jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34360 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 87
累積人氣： 34360
RSS Feed
2014 年 11 月 29 日  星期六   晴天
今晚

 眨吓眼又到星期六喇！今朝去咗睇醫生，仲有燒、咳同傷風。。。又有一堆藥要食，夜晚又要返去飲中藥，想喊。。。


睇完醫生就返FM拎埋啲貨就返番 CB，今日唔算太忙加上精神都ok，所以就執吓間鋪，同抹埋啲嘢！夜晚 Boss & Irene落咗嚟探我，Boss 亦提番好耐冇提過嘅話題，佢問我有冇諗過將來？亦問我幾時轉全職？佢話佢仲等緊我！其實佢所講嘅一切我都明白，我亦知道佢放咗好大期望響我身上，但我真係。。。

今晚收工後，冇低能仔接我，因為佢唔得閒！而咁啱家姐約咗人響銅鑼灣食飯，我就自己行咗一陣等埋佢先去食飯，雖然都係自己一個食，唯一唔同就係側邊坐多咗個人，不過始終都唔及有低能仔坐響側邊咁開心！食完飯行咗一陣就返去，因為真係好攰。。。唔知你今晚有冇食飯？夜唔夜返呢？我真係好掛住你。。。

分類: 我們的生活點滴
 [ 訪客留言(0) ] [ 編輯日誌 ]

2014 年 11 月 28 日  星期五   晴天
依然

 今曰依然都係攰，依然都係流鼻水、咳同仲有啲燒。。。。不過唔夠時間去睇多次醫生，唯有星期日先睇！


今日眨吓眼就收工，低能仔今晚響餐廳門口等我，其實咁都好，起碼唔使佢行咁多路先！食完飯我哋去咗灣仔，因為我仲係唔舒服，要飲感冒茶！

今晚上咗佢屋企，有人好好咁幫我鍊。。。不過我依然好攰，好似成身散晒咁！有佢陪住我，我乜都唔覺得攰，只要有佢，我就會覺得開心！我只係想以後每一日、每一晚都有佢響身邊。。。

分類: 我們的生活點滴
 [ 訪客留言(0) ] [ 編輯日誌 ]

2014 年 11 月 27 日  星期四   晴天
忘記

 今朝起身，感覺好似好番好多，已經冇咁辛苦，不過就依然好攰，特別係當食完藥後就更攰！


今日有食環處啲人嚟咗鋪頭，佢話照咁睇，鋪頭應該已經俾米奇一家搬咗入嚟住，而且佢哋個安樂窩如無意外就響閣樓，日頭就出去玩，夜晚就返嚟瞓。。。一聽到呢到，我已經覺得毛管動！

夜晚低能仔嚟昨接我，個傻人又買咗嘢俾我，今次係相機。。。呢部相機有啲特別，雖然同我之前買嗰部一模一樣，但唔同嘅係呢部相機係我最愛嘅人買，所以我更加鍾意呢部機！

今晚食飯嘅時候，佢話啱啱已經請咗下個月7号，聽到我真係好無奈，佢唔記得咗我生日，佢想我俾返啲時間佢賺錢，兼且食完飯搭車返去時講起“人哋啲女朋友，都好支持個男朋友讀書！”突然響到諗我係咪真係唔識做人女朋友呢？我覺得我好似乜都做唔到、乜都做唔好咁。。。或者我真係需要檢討一吓點樣先做到個好女朋友！

分類: 我們的生活點滴
 [ 訪客留言(0) ] [ 編輯日誌 ]

2014 年 11 月 26 日  星期三   晴天
早退

 尋晚好早瞓咗，但今日依然好攰。。。


臨返工前要過灣仔拎嘢，跟住再返銅鑼灣，唔知係咪仍然好唔舒服嘅關係，今日行返去時，我有啲想死嘅感覺！！今日4點幾就收咗工，拿拿臨搭車返去食藥瞓覺，今晚連晚餐都冇胃口食。。。

下晝低能仔話佢今晚好夜先返，所以陪唔到我。。。我今晚成晚都響張床冇郁過，陣係好想扮死屍唔郁，不過我好掛住佢！

分類: 我們的生活點滴
 [ 訪客留言(0) ] [ 編輯日誌 ]

2014 年 11 月 25 日  星期二   晴天
104度

 今朝一起身個身痛到起唔到身，又痛又暈。。。。勉強起身趴去睇醫生，燒到104度！睇完醫生返去食完藥，我就開始瞓。。。一瞓瞓到成6點，不過依然超攰，唔想郁！


低能仔今晚8點幾返咗嚟睇我，但我真係頂唔順，陪咗我一陣好早就走咗喇！

分類: 我們的生活點滴
 [ 訪客留言(0) ] [ 編輯日誌 ]


« | 284 | 285 | 286 | 287 | 288 | 289 | 290 | 291 | 292 | 293 | ... | 384 | »