jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34416 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 55
累積人氣： 34416
RSS Feed
2015 年 2 月 7 日  星期六   晴天
團年

 今日 sick leave，食咗啲藥個好攰，周身都好痛。。。起身食咗啲藥之後，就再瞓過，一瞓就瞓到四點幾∼


今晚食完團年飯之後，我就去咗接低能仔放工，同佢去咗食完吉野家，我哋就返咗去。。。今晚我哋冇乜嘢講，係太攰嗎？還是因為今晚佢所講嘅一句話？“成日要顧住你，我覺得好攰！”

返到嚟響樓梯口幫佢鍊咗一陣就返屋企，佢話聽晚會夜啲返，要去深水埗換機。。。叫我唔使等佢-_-"或者小啲見都係好事，起碼佢唔會覺得攰先！聽晚我約咗 luzi整完指甲食飯，但佢話可能叫埋佢出嚟。。。

唔知我哋究竟幾時先可以兩個人一齊食團年飯呢？


 

分類: 我們的生活點滴
 [ 訪客留言(0) ] [ 編輯日誌 ]

2015 年 2 月 6 日  星期五   晴天
熊貓
今日返工。。。。朝早好凍，唔想起身呀！返到鋪頭食咗啲藥個人好攰。。。而且仲係咁咳同燒！

今晚收工，過咗 sogo等低能仔，我哋去咗澳門茶餐廳食飯，之後就去咗行咗一陣。。。有個傻佬買咗隻熊貓俾我，叫我要記得“熊貓”！同個傻佬一齊真係好幸福。。。 


分類: 我們的生活點滴
 [ 訪客留言(0) ] [ 編輯日誌 ]

2015 年 2 月 5 日  星期四   晴天
比較
今日終於都放假，但依然瞓得唔好，今朝起身時，條頸擰唔到去左邊，仲要一郁就痛！唉。。。

今日同低能仔一齊放假，我哋去咗深水埗同旺角，同佢一齊好開心！因為依然都係一路行，一路玩同一路影相，個傻佬問我，每次佢影相都甩開我隻手，我會唔會覺得佢唔鍾意我？低能仔，其實我明白影相係你嘅至愛，我唔會覺得你唔愛我，反而我覺得影相嘅你好 cham，我好鍾意，所以我今日將你影相個樣影低落嚟，我發現原來你鍾意影相，而我就鍾意影你。。。

低能仔，其實我諗每個人都會有比較，我成日都響到諗，點解以前佢每幫你影一張相，你都會咁開心咁放上網俾人睇？而我你就唔會咁。。。點解你錄歌放上 you tube送俾佢時，你每一次都會好 sweet咁寫“送俾一個人，希望佢鍾意！”但對住我一樣唔會。。。有好多時我都響到諗，係咪我對你唔夠佢對你好？係咪你愛我唔夠好似愛佢咁多？係咪我依然都唔可以光明正大咁做你女朋友？即係 instagram有人問你，我係咪你女朋友時？你都唔會承認。。。所以今日響巴士上我先會咁唔開心∼






 


分類: 我們的生活點滴
 [ 訪客留言(0) ] [ 編輯日誌 ]

2015 年 2 月 4 日  星期三   晴天
宜家傢俬

 返咗兩日工，已經連續兩晚都瞓得唔好，發夢都見到佢哋。。。每朝瞓醒都係揸實個權頭，係壓力太大嗎？


今日上 Facebook見到有個傻佬響 Agnes b 個 page張相到留咗句說話，睇到嗰一刻，我真係好感動！因為佢知道嗰張相個鍊咀我好鍾意，再加埋嗰句說話，令我更加想快啲收工見到佢！

今晚佢嚟接我收工，有人俾咗個驚喜我，放咗兩張12号嘅音樂會門卷響我手袋，傻佬，你對我真係好好，你會知我鍾意啲乜，就遷就我去睇，你會知我放假又走去調堂陪我，你會知我掛住你，每晚都陪我，我真係好幸福。。。

食完飯我哋去咗行宜家傢俬，同佢一路行，我一路諗我哋將來嘅家係點？佢又會諗買乜嘢焗爐俾我煮嘢佢食？呢種温暖嘅感覺真係好窩心，其實我真係好想好想快啲嫁俾你！



 

分類: 我們的生活點滴
 [ 訪客留言(0) ] [ 編輯日誌 ]

2015 年 2 月 3 日  星期二   晴天
第一日

今日第一日返番呢間公司！感覺已經唔同晒，冇以前咁鍾意呢到喇。。。或者因為朝早過咗 FM拎鎖匙嘅關係！


返到 CB預咗已經要大執，亦預咗有排忙！個倉同個場亂到仆街。。。不過唯一估唔到嘅係，啲塵冇想像中咁多！原來 Jason知我返嚟，所以抹過晒啲嘢同地下，仲唱好晒銀機裡面啲錢！

今日下晝 Jason過咗嚟，冇諗過返工第一日就要見到佢。。。見到佢已經預咗佢會講啲乜，我聽完都冇乜理過佢，只係一心諗住等低能仔嚟接我收工，我好掛住佢！

今晚我哋食完飯就去咗行街，有人仲帶我去書局買王貽興，好開心。。。但最開心係有人將我哋嘅相做咗 wall & whatsapp wallpaper！我覺得如果自己愛嘅人，肯用自己嘅相去做手機 wallpaper，係一件認同自己嘅事！雖然某情度上係我逼佢，但佢肯咁做其實係好難得。。。低能仔，多謝你為我所做嘅一切，多謝你咁愛我！我會好好珍惜你對我所做嘅一切。。。


 

分類: 我們的生活點滴
 [ 訪客留言(0) ] [ 編輯日誌 ]


« | 270 | 271 | 272 | 273 | 274 | 275 | 276 | 277 | 278 | 279 | ... | 384 | »