jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34270 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 63
累積人氣： 34270
RSS Feed
2014 年 7 月 11 日  星期五   晴天
記得。。。

 尋晚個胃痛到瞓得唔好，瞓到四點幾忍唔住起身食多次藥。。。。今朝低能仔打嚟叫我起身，好鍾意聽到佢好温柔咁叫我“早晨”。。。


今日都係好忙，條腰好痛好痛。。。好想放假呀😭😭 今日依然要 Wtc + K11兩邊走，仲要 train個新人。。。。 我覺得成身痛到唔屬於我自己咁，兼且攰到個人冇晒力！或者因為今日個胃都仲係好唔舒服同嘔，所以個人攰上加攰。。。

好唔容易先捱到收工。。。今晚依然有低能仔嚟接我，新同事話我好幸福，嘻嘻！今晚我哋去咗食我最愛嘅蕃茄通粉。。。最近我好鍾意咬佢，好變態-_-"我好想佢以後都會記得我，唔知點解最近嘅呢種感覺真係好強烈架！可能因為我知道比我更好嘅人有好多，所以我先希望佢會記得我。。。。

每一個人，都在等一個人。
等待一個，能看見你與眾不同的，
那一個人。我是否等到了嗎？那一個人是不是你？？
 
 
 
 

分類: 我們的生活點滴
 [ 訪客留言(0) ] [ 編輯日誌 ]

2014 年 7 月 10 日  星期四   晴天
我係喪屍。。。

 今朝低能仔叫醒我同我食早餐，真係好。。。唔止有人叫醒，仲有得見添💗


今日返兩間鋪。。。全日都冇停過！我5點響 K11走，真係攰到自己都覺得自己似一條喪屍！原本諗住 wtc會好啲，點知都係咁。。。 又係要係咁做，好攰好攰！！聽日又要做過。。。好耐未試過做嘢攰到成條喪屍咁，成身都冇力同痛。。仲要今日個胃痛足一日，又食乜嘔乜，連今晚餐飯返到屋企都嘔返出嚟！

今晚低能仔嚟接我，食完飯佢同我返咗屋企，上到去我攰到瞓著左！佢見我咁攰就幫我鍊，真幸福！其實佢今日都好攰，我邊捨得要佢咁辛苦，嘻嘻。。。所以我都幫佢鍊番，其實只要佢舒服咁就得，我攰啲又有乜所謂？因為幸福就係咁簡單。。。。



 

分類: 我們的生活點滴
 [ 訪客留言(0) ] [ 編輯日誌 ]

2014 年 7 月 9 日  星期三   晴天
EnJoY.....

 今日返晏。。。一朝早就好多電話打嚟！斷斷續續瞓到點幾先起身。。。 不過，咁多電話裡面，我最意想不到係低能仔打嚟，因為佢平時返工，好少會打比我架！所以今朝收到佢電話，我覺得好似發夢咁！


原本以為返晏舒服啲，點知又要配鎖匙，又要幫cb買紙巾，由灣仔行去銅鑼灣，再由銅鑼灣行番灣仔，個人攰到傻。。。。仲要今日超多嘢做，個人攰到企響到都瞓得著！由聽日起一連三日都要返 Luna，我竟然覺得唔開心，原來就算 freshmart有幾熱同忙都好，我都會覺得時間易過啲。。。嚟緊呢三日點捱呢？？

今晚低能仔嚟接我收工，仲買咗個防水袋比我，個傻佬肯定買咗個好貴嘅比我，其實我要個普普通通嘅已經可以架喇！我有佢已經足夠。。。食完飯我哋就一齊返屋企，佢攰到傻咗。。。陰公豬！！所以我幫佢鍊完之後，就幫佢開定爐等佢瞓醒可以沖涼，而且仲幫佢倒埋垃圾先走。。。種感覺好得意💗真係冇試過攰得咁幸福，低能仔，多謝你令我感受到呢啲未試過嘅感覺，我真係好 enjoy可以為你做嘅呢一切事！

分類: 我們的生活點滴
 [ 訪客留言(0) ] [ 編輯日誌 ]

2014 年 7 月 8 日  星期二   晴天
一日一夜

 貶吓眼3日假期又放完喇！由尋日點幾開始，我同低能仔都癡住一齊，直到今晚成十二點。。。。繼台灣之後，今次係第一次響香港對住咁耐，so sweet...


今朝一瞓醒就見到佢攬住我瞓，仲有人幫我冚被添。。。。好幸福喔！瞓醒之後，我哋響海怡食嘢同買毛巾，跟住再返屋企！低能仔今朝係咁打乞癡，唔知係咪尋晚掛住同我冚被，搞到自己都冷親呢？？所以迫佢飲咗杯感冒茶後，我就要佢乖乖哋瞓響床，而我就抹地！以前都有幫過佢抹地，不過當時係我抹地，佢就洗廚房！但今日當佢響到望住我抹地，然後又不停幫我抹汗同整頭髮，抹完地仲幫我按摩添！我一啲都唔覺得辛苦，反而我竟然好 enjoy呢一刻。。。 我響到諗，其實一齊生活嘅感覺係咪就係咁嘅呢？我好想試吓。。。。不過我知冇乜可能！

搞掂晒啲嘢之後，我哋一齊出咗去揾 Cherry食飯，第一次佢用男朋友嘅身份同我出去，好開心呀！今晚呢餐飯我等咗好耐，因為我好想佢除咗響我同事眼中係我男朋友外，佢仲可以響我朋友眼中，以我男朋友身份出現！我好想我身邊嘅人都知，我揾到一個錫我、愛我嘅低能仔，佢做任何嘢都係以我為先，低能仔多謝你！最後Cherry俾佢嘅評價除咗覺得好之外，仲竟然叫我對佢好啲-_-"乜我對佢好差咩？？哈哈。。。。anyway 我今晚真係過咗一個好温暖嘅晚上！Love u so much...









 

分類: 我們的生活點滴
 [ 訪客留言(0) ] [ 編輯日誌 ]

2014 年 7 月 7 日  星期一   晴天
Cool魔

 尋晚響佢到走之後，佢點幾先揾番我😥俾我估中咗，佢真係瞓咗覺，所以冇揾我。。。。


有人今朝十一點就揾我，仲陪我去食嘢添呀！好耐都冇試過喇💗食完嘢佢就同咗我一齊返屋企。。。原本今日下晝佢要去同啲同學出去，但佢話陪我，所以唔出去，嘻嘻。。。

今晚我哋去咗睇 Cool魔演唱會，我哋坐得好前，我睇得好清楚，而個傻人就影咗好多相。。。唔知係咪因為之前成日都聽佢嘅歌，加上每次聽親嘅歌都好似講低能仔咁，所以今晚當佢唱嘅時候，特別覺得好聽。。。或者因為低能仔響我隔離，今晚我覺得特別幸福！睇完演唱會，我哋一齊返咗屋企，今晚可以攬住一齊瞓喇！

今晚有人好似特別就我咁，如果以後都係咁就好喇😋

分類: 我們的生活點滴
 [ 訪客留言(0) ] [ 編輯日誌 ]


« | 312 | 313 | 314 | 315 | 316 | 317 | 318 | 319 | 320 | 321 | ... | 384 | »