jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34652 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 12
累積人氣： 34652
RSS Feed
2014 年 9 月 4 日  星期四   晴天
encore

 今日又休息。。。起身搞掂啲嘢後，就落咗香港仔買嘢再整月餅，跟住再買埋餸今晚煮飯俾低能仔食！


兩點就幾開始整月餅，一整就整到7點幾。。。整咗成50個，好感動呀！因為今個中秋夾埋整咗七十幾個月餅，最開心係第一次整，四嬸佢哋會咁鍾意😱我覺得真係好開心呀！搞掂月餅，食埋飯後，我就開始整低能仔今晚嘅晚餐。。。“咖喱雞扒飯”，但可惜唔記得買雞蛋，整唔到蛋包飯，如果唔係咁就完美喇！！

今晚佢收工就返咗嚟，不過我忙咗成日，已經好攰。。。陪佢食完飯，幫佢鍊埋骨，佢再陪我坐咗一陣，我哋就返咗屋企喇！低能仔，希望你真係會鍾意我為你預備嘅嘢啦。。。

分類: 我們的生活點滴
 [ 訪客留言(0) ] [ 編輯日誌 ]

2014 年 9 月 3 日  星期三   晴天
迫。。。

 今日返晏。。。臨返工前拎咗啲月餅俾四嬸佢哋，好開心佢哋鍾意食，而且仲要 encore添。。。我諗住聽日除咗整奶皇味之外，仲試埋朱古力味！其實我好想送俾低能仔個媽咪，不過我又怕佢媽咪會好似上次個年輪蛋糕咁唔鍾意。。。所以我唔夠膽送！


今晚低能仔同我講，叫我唔好迫自己迫得太緊，我諗我真係迫得太緊，迫到自己開始抖唔到氣。。。其實呢段日子我好怕我哋感情會變淡，我好驚佢媽咪唔鍾意我！所以我不斷迫自己每樣嘢都要做得好，但原來係吃力不討好架！我。。。。應該點算呀？？

分類: 我們的生活點滴
 [ 訪客留言(1) ] [ 編輯日誌 ]

2014 年 9 月 2 日  星期二   晴天
snow skin mooncake

 今朝十點幾醒咗，就見到低能仔 whatsapp話“掛住我”，即時開心到笑咗出嚟！而且佢仲 send咗首歌俾我，好sweet呀！


下晝同媽咪佢哋去咗飲茶，好耐都冇飲過喇！飲完茶就去咗買嘢整月餅，我始終好想學整每一樣過節嘅食品俾佢，為咗令佢開心，我真係好想每樣嘢都做得好。。。每樣嘢都能夠整得好食。。。每樣嘢都可以令佢覺得幸福！

今次整咗奶皇冰皮月餅，整完之後我覺得好興奮，因為係我第一次整咋。。。整完即刻 whatsapp俾低能仔睇，好想佢係第一個見到，嘻嘻。。。。將啲月餅入晒盒之後，我就帶咗去阿麻到，阿叔、家姐佢哋試咗都話好味！！返到屋企俾爸爸試埋，連佢都話好味後，咁我就有信心帶俾低能仔食喇。。。因為我好怕唔好食，所以我需要有人試咗先，然後話我知啲味道如何，我先夠膽俾低能仔食。。。

今晚個傻佬收工就返咗陪我，雖然依家見嘅時間唔多，但我哋每晚都好開心。。。可能越少時間一齊，越會珍惜相處嘅每一刻！今晚佢試咗個月餅，我好怕佢會唔鍾意。。。因為佢每次我整親啲乜，唔知好食定唔好食，佢都一樣會食晒！今晚佢陪咗我一陣，我又趕咗佢返去。。。佢起初唔願意，話可以陪我耐啲，不過我依然唔想佢難做，但其實我唔捨得佢，原來要做個体貼嘅女朋友都唔係容易架！

分類: 我們的生活點滴
 [ 訪客留言(0) ] [ 編輯日誌 ]

2014 年 9 月 1 日  星期一   晴天
放假。。。

 今日放假，原本係約埋低能仔一齊休息，但因為佢媽咪返咗嚟，所以今日唔可以成日都一齊。。。好唔習慣！


尋日響 St Paul's睇完醫生，食咗啲藥之後，今日真係好咗好多。。。起碼個頭冇痛、冇嘔，仲咳少咗好多添！今朝醒咗之後，見到冇低能仔 whatsapp，我覺得有少少唔知點咁。。。或者因為依家唔同之前，所以我仲未習慣！

冇佢響身邊嘅假期，我唯有自己揾節目。。。今日就冇嘢揾嘢嚟做，抹地同執屋，只要一多嘢做，時間就會易過啲！咁冇佢響身邊嘅時候，時間都會快過啲！搞掂晒啲嘢之後，我覺得成個人散晒，好攰！！

6點幾嘅時候，佢就出咗嚟陪我，我哋去咗海怡，陪佢食完嘢，我哋就去咗海旁，呢個地方，我哋上年成日都嚟，好懷念呀！今晚有好多星星，個傻佬拎個相機影咗好耐，終於都影到喇！原來影咗出嚟之後，張相會見到更多我睇唔到嘅星星架，好靚呀！！但我始終最想影一張好似平時響 Facebook見到嗰啲，成個天都係星星嘅相，嘻嘻。。。

今晚8點幾我就嗌返屋企，我知道佢想陪我耐啲，我都一樣好想，但我就話要返去飲湯，所以要走，其實我屋企邊有湯飲吖！只係我唔想佢夾響我同佢媽咪中間，我唯一可以做嘅，就係盡量体諒佢，盡量要佢早啲返去陪佢媽咪，咁就可以令佢媽咪開心啲，我唔想再好似之前咁，希望咁樣會對低能仔係最好啦！

分類: 我們的生活點滴
 [ 訪客留言(0) ] [ 編輯日誌 ]

2014 年 8 月 31 日  星期日   晴天
St Paul's...

 今朝冇同爸爸、家姐食早餐，因為個頭仲好痛，好想嘔，加上個人勁攰，所以留咗響屋企休息。。。。十點幾同低能仔 whatsapp咗一陣，食埋家姐買返嚟嘅早餐，我就再瞓過，瞓到成點先起身！


今日低能仔收4點，臨見佢之前，我去咗 St Paul's hospital睇醫生，起初以為應該好快，點知一搞搞到6點先走得！響醫院見到啲人都有另一半陪佢哋睇醫生，我真係好羡慕，因為病咗特別會希望另一半響身邊，其實我有希望低能仔響我隔離架，但可惜佢落咗灣仔。。。

睇完醫生，我去咗灣仔揾佢。。。食飯嘅時候，佢同我講咗啲嘢，坦白講，我根本冇得介意，我甚至響到諗，今日嘅你可能唔嫌棄，但你可以擔保你永遠都咁愛我？永遠都唔會嫌棄嗎？？你知唔知我其實好驚？好驚有一日你會覺得其他人更適合你，因為我知道自己唔及得其他人，我更知道自己襯你唔起！其實你明唔明我嘅感覺呀

食完嘢我哋就返咗去，佢今晚本來可以陪我耐啲，但我食咗啲藥之後好唔舒服，佢送咗我返屋企後，佢就走咗喇！好唔捨得。。。唔知又要等到幾時，佢先可以陪我耐啲😢

分類: 我們的生活點滴
 [ 訪客留言(0) ] [ 編輯日誌 ]


« | 301 | 302 | 303 | 304 | 305 | 306 | 307 | 308 | 309 | 310 | ... | 384 | »