jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34265 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 58
累積人氣： 34265
RSS Feed
2014 年 5 月 22 日  星期四   晴天
盡力

 今日終於都返 luna喇！呢排陣係返 FRESH MART, 好耐都冇返過去，真係好掛住嗰到。。。 不過返到去真係呆咗，好污糟呀！雖然都係預料之內，但都冇諗過會污糟到咁>_<¦¦¦


今朝好早就出咗去，因為我要去買禮物，我終於都買咗部 Z2比低能仔，好開心^(oo)^其實買比佢嗰一刻我都知佢一定又會話我，但我真係好想買呢份我哋嘅一週年禮物，所以我乜都唔諗，就買咗比佢，哈哈。。。

等咗好耐終於都收工，臨收工時佢 WHATSAPP我話佢返咗去，我即時好失望。。。我等咁耐就係想收工時，第一時間比份禮物佢，但佢竟然走咗T_T唉，嗰刻望住份禮物好無奈呀！響鋪頭鎖門走嘅時候，佢突然行出嚟。。。個衰人又呃我喇#^_^#我嗲咗佢一陣就比咗份嘢佢，佢嘅反應係預期之內，但最後佢都係要屈服收咗去😂

低能仔，我只係希望為你付出，一直咁付出落。。。我唔知以後嘅路會係點，將來嗰個又係咪你，或者有一日你會唔再愛我，但我依然好想為你付出！我承認我係一個好敏感嘅人，我好怕有一日你會返去佢身邊。。。所以我先更想響我擁有你嘅日子裡，將所有最好嘅都比晒你，就算將來你真係唔要我，我都唔會有遺憾，始終我已經盡咗我能力去愛你、對你好！








 

分類: 我們的生活點滴
 [ 訪客留言(0) ] [ 編輯日誌 ]

2014 年 5 月 21 日  星期三   晴天
冇嘢揾嘢搞

 尋晚成晚都冇瞓過。。。到咗今朝9點幾先瞓咗一陣！瞓到十二點幾見到低能仔 whatsapp，佢話佢仲未食嘢。。。。。原本尋日我哋約定咗一齊食早餐，但今朝佢話要食泡乎，最後我哋都冇一齊食到嘢。。。


今日成日都陪媽咪，出去食嘢嘅時候，咁啱低能仔都出去，我哋就響巴士站離遠見到大家，之後今日就再冇見過喇！

今日響屋企好忙，執晒所有冬天衫，換晒床單、被袋，好攰呀！今晚響屋企食飯，我發現原來我好耐都冇響屋企食過飯喇！今晚食完飯，Fung過咗嚟揾我，我哋響大風位傾咗一陣，不過我冇同低能講，因為我唔想煩住佢，我唔想佢覺得我因為佢唔得閒陪我，而我就尊登出咗去嚟激佢，所以我冇講比佢知！其實我好掛住低能仔←_←

我今日成日都忍住唔揾佢，所以我響屋企就冇嘢揾嘢做，等自己忙啲。。。咁就唔使煩住低能仔！佢今晚去飲，我依然冇主動揾過佢，只係等佢揾我。。。我哋好耐都冇試過咁成日都冇見，今晚我成晚陣係呆望住個電話，好想好想聽到 whatsapp同電話響。。。。





 

分類: 我們的生活點滴
 [ 訪客留言(0) ] [ 編輯日誌 ]

2014 年 5 月 20 日  星期二   晴天
我們的5201314
我們的5202014

今日係我哋拍拖一週年嘅日子。。。由5202013嘅當日，到5202014嘅今日，我哋真係過到5201314。。。呢樣係我最感恩嘅事，假如當日你冇選擇到我，唔知今日嘅你又會點過呢？會同她一齊渡過嗎？而你又有冇後悔選擇咗我呢？

今日下晝，低能仔就嚟接我食晏，然後就一齊返咗屋企！有人今日送咗份好有意義嘅嘢比我，係佢自己diy嘅相薄，我好鍾意，真係好鍾意！望住呢本嘢，我發現原來我有好多相都冇見過。。。兼且原來我比人影咗好多相囉！但睇完之後，我更想知道響低能仔眼裡嘅低能妹到底係點呢？

今日成個下晝我哋都響屋企二人世界，我唔使特別慶祝、我唔需要名貴禮物，我更唔需要一大扎鮮花，因為有你陪住我，已經係我最好嘅禮物。。。 對住你，我可以唔買手袋、我可以唔買衫、可以唔買好多好多嘢。。。但我就係唔可以失去你！！今晚我哋去咗灣仔食飯，呢餐飯特別好味，好耐都冇試過咁開心咁好胃口咁食一餐飯喇！假如以後嘅每一日直到老，都有你陪住我食咁就好。。。

臨返屋企前，我哋行咗去時代，個傻佬帶我去返響一年前嗰個位，做番一年前嘅動作，錫錫。。。。呢一年過得真係好快，我好希望可以同你渡過我哋嘅第二、第三、第四年，甚至更多更多！我好希望一直令你幸福落去，一直為你煮更多嘢食，一直繼續愛你。。。可以嗎？？













 


分類: 我們的生活點滴
 [ 訪客留言(0) ] [ 編輯日誌 ]

2014 年 5 月 19 日  星期一   晴天
耿耿於懷
今日瞓到10幾低能仔就打比我叫我食早餐，不過我太攰，所以冇去到，響屋企繼續瞓。。。。一瞓就瞓到十二點幾！

低能仔今日考試，而我就響屋企。。。。到咗5點幾我先出去！原本我諗住自己去，我知道佢已經好攰，亦唔想煩佢，不過低能仔就話陪我😍

佢陪住我，我當然開心啦！但我今日唔係好夠膽講嘢，或者因為我真係怕佢嫌棄我煩，所以我都盡量少出聲！今晚佢要返佢婆婆到，食完嘢隔咗一陣佢就走咗，我就自己去行咗一陣。。。我知道佢唔想我一個人響街行，但我真係想自己一個行吓，諗吓嘢。。。因為我真係唔知自己應該要點做，應該點先揾番『自我』，應該點先唔令佢覺得癡身同煩😔我承應有啲嘢我係耿耿於懷，就係因為耿耿於懷，我先更加要知自己應該要點做，但我真係諗唔到！我好冇用T_T越想做好啲，就越做唔好。。。我嘅壓力又再一次回來了，我覺得好辛苦、好唔開心！




 


分類: 我們的生活點滴
 [ 訪客留言(0) ] [ 編輯日誌 ]

2014 年 5 月 18 日  星期日   晴天
只可惜。。。

 今日我哋兩個都休息，我十點就出咗去同爸爸食嘢，但我冇 whatsapp低能仔，因為我估佢尋晚應該好夜瞓，所以我唔想嘈佢，等佢繼續瞓。。。我知佢瞓醒咗之後，就會揾我！


低能仔瞓醒之後就揾我，佢問我幾點上佢到？不過聽日佢要考試，其實我好想見佢，但一諗到佢尋晚嘅反應，我就同佢講佢要温書，我諗住唔上去。。。不過佢話想我陪佢！自從尋晚嗰件事，我今日只係陪咗佢一陣就走。。。。我突登打去阿麻到話過去陪佢，因為我想佢可以多番啲時間，我唔想煩住佢讀書，我唔想佢會討厭我！

其實我好想陪住佢温書，我好想攬住佢，只可惜。。。。。。
 

分類: 我們的生活點滴
 [ 訪客留言(0) ] [ 編輯日誌 ]


« | 322 | 323 | 324 | 325 | 326 | 327 | 328 | 329 | 330 | 331 | ... | 384 | »