今朝約咗低能仔食早餐，我好乖好早就起咗身整嘢，之後仲買定早餐等佢嚟！可能因為依家成日都夾唔到時間一齊食早餐，所以我好期待今朝，一齊食早餐、一齊行去等車。。。
今日返到鋪頭一直都好忙，到三點幾先有時間食飯，拿拿臨食完又開始做！ Boss今日亦落咗嚟收錢，不過今日陣係得佢一個嚟，佢話覺得我返 CB仲勁過 Luna。。。生意亦俾之前更好，傾咗一陣佢好快就走，但好搞笑，佢開車走咗之後，又揸返轉頭叫我出去，原來佢話佢真係買咗幫雙手做 treatment嘅嘢俾我，因為我成日 gel甲會好傷，但今日冇帶嚟，下次再拎俾我！我聽到之後，有啲唔知點咁，我知道 Boss真係好錫我！
收工之後要拎嘢過 FM，Auntie同婆婆都響到，Auntie話今日婆婆係咁問我響邊？婆婆一見到我就笑晒話掛住我幾時可以收工，笑水我喇！其實見到佢兩個我會覺得好 sweet架！
搞掂晒啲嘢，就返番銅鑼灣等低能仔，今晚佢傷風又攰，陰公豬。。。幸好佢聽日終於放假，不過我唔俾佢執屋，我要佢乖乖哋聽日休息，反正我20号都放假，到時我先整都唔緊要，我只係想佢真正休息！
低能仔，我諗有啲嘢我要同你講對唔住，我知道你都 feel到，你每次有 whatsapp, msg甚至係未接電話，我都會好似有啲嘢咁，亦因為咁，我知你專登響我面前睇，等我可以安心啲，我亦知你已經為我改變咗好多，不過我嘅安全感仲未完全返晒嚟。。。我依然會驚、依然會擔心，我控制唔到呢種感覺，或者呢啲就係人哋所講嘅“一朝被蛇咬，十年怕草繩”。對唔住。。。但我真係好愛你！我希望我哋倆個都能夠仍然珍惜大家依然擁有對方。
分類: 我們的生活點滴 |
