今日都係返 FM，一早返到去又開始好忙喇。。。幸好晏晝 Irene落咗嚟，如果唔係得我一個，我肯定忙死-_-b今日食完飯之後，突然係咁嘔。。。嘔咗成四、五次，個人冇晒力咁，我好想嗲吓低能仔！
今晚 Boss落咗嚟，但我個心已經唔響到，我不停四圍望睇吓見唔見到低能仔，但始終都冇。。。我估佢應該唔出嚟！因為我今日叫佢唔好接我，留響屋企休息吓！
臨收工前，Boss約我今晚收工一齊食飯，不過我推咗佢！我陣係想返去。。。。就算返到去見唔到低能仔，我都想返去，因為我唔想同佢食飯而令低能仔嬲！
今日學插花同扎花，原來都好有成功感架！我將今日我人生第一扎花，送咗俾低能仔。。。呢扎花對我意義好大，所以我將佢送咗比我重要嘅人，你喜歡嗎？
收工後我依然好唔舒服，我 whatsapp完低能仔後，我就行咗去灣仔。。。當我諗住上車嗰一刻，我收到低能仔電話，原來佢有出嚟等我收工！今晚依然冇胃口食嘢，我只係陪佢食，食完我哋就搭車返去。。。你響車講嘅嘢，的確令我有啲無奈，甚至當我話聽日陪你温書時你嘅反應，亦令我唔知點好。。。或者有啲嘢真係需要改變吓！
分類: 我們的生活點滴 |
