jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34387 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 26
累積人氣： 34387
RSS Feed
2014 年 12 月 24 日  星期三   晴天
平安夜

 今日係平安夜，係我同低能仔過嘅第二個平安夜，但今年先係我哋第一次一齊慶祝，所以我好重視今日。。。尋日已經開始為今日作好準備，整咗朱古力脆脆同粟米片脆脆，希望可以同佢過一個甜蜜嘅聖誕節！


今日佢要返工，而我朝早同媽咪去睇多次醫生，就返嚟扮靚靚出去，幸好今日塊面好返好多，冇咁明顯啫！出到尖沙咀地鐵站，都已經6點幾，個心好急。。。因為低能仔已經收工，但我響地鐵站唔知應該行邊面，幸好呢一刻佢 whatsapp我，話我知行邊個方向，如果唔係我就出咗B出口，原來冇你響身邊，我真係完全冇方向感。。。最後低能仔好細心咁叫我唔好四圍行，企定定等佢嚟接我！

今晚有人帶我食咗一餐好好味嘅聖誕大餐，不過我為佢預備份聖誕禮物，佢唔係太鍾意！聽到真係好唔開心，因為我又買咗啲佢唔鍾意嘅嘢。。。電子用品佢已經唔俾我買，但依家連一個普通嘅鎖匙扣，我都揀得唔好，相反佢買俾我嘅嘢，我每樣都咁鍾意，我呢個女朋友真係好失敗！

食完飯我哋行去尖沙咀海旁，好多人呀！我知道佢怕人多嘅地方，但為咗陪我所以先會去，最後我迫佢陪我行海港城，途中我見佢開始眼紅紅，我知佢已經攰。。。我話不如返屋企，個傻佬依然唔肯！！我知你為我付出咗好多，嗰一刻我真係好感動，多謝你！

搭船去到中環，我又搞到佢唔開心！我搞到呢個節日美中不足。。。低能仔，對唔住！對唔住！對唔住！對唔住！對唔住！對唔住！我真係以後都唔會。。。你唔好嬲啦！返到嚟見佢咁攰，我好想上佢到幫佢鍊架！但我竟然唔敢開口。。。
 

分類: 我們的生活點滴
 [ 訪客留言(0) ] [ 編輯日誌 ]

2014 年 12 月 23 日  星期二   晴天
誤會
今日食完藥個人超攰，加上尋日打完針，再食埋啲藥就攰上加攰。。。呢個額外嘅假期，低能仔瞓醒就陪住我，一直陪到成十一點！明明個傻佬好攰，但都仍然笑住對我，正傻豬！！

今晚有佢成晚拖住我、攬住我，我覺得好 sweet，不過我好唔自然，因為我整損咗塊面，我諗每個女人都只係想將最好嗰面俾自己愛嘅人見，整損咗塊面之後，我等於冇晒自信，好怕佢嫌棄我樣衰，所以我不停用頸巾遮住，唔想佢見到。。。

今日佢本嘢寫話見到我同 Jason whatsapp，佢會呷醋，我當然好開心啦！低能仔，你知嘛！其實我知道你會呷醋，但我都冇 delete D whatsapp，甚至我會響你面前睇，係因為我覺得我冇嘢唔可以俾你知，兼且如果我 delete晒啲 whatsapp，你一定會誤會我，所以我寧願響你面前光明正大咁睇，都唔想你亂諗！

 


分類: 我們的生活點滴
 [ 訪客留言(0) ] [ 編輯日誌 ]

2014 年 12 月 22 日  星期一   晴天
冬至

 今日冬至。。。。我嘅節目相當豐富同充實！！


今朝一早就俾爸爸叫醒咗，因為要幫佢拎蟹過阿麻到今晚做節！雖然眼瞓，但一早有人叫我做老婆豬，即時冧晒！

同爸爸食完晏，返到阿麻到就要幫佢哋做阿四，搞到3點幾先過低能仔到執屋。。。唔知點解今日成日都唔舒服同好頭痛，好想嘔呀！我已經響低能仔到食咗兩粒止痛藥，但都唔得！執到5點幾要差唔多返阿麻到，加上我真係頂唔順，我就去李娟睇埋醫生，佢又係話我俾人野到，我諗應該係媽咪。。。食咗啲藥同打咗支針好攰，冇晒力咁，連飯都唔想食，見到啲餸就好想嘔！

響阿麻到食完飯，就即刻返低能仔屋企，下晝未抹晒啲嘢，咁啱佢今晚又做節，可以襯佢未返前拿拿臨抹，如果佢響到嘅，又會話怕我辛苦，呢樣唔俾我做，嗰樣又話唔好抹，唔俾我做咁多嘢，所以我今日先會咁緊張佢幾點返，我想你返到嚟舒舒服服。。。

原來響佢屋企等佢返嚟嗰種感覺好特別，會好期待佢快啲返，但又好怕自己個樣太殘而令佢唔鍾意。。

分類: 我們的生活點滴
 [ 訪客留言(0) ] [ 編輯日誌 ]

2014 年 12 月 21 日  星期日   晴天
一物治一物

 今日星期日。。。又係冇得瞓得晏嘅一日！


今朝同爸爸食完嘢就去整指甲，因為個肚有啲痛，所以我只係整咗普通款！搞掂完就買埋濕紙巾同紙巾就返咗去！原本諗住啲嘢聽日先搬上佢屋企，因為佢要温書，不過我最後都唔聽話上咗佢到，陪佢食埋嘢我就走喇！返到屋企幫爸爸整藍牙，但我搞唔掂，呢啲一向都係低能仔強項，我諗住佢會遙控我點整，點知佢叫我上去。。。

今晚佢返佢奶媽到做節，佢8點幾返咗嚟喇！佢今日陪咗我好耐，我想俾番啲時間佢温書，但佢話叫我過去幫佢鍊，我好開心架！不過今晚上到去我又衰，搞到佢發皮氣。。。每次佢一大聲話我，我就忍唔住喊（唯獨係佢）我知係我唔啱，但當佢再發悔氣話唔考時，我嘅眼淚又係咁流。。。。低能仔，對唔住！唔知點解每次你一大聲喝我，我就會覺得好痛，眼淚就係咁流！我諗我終於知道乜嘢叫一物治一物，嗰個就係你

分類: 我們的生活點滴
 [ 訪客留言(0) ] [ 編輯日誌 ]

2014 年 12 月 20 日  星期六   晴天
我們的19個月

 我們的19個月。。。


今朝好早就俾媽咪叫醒咗，醒咗就等低能仔揾我！沖完涼洗埋頭，差唔多兩點幾化完妝，見佢仲未揾我，我諗住唔等佢自己出去先。。。點知呢個時候佢就打嚟！可能佢知我今日唔開心，所以佢今日整嘢嘅速度好快，仲上埋嚟接我添！有人話今日乜都就晒我，乜都聽我話。。。

我哋四點幾就搭車出旺角，因為佢想買咗張咭先去 TST，但揾咗好耐都冇，我好想陪佢揾，所以我哋冇去 TST，一直留響旺角！低能仔，其實我唔係介意你唔浪漫，我只係唔想同你冇嘢講。。。。

今晚我好開心，佢陪咗我好耐好耐。。。同我去食我想食嘅嘢，我同佢行佢鍾意行嘅地方！咁樣我已經覺得好滿足。。。佢仲買咗個 KITTY嘅暖手蛋俾我，佢話想佢唔響我身邊時，我都唔會覺得凍，但我唔想冇你響身邊。。。我陣係想癡住你！

今晚仲有人為咗氹我開心，whatsapp Martin同佢講24号要收早，話嗰日同我去 TST睇燈飾。。。“原本有人係唔使返工架囉”！今年係我哋第一次一齊響平安夜去街，因為上年平安夜佢去咗燒嘢食，而我又返工。。。冇一齊渡過浪漫嘅節日，所以起初聽到佢陪唔到我，我真係好唔開心，不過見你肯補救，我就大方啲原諒你一次咁多啦，嘻嘻。。。低能仔，我好想快啲到嗰日！

分類: 我們的生活點滴
 [ 訪客留言(0) ] [ 編輯日誌 ]


« | 279 | 280 | 281 | 282 | 283 | 284 | 285 | 286 | 287 | 288 | ... | 384 | »