jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34272 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 65
累積人氣： 34272
RSS Feed
2014 年 7 月 16 日  星期三   晴天
Pandora

 今日我同低能仔都放假。。。。搞掂晒啲嘢後，我哋去咗朗豪坊！因為低能仔 search 到我最愛嘅 Pandora響嗰到有<3 臨去 Pandora 前，我哋去咗Anges b睇手鍊，雖然我都好鍾意呢個牌子，不過就冇我想買嘅嘢。。。。終於都響 Pandora揀咗條鍊同個心形嘅扣，好靚。。。我好鐘意！其實我一直都係想買個心形嘅扣，因為之前條手鍊斷咗之後，我就想買 Pandora 兼且買埋個心形扣，一來呢個牌子嘅鍊冇咁易斷，二來我最想得到嘅係佢個心，哈哈。。。。低能仔，多謝你送我咁珍貴嘅禮物！


其實原本諗住今日我去睇完醫生，低能仔就帶我去書展，但最後我選擇唔去。。。唔係因為怕佢對王貽興不利，哈哈。。。只係我知佢怕人多嘅地方，我唔想佢咁辛苦迫住陪我，我只係想見到佢行得開心同舒服！你成日話我緊張佢多過你，其實唔係架。。。你先係我好愛好愛嘅人。今晚我哋過咗一個好開心嘅夜晚，有咗你之後，我愛上咗平凡、愛上咗深水埗呢個地方、我更愛上咗你所鍾意嘅一切，但唔包括乳橋囉！！

低能仔，星期日就係我哋14個月嘅日子喇！你可唔可以應承我，俾我為你安排一次？？我真係好想。。。。



 

分類: 我們的生活點滴
 [ 訪客留言(0) ] [ 編輯日誌 ]

2014 年 7 月 15 日  星期二   晴天
左右做人難

 今日又係超忙嘅一日，時間好似好唔夠用咁。。。不過幸好今日 Auntie有返嚟鋪頭一陣，Lunch嘅時候可以出去抖一個鐘，個人先冇咁攰！！今晚低能仔嚟接我時，我又係忙住對住部電腦。。。冇時間理佢，結果又要佢自己一個去行住等我！今晚其實佢都好攰，但佢依然陪我行。。。兼且搭車時，有人冇瞓覺陪我睇 Pandora！


低能仔買俾我整冬甩部機，終於都有喇。。。我好想整好多好多冬甩俾佢食，因為佢每次響 Sogo見到都會買嚟食，而且仲會食唔停，不過我覺得個價錢太過唔抵，所以先更加想學嚟整俾佢食，但最快都要19或者21号先有時間整。。。。。希望唔會好難食啦！！！拎完部機之後，我就趕住返去，因為爸爸今晚有事揾我商量。。。。臨走前低能仔終於都俾番個 goodbye kiss我喇， sweet sweet。。。

今晚爸爸同我傾完個問題後，我有啲覺得左右做人難，我唔知應該點選擇！！唉，好煩呀。。。。。。

分類: 我們的生活點滴
 [ 訪客留言(0) ] [ 編輯日誌 ]

2014 年 7 月 14 日  星期一   晴天
GoOdByE kIsS

 今日返 FreshMart，咁多日冇返去，我已經預咗今日會好忙。。。結果今日又係冇停過！就連低能仔嚟接我收工時，我都忙住做緊電腦嘢，冇時間理佢😓依家無咗 Auntie響到，搞到去洗手間又要拉閘，飯又冇得出去食喎！冇咗個一鐘回魂時間，成個人就更加攰，好辛苦。。。。


收工後，低能仔同我去食飯，今晚超肚餓。。。食完嘢去埋759買嘢，就搭車返去喇！不過我哋兩個都太攰，所以又冇嘢講。。。就連落車後，佢都只係好冷淡咁講咗聲 bye bye就走咗。。。而我亦冇乜反應咁 dup低頭繼續向前行！我好掛住以前大家都唔捨得對方離開嘅感覺，我好掛住以前臨走嘅時候，嗰個goodbye kiss，原來已經好耐好耐喇！

每一個人，都在等一個人，不管你是平凡還是特別、樂觀還是悲觀、幸福還是不幸，都會有這個期盼。很多時候我們一直在追求的幸福，其實不一定是自己最需要的，反而忽略了身邊那個平凡、卻又讓自己最舒服的存在，才是讓自己散發獨一無二的可能，而那個人才是你真正該珍惜的人。

分類: 我們的生活點滴
 [ 訪客留言(0) ] [ 編輯日誌 ]

2014 年 7 月 13 日  星期日   晴天
敏感。。。
尋晚食咗啲藥後，好早就鍾眼瞓。。。瞓到今朝六點幾就醒咗，起身食多一次藥就再瞓番。。。。十點俾爸爸叫醒去食嘢，原本想唔去食架，但因為要幫低能仔去拎乾洗，所以勉強爬起身出去。。。。

低能仔今日冇返工，佢除咗晏晝上嚟拎番啲乾洗外，今日成日我哋都各自各響屋企，直到今晚我響阿麻到食完飯先見。。。 今晚陪佢響7仔食完嘢就一齊返屋企，不過今晚都係唔想講嘢！我發現原來每一次食咗藥，個人太攰嘅時候，我個人都會特別敏感！就好似今日佢上嚟拎完乾洗後，一直都冇揾我，我又會諗佢做緊乜？但平時就算我哋各自響屋企，我都唔會咁。。。兼且今晚佢所講嘅運氣會唔好，我第一種感覺係佢嘅藉口同大話，甚至我會覺得只係佢已經唔想。。。

呢種感覺其實令人覺得好攰。。。真係好攰！！

到底要不要相信那些美麗的愛情？
要是相信了，最終卻事與願違，
這樣的愛執又是不是自討苦吃？
誰又能在愛的時候不執拗？
無論多麼想要相信愛情，
無論多麼努力想要和你走下去，
最終也許還是事如願違，
但我曾為你苦苦相信過愛情，
也曾為你執著，那就無侮了。

寂寞也揮發著餘香
原來情動正是這樣
曾忘掉這種遐想
這麼超乎我想像
但願我可以沒成長
完全憑直覺覓對象
模糊地迷戀你一場
就當風雨下潮漲
如果真的太好　如錯看了都好
不想證實有沒有過傾慕
是無力　或有心　像謎　像戲
誰又會　似我演得更好
從眉梢中感覺到
從眼角看不到
彷彿已是最直接的裸露
是無力　但有心　暗來　明往
誰說　這算是　情愫
但願我可以沒成長
完全憑直覺覓對象
模糊地迷戀你一場
就當風雨下潮漲
從眉梢中感覺到
從眼角看不到
彷彿已是最直接的裸露
是無力　但有心　暗來　明往
誰說　這算是　情愫

 

分類: 我們的生活點滴
 [ 訪客留言(0) ] [ 編輯日誌 ]

2014 年 7 月 12 日  星期六   晴天
好很攰

 好攰。。。好攰。。。好很攰呀！！


今日冇返到鋪頭，皮膚敏感到周身都係，仲要發埋燒，嗰種痕嘅感覺真係超難受。。。。結果睇醫生時，我痕到頂唔順要醫生幫我打針止痕！

食咗啲藥個人好攰又暈。。。成個人好吽，又唔想講嘢！陣係想瞓響到唔郁同埋想見低能仔，其他乜都唔想做。今晚佢放工返咗嚟陪我，不過佢好攰，我幫佢鍊咗一陣就走咗，因為我都攰到冇乜力！

分類: 我們的生活點滴
 [ 訪客留言(0) ] [ 編輯日誌 ]


« | 311 | 312 | 313 | 314 | 315 | 316 | 317 | 318 | 319 | 320 | ... | 384 | »