jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34932 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ August 2026 ›»
SMTWTFS
1
2345678
9101112131415
16171819202122
23242526272829
3031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 2
累積人氣： 34932
RSS Feed
2014 年 10 月 24 日  星期五   晴天
plan....
病咗咁耐，唔係食同瞓，冇其他嘢做真係好辛苦！我唔鍾意做癱紀，搞到個人越嚟越唔攰咁。。。。今日低能仔5點幾就出咗嚟接我，我哋食完飯，行咗一陣就返去喇！個傻佬依然陪我睇“老表你好hea”，依然攬住我瞓咗陣，依然令我覺得好温暖！！

尋晚佢返到屋企冇揾過我，我 whatsapp佢，佢亦冇覆我。。。我估佢應該攰到瞓著咗！我捱住眼瞓咁等佢，因為以佢之前每逢佢瞓著咗，通常佢都會兩三點起身，所以我就瞓響張床到等佢，結果佢真係兩點幾起身，我哋傾咗一陣，我就頂唔順要瞓覺喇。。。因為啲藥真係好攰💤

低能仔話佢生日嗰日，同我去 hello kitty展，雖然我好開心，但我唔想去！我知道佢係錫我先會帶我去，但嗰日係佢生日，唔應該遷就我去啲我想去嘅地方，而係應該我 plan一個令佢難忘嘅生日嘛。。。 


分類: 我們的生活點滴
 [ 訪客留言(0) ] [ 編輯日誌 ]

2014 年 10 月 23 日  星期四   晴天
掛住你。。。
尋晚食咗啲藥，一覺瞓到天光，終於都冇半夜痛醒喇！明顯今日精神俾尋日好好多。。。不過依然都係個身好熱！下晝我出咗去睇醫生，醫生問我係咪壓力太大？其實壓力一定有，不過我相信我絕對捱得到，撐得住！

睇完醫生我就等埋家姐一齊走，家姐陪我行咗一陣，我哋就返咗屋企喇！今晚依然係冇乜胃口食嘢。。。

低能仔今日約咗佢兩個家姐食飯，所以我哋冇見過。。。冇佢攬住我瞓響到睇電視，我覺得好悶，因為有佢攬住我睇電視一齊笑，我會覺得套戲好笑啲！唔知你今晚有冇掛住我呢？ 


分類: 我們的生活點滴
 [ 訪客留言(0) ] [ 編輯日誌 ]

2014 年 10 月 22 日  星期三   晴天
一生一世
今日係我響呢到做嘢咁耐，最嬲嘅一日！我明白人生有好多無可奈何，亦有好多身不由己，但呢兩樣嘢都可以有一個表達嘅好方法，而唔係不斷咄咄迫人令到人覺得反感，甚至要去到發火嘅地步，仲要要求我返去一定要氹另一位同事開心？我嘅職責幾時變咗另一樣嘢？

我從來都覺得做人要以和為貴，我好憎同人起任何衝突，我成日都覺得凡事留一線，日後好相見！無論對住屋企甚至工作，我遇到啲乜嘢唔開心，我都會係選擇唔出聲嗰啲人，因為我知道嘈係唔可以解決問題，相反只會令問題越嚟越嚴重，令關係越嚟越僵，所以我只會逆來順受！今日我真係頂唔順，說話難聽到不得了。。。起初我真係忍得住，但最後因為一句說話，我忍唔住爆咗出嚟！我預咗講咗嗰番說話，會令我以後條路好難行，甚至可能會令佢即時鬧番我，but i don't care！不過我估唔到佢嘅態度變得咁快！呢啲到底又係點解呢？

今朝低能仔陪咗我去睇醫生，佢知道我嬲到不得了，個傻佬去買咗份小禮物氹我開心，佢永遠都令我苦中擁有一點甜，多謝你！不過條毛巾我唔捨得用，除咗因為好靚之外，最重要係因為你送俾我，收到嗰一刻我即時笑咗出嚟！

醫生話我燒到103.2度，而且仲要我返屋企乖乖哋瞓低休息，務求要我得到真正嘅休息，所以啲藥開重咗，希望我可以好好瞓覺。。。食咗啲藥唔使半個鐘就瞓著咗，啲藥勁到我連電話響都聽唔到！今日我好乖咁聽醫生講，乜嘢都唔諗，陣係留響張床到休息，感覺好似冇咁辛苦！

低能仔今晚返咗嚟陪我，不過我個身依然好熱，好驚佢會 feel到。。。呢排佢已經好擔心我身体，而且佢又咁忙，我唔想成為佢負擔！今晚佢陪我睇電視，之後又攬住我響床瞓咗一陣。。。有佢 take care我，我真係覺得好幸福，但願一生一世都可以咁！ 


分類: 我們的生活點滴
 [ 訪客留言(0) ] [ 編輯日誌 ]

2014 年 10 月 21 日  星期二   晴天
平凡
今朝瞓到11點幾就起身，同低能仔 whatsapp咗一陣，就食埋藥再瞓過，4點幾先起身。。。不過依然都好攰，啲藥食咗真係好啲，但都未退到燒，每逢到差唔多夠鐘食藥，就開始燒番，好辛苦！

今日係家姐生日，夜晚同家姐佢哋落香港仔食飯，食泰皇宮！好耐都冇嚟呢到食喇，但我都係冇乜胃口，所以食得好少，不過可以一家人一齊食飯，已經好開心！

原本低能仔今晚要去拍嘢，但最後都去唔到，5點幾佢返咗屋企後，我就叫佢抖吓，我返嚟先買嘢俾佢食！其實我唔係寵佢，只係佢呢排真係好忙，基本上連休息時間都唔夠，難得佢今日可以咁早返，我真係寧願佢響屋企做癱紀休息吓、瞓吓，都唔想佢行嚟行去！

今晚買咗咖喱雞扒飯俾佢食，仲買定嘢飲俾佢，呢種感覺好有小女人嘅幸福感！我真係好鍾意呢種感覺。。。為佢做啲微不足道嘅嘢，都可以好幸福！今晚我哋過咗好悠閒嘅一晚，瞓響到俾佢攬住睇“老表，你好hea！”仲翻睇埋“Sunday扮嘢王”，感覺真係好，加上呢兩套嘢都好好笑，所以令到我好 relax，令到我可以將最近嘅唔開心都暫時放低，低能仔，有你陪我過啲平凡日子，為你做啲簡簡單單嘅嘢，我真係覺得好足夠、好幸福！ 


分類: 我們的生活點滴
 [ 訪客留言(0) ] [ 編輯日誌 ]

2014 年 10 月 20 日  星期一   晴天
我們的17個月

 今日係我同低能仔拍拖17個月嘅日子，眨吓眼響埋一齊已經咁耐喇！多謝你呢段日子對我嘅愛同包容。。。。有你，我覺得好幸福！


今朝一早就俾公司嘈醒咗，因為有同事請假，所以想揾我返工。。。不過我推咗，一來今日我約咗低能仔，二來我根本就唔想返！！明明今日同聽日係我預早拎假，有乜理由我唔返，都要俾說話我聽？呢個究竟係乜嘢道理？？

睇完醫生，我就返咗屋企整嘢出旺角，低能仔三點幾就過嚟信和接我，就開始我哋嘅紀念日喇！今日著住對新鞋隻腳好痛，我哋只係行咗一陣就去食飯。。。今晚食沙嗲王，好味！！食完嘢就返咗落銅鑼灣鍊骨，今晚嗰個嘢陣係鍊我條頸都起碼鍊咗40分鐘，其他地方只係係咁意鍊吓，所以依然好攰。。。。

鍊完響灣仔行咗一陣就返去，架車經過藥房時，個傻佬唔俾我望出去，就攬到我好實咁錫落嚟。。。正一傻🐽！其實我有你已經好足夠！！！！返到屋企有人幫我鍊多一陣，不過見佢咁攰，唔忍心要佢鍊，想佢都可以抖吓。。。所以我幫佢開埋爐，就由佢瞓一陣，我就自己返去先！其實你今日已經陪咗我好耐好耐，多謝你呀。。。

分類: 我們的生活點滴
 [ 訪客留言(0) ] [ 編輯日誌 ]


« | 291 | 292 | 293 | 294 | 295 | 296 | 297 | 298 | 299 | 300 | ... | 384 | »