都想學吓∼我好想做一個會令佢覺得有我係一件值得自豪嘅事，甚至係一件無悔嘅選擇！咁諗係咪好傻呢？


 

分類: 我們的生活點滴
 [ 訪客留言(0) ] [ 編輯日誌 ]


« | 263 | 264 | 265 | 266 | 267 | 268 | 269 | 270 | 271 | 272 | ... | 384 | »