jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34293 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 20
累積人氣： 34293
RSS Feed
2014 年 7 月 21 日  星期一   晴天
微博

 今朝十點幾起咗身，喉嚨好痛。。。。起身食咗藥後就再瞓返，瞓到成兩點先起身，不過依然好攰、好痛！


今日瞓醒咗，見到電話有個 msg，我以為自己未瞓醒發緊夢，點知望真啲，原來微博個 msg真係佢 send俾我架！同佢響微博傾咗一陣後，我就落咗香港仔睇醫生，兼且仲去埋買濕紙巾、紙巾同涼茶比低能仔！

今晚響屋企食飯，低能仔收工後去買埋嘢就返嚟陪我，食咗藥之後，個人太攰又唔係好想講嘢，今晚見到嘅時候，我冇特別揾嘢講，只係順其自然咁，我唔想特登揾話題後，會搞到好似尋日咁。。。。所以可能咁大家都會開心啲！！

聽日終於都可以返早，而低能仔又咁啱放假，所以可以好早嚟接我放工，好耐都冇試過收咁早喇。。。。

其實今日見到你會因為我同佢微博而呷醋，我覺得好sweet架！因為之前就算我同其他男仔 msg，你都唔會有咁嘅反應，今次係你第一次！

分類: 我們的生活點滴
 [ 訪客留言(0) ] [ 編輯日誌 ]

2014 年 7 月 20 日  星期日   晴天
我們的十四個月

 我們的14個月


今日係我哋拍拖14個月嘅日子，尋晚太夜瞓，所以今日瞓到2點先起身，好耐好耐冇瞓得咁舒服喇！

食完嘢我哋就出咗旺角，佢知我喉嚨痛就四圍揾藥俾我，其實食咗啲藥真係好攰，亦因為一句說話我哋搞到好唔開心，我好似將最近嘅所有壓力，一下子喊晒出嚟。。。。我知自己嗰一刻根本冷靜唔到，佢所講嘅任何一句說話我都唔想聽，我只係知道，如果呢一刻我唔行開俾自己靜落嚟，我嘅眼淚只會不停咁流落嚟。。。所以我選擇咗叫佢俾30分鐘我靜吓！

我以為自己會即時買煙，但經過報紙檔時，我猶疑咗一陣就走咗。。。但最後都行咗去第二到買！不過，我竟然只係食咗半支都冇就掉咗，我企咗響到諗咗好多嘢，亦唔知自己可以去邊。。。。我陣係覺得我可能根本就唔適合佢！！估唔到呢一刻當我響到諗緊佢嘅時候，佢就響我面前出現。。。我好想好想講係咪我唔適合佢？係咪我哋真係分開會好啲？？但我一句都講唔出，呢句說話好似好重咁！其實我冇嬲過，我唔出聲只係因為我真係講唔出任何嘢。。。。。

返番銅鑼灣搞掂埋部 iPod同食埋飯後，佢過咗去拎嘢，而我就響銅鑼灣等佢，我行咗去 Pandora，原本係想買頸鍊，但最後望自己嗰條鍊個心，我就買左個扣。。。心情好似好啲。。。不過依然都係好攰！

我諗有啲嘢你唔需要改變，就等我哋互相遷就就好了，好嘛？？




 

分類: 我們的生活點滴
 [ 訪客留言(0) ] [ 編輯日誌 ]

2014 年 7 月 19 日  星期六   晴天
你這樣寵我。。。。

 今朝低能仔叫醒我同我食嘢，食完之後我哋2人世界咗一陣，就各有各節目。。。。佢去巨星4，而我就去書展。。。。


其實冇低能仔陪我出街，我會好唔習慣，去書展都冇乜心機！買完我要買嘅嘢後，再收埋低能仔嘅whatsapp後，我連我至愛都冇等，就走咗喇！

今晚低能仔出咗嚟接我，佢知我冇去到揾王貽興後，就同我食完飯再去多次書展！明明討厭咁多人，明明唔會去行書展，但就為咗我竟然幾攰、幾唔鍾意都陪我去！望住流晒汗嘅佢，我真係唔知可以講乜？？只係個心一直響到諗，我咁唔細心，又成日都搞到你唔開心，我仲值得你咁寵我咩？王貽興話好少有男朋友會陪女朋友排隊，仲細細聲叫我珍惜佢。。。。其實我又點會唔知吖，嘻嘻。。。。

今晚返到去睇番我之前嗰兩年同王貽興影嘅相，我發現今年嗰張係影得最靚。。。。我諗係因為有你先令我笑得咁開心！早兩年去書展時，係我同肥僑分開時，當日我愛上咗佢其中一本書叫“對。。。我犯賤”。上一年王貽興再出另一本書，令我覺得又係講緊當時嘅自己“對。。。我再犯賤”。到咗今年佢知道有你呢個男朋友，就響我本書上寫咗一句說話“談一場日劇般的戀愛吧！”低能仔，上年去書展係我最唔開心嘅時候，今年再去書展，係我最幸福嘅時候！多謝你咁寵我呀，我愛你！！

分類: 我們的生活點滴
 [ 訪客留言(0) ] [ 編輯日誌 ]

2014 年 7 月 18 日  星期五   晴天
。。。。。。。

今日係“她”嘅生日，假如你問我，我個心有冇啲唔知點嘅感覺？我可以話有。。。因為我知低能仔實會 whatsapp佢。。。


今日返四點，我預早出去買我哋嘅14個月禮物，兼且幫佢買埋紙巾同濕紙巾！其實呢份14個月嘅禮物，我好早已經想買，我知道佢實話我嘥錢。。。但我真係好想好想送俾佢呀！原本份禮物應該20号先送俾佢架。。。但聽日佢就要去巨星4，雖然我唔係好想佢參加，因為入選咗之後，個比賽係需要用半年時間，我真係唔想佢為咗個比賽，而影響到佢學業！！但我話過會支持佢，所以我先揀呢份禮物，兼且亦因為咁好想響佢比賽前送俾佢當鼓勵！唔知你收到會點呢？？

 


分類: 我們的生活點滴
 [ 訪客留言(1) ] [ 編輯日誌 ]

2014 年 7 月 17 日  星期四   晴天
3号風球

 今日返晏。。。。而低能仔就去教班！瞓到十二點幾個傻佬就打俾我^^聽完佢把聲，我就繼續瞓，一瞓瞓到點幾先起身，爽呀！！拎埋啲藥就返工。。。。。


今日成日都落雨，好討厭呀！！搞到今日超靜。。。。 依家已經3号風球，唔知聽日會唔會打8号呢？？最緊要星期六唔好打風呀。。。。我好想去書展呀！！！

Irene今日打比我，問我想調去馬油定繼續響 FM？如果係馬油就要返觀塘，但如果係FM就諗住開埋花店交比我睇埋，我選擇咗 FM，我覺得響到我會開心啲，兼且時間亦會穩定啲！最後 Irene亦答應我嘅要求，兼且亦應承我可以比 Auntie落嚟。。。。一天都光晒喇！

原本低能仔見咁大雨，又擔心我，所以想嚟接我收工！不過我又點會比佢橫風橫雨咁嚟接我吖！我情願一個人濕都唔想兩個一齊濕。。。。本身我已經容易病，如果佢為咗照顧我而搞到佢都冷親嘅話，咁我一定嬲死自己！！所以佢最後都乖乖哋響屋企等我返嚟食嘢，真係乖bb豬，hehe....不過我好頭痛同好攰喇。。。。






 

分類: 我們的生活點滴
 [ 訪客留言(0) ] [ 編輯日誌 ]


« | 310 | 311 | 312 | 313 | 314 | 315 | 316 | 317 | 318 | 319 | ... | 384 | »