jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34610 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 19
累積人氣： 34610
RSS Feed
2015 年 1 月 3 日  星期六   晴天
選擇了

 今日係星期六。。。原來冇返工之後，連今日係星期幾都唔知！


今日瞓到點幾先起身，好舒服！見到低能仔 whatsapp之後，我就打俾佢。。。我冇試過瞓醒就打俾佢，由拍拖至今都冇試過，我好想嗲吓佢。。。不過佢好似唔係好習慣咁，係已經習慣咗對住空氣講嘢嗎？我好想做啲所有女朋友都會做嘅嘢，隨時都可以打俾佢！

差唔多4點幾，佢帶咗我去 pizza hut食下午茶，好好味！所有要切嘅嘢，我依然都係坐定定等食就得，好港女！下次都係等我切嚟餵你食啦。。。食食吓嘢我將 Jason Send 俾我嘅whatsapp，send咗俾佢“我喜歡你，好想同你一齊”！個傻佬知係佢 send俾我之後，佢拎咗我電話，今次我冇任何反應，由得佢睇佢電話号碼！因為我已經選擇清楚。。。

食完嘢行埋海怡，我哋返咗屋企，我好享受服侍佢，甚至嗲佢嘅時候，我知道要維繫到一段感情唔能夠單方面付出，而另一個就坐響到唔郁，咁樣只會最終分手收場！依家佢好努力咁響 Jason到拎番我另一半返嚟，我又點可以乜都唔理咁坐響到唔郁呢？我只係希望我嘅選擇冇錯！

分類: 我們的生活點滴
 [ 訪客留言(0) ] [ 編輯日誌 ]

2015 年 1 月 2 日  星期五   晴天
呆滯

 今日係我失業嘅第二日，連最後一樣嘅“還鎖匙”都還埋，終於都同呢間公司畫上咗句号，我唔捨得，兼且有啲唔開心，但無辦法，如果愛情同事業，我依然會選擇愛情！離開又或者因為 Jason會成為我同低能仔之間嘅問題，既然我個心嘅一半已經唔響到，我唔想連另外嗰一半都冇埋！


今日低能仔一早就出咗去，我以為佢去傾 project，所以我諗住出去行吓，點知佢話佢唔出去，響銅鑼灣等我。。。今日佢陪足我一日，基本上我想去邊，我想食乜佢都就晒我，但有人又望女仔俾我捉到囉。。。。

食完嘢行咗一陣我哋返咗屋企二人世界，低能仔問我做乜今日成日都呆呆滯滯？其實我唔知關唔關Jason尋晚揾過我事？我只係知道我好想盡快同低能仔去澳門，好想癡住佢，好想二人世界耐啲，好想以後日子都有佢，好想好想佢係我終身伴侶，一世都係我 BB chu！但係咪真係好想好想、好信好信就可以架？

分類: 我們的生活點滴
 [ 訪客留言(0) ] [ 編輯日誌 ]

2015 年 1 月 1 日  星期四   晴天
重新開始
今日係2015年1月1日

上年嘅今日，低能仔要返工，返尖沙咀！今年佢一樣要返工，依然都係尖沙咀！上年嘅今日係我哋最唔開心嘅時候，今年佢對我細心咗！上年嘅今日，佢收工返嚟接我去大街食飯，今年都係一樣，但可惜嗰間嘢唔見咗。。。

尋晚低能仔問我個心嘅另一半去咗邊？我只係答佢我唔知。。。但佢話佢會將我另一半攞番返嚟！我知道佢真係好錫我，我知道我真係好愛佢，低能仔，你記得要攞番我個心返嚟呀！

星期日就去澳門喇！但仲未諗去邊，我好想襯住呢兩日，好好咁同低能仔二人世界，好想我哋嘅感情可以更好！始終2015年，所有嘢都應該重新開始。。。。低能仔，你話係咪？ 


分類: 我們的生活點滴
 [ 訪客留言(0) ] [ 編輯日誌 ]

2014 年 12 月 31 日  星期三   晴天
除夕

 今日係大除夕，亦係我響呢間公司最後一日！我心情有啲唔知點咁，好唔捨得！但。。。最後一日我幫間鋪大清潔，仲執好晒所有嘢！呢啲係我最後能夠做嘅嘢。。。雖然今日開半日，公司提早收工！幸好生意都算係咁，總算係華麗結束。。。


收工後，行咗一陣就等低能仔收工，呢排佢見親我都好開心咁笑。。。我知道佢真係怕我會走！今晚我哋過咗一個好簡單，好平靜嘅除夕，冇好似上年咁，過得咁刺激！食完飯個傻佬就同我返屋企，佢響車攰到瞓著咗。。。我由得佢瞓，我知道你已經好攰喇！

返到屋企我哋攬住聽吓歌，傾吓計。。。到咗十二點一齊睇 mytv倒數，好開心2015年第一個就見到你！新一年我希望可以繼續愛你、照顧你、為你煮更多更多嘢食！最緊要係你一定要入到大學，同埋愛我多一啲！將送咗俾人嗰半個我帶番返嚟，可以嗎？

分類: 我們的生活點滴
 [ 訪客留言(0) ] [ 編輯日誌 ]

2014 年 12 月 30 日  星期二   晴天
倒數。。。第二天

 今日係返fm最後一日，我好唔捨得呢到。。。望住間鋪有啲好唔知點嘅感覺，或者做咗咁耐，始終都有感情！


今日一直都好忙，望住個電腦差唔多到9點，都見唔到低能仔。。。我好無奈，我以為佢唔記得咗我！點知原來有人企咗響門口冇入嚟。。。個傻佬今晚同我食298。。。我陣係食咗碗公仔麵！食完嘢我哋行埋759，就搭車返去！今晚好攰。。。響車瞓著咗，低能仔攬住我俾我瞓，所以瞓得特別舒服！

聽日就係大除夕喇！我同你由1314一齊渡過到15。。。好想以後嘅日子都有你！

分類: 我們的生活點滴
 [ 訪客留言(0) ] [ 編輯日誌 ]


« | 277 | 278 | 279 | 280 | 281 | 282 | 283 | 284 | 285 | 286 | ... | 384 | »