jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34471 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 42
累積人氣： 34471
RSS Feed
2014 年 5 月 27 日  星期二   晴天
第二晚

 今晚係第二晚自己一個收工、一個人食外賣、一個人搭車返去……我好掛住佢、好想見佢呀！


今朝低能仔要去影 wedding，做開化妝師嘅我都識得唔少 photop，我點會唔知做一個 wedding有幾辛苦？其實除咗幫人化妝、set頭攰之外，photop都一樣好攰。。。特別係做婚嫁行業添！

我一早預咗低能仔未必捱得住，所以今日當佢 whatsapp我同我呻嘅時候，我叫佢唔好做。。。或者因為我太了解佢，以佢為人只要有人十卜佢嘅諗法，佢反而會慢慢諗究竟乜嘢係啱？乜嘢係錯？就算我叫佢即刻走都好，我都好有信心佢會捱落去！佢係嗰啲就算幾唔鍾意都好，都唔會做到一半唔理人感受而走嘅人，呢樣係佢優點。。。之後佢真係選擇繼續落去，而且仲識諗番另一個 photop所講嘅嘢原來係啱！嗰一刻我覺得好開心，因為你冇令我失望！

低能仔，其實我好想你明白，假如你要做一個成功嘅攝影師，呢啲苦你一定要捱！！我當日剛做化妝師時，好多行內術語同規則都唔識，但只要用心學就一定學得識！我都唔係一出嚟就可以做得好，亦捱咗一段時間先可以！我相信我做得到，你都一樣做得到架。。。低能仔，加油呀！

 

分類: 我們的生活點滴
 [ 訪客留言(0) ] [ 編輯日誌 ]

2014 年 5 月 26 日  星期一   晴天
想見你

 今朝低能仔返好早。。。醒咗又見到佢msg, so sweet bb chu!


今日好晏先食飯，餓到有啲暈暈哋！我哋習慣每逢 lunch都會 whatsapp對方，今日我530 whatsapp完佢，佢話佢今日收6點，而且仲話“想見妳”添……呢三個字好耐都冇見佢講過，或者因為我哋每日都會見，所以根本就唔需要講，但睇到我依然覺得好開心！

我食完個快飯後，就跑去 sogo買咗5個 puff比佢，因為佢今晚返到去實唔食嘢，我怕佢會肚餓。。。加上聽朝一早佢又要去幫人影 wedding，咁早又冇早餐食，所以就買定比佢，咁佢就可以食埋早餐先出去喇♥♥呢個安排好嗎？見到佢後，佢就拖住我送我返去，臨返到去佢就幫我抹埋汗😍好感恩我有你呢個咁細心嘅低能仔！

今晚我哋冇得見，收工後要自己返屋企同食嘢。。。唔習慣！原本低能仔叫我收工返去揾佢，但一諗到佢聽日要好早起身，我就話唔揾佢，我知如果我過到去，佢就休息唔到。。。聽日我哋都冇得見😔不過唔緊要啦，我只係希望你聽日做得開心、做得投入就得，但你唔準走去識啲姊妹同伴娘，知唔知呀👿👿👿

分類: 我們的生活點滴
 [ 訪客留言(0) ] [ 編輯日誌 ]

2014 年 5 月 25 日  星期日   晴天
期待

 今日低能仔要去做訪問，而我。。。就乖乖哋留響屋企等佢返，好掛住佢呀！


今朝好早就起身，一起身條頸好痛，個頭一 dup低又或者擰轉就好痛，手又舉唔高，超痛。。。同爸爸食完嘢後，我就去買嘢煲去濕茶比低能仔，因為有人皮膚敏感，其實本來可以買外賣，但我覺得自己煲好似好啲，始終唔知出面嗰啲有冇翻煲，加上出面一支要＄6×，好似唔係好抵，依家自己煲又可以一家人一齊飲，況且我又未煲過嘢比佢飲，所以決定自己返嚟煲，好想佢會鍾意♡

買完嘢煲去濕茶之後，我去咗睇台灣嘅嘢，今日終於都 book咗機票同酒店喇！依家只要等埋佢護照，就可以搞埋簽証！今日睇咗好耐台灣嘅書，一路睇，我一路想佢快啲返嚟，我想同佢一齊睇呀！我想同佢一齊 plan去邊同食乜。。。我未試過咁期待一個 trip架。。。我覺得倆個人一齊 plan會開心好多。。。




 

分類: 我們的生活點滴
 [ 訪客留言(0) ] [ 編輯日誌 ]

2014 年 5 月 24 日  星期六   晴天
身痕

 今日返4點。。。一返到去已經好忙！因為今日 Boss同日本老闆過嚟-_-||所以有好多嘢要做~>_<~但又忙得幾開心，一路做時間好快就過！


話咁快又收工，低能仔今晚都有嚟接我，今晚超肚餓。。。。佢陪我去咗食嘢後，就帶我食雪糕，好好味！不過食完又咳番，低能仔話以後唔可以食咁多！

今晚我哋都係一齊返屋企，佢超攰呀，就連搭車都瞓著咗。。。返到去我就幫佢鍊咗一陣先走！佢今晚唔止攰，仲要皮膚敏感添。。。見到佢咁辛苦，個心好痛！因為皮膚敏感真係好難頂。。。今晚佢每（R）一次，我就打佢一次。。。低能仔，其實我咁做係因為你越 （R）只會越痕，我只係唔想睇住你辛苦！

分類: 我們的生活點滴
 [ 訪客留言(0) ] [ 編輯日誌 ]

2014 年 5 月 23 日  星期五   晴天
給你。。。
低能仔，

今日我真係好開心，除咗瞓醒之後就見到你 whatsapp外，仲可以聽到你把聲😘你知嘛，我每朝瞓醒最期待就係收到你 msg<3 

今日我哋都返下晝，我哋好耐都冇試過一齊食 lunch，然後拍一拖先返工，我覺得好 sweet，就算只係食一碗公仔麵，我都已經好開心，因為有你響我身邊^O^夜晚仲有你接我收工，我真係覺得自己好幸福。。。我知你好攰，但仲依然就我、陪我行咁多地方，對唔住，我好自私呀！

尋晚我同你講，我最想響你身上得到嘅係安全感，因為我覺得你好好，而我自己就。。。加上我一直都覺得你其實可以有好多選擇，你選擇我只係我幸運，我好怕你會離開我，只因為我並唔係你所講得咁好。。。。其實到咗今日，每次當我見到你有其他女仔 msg你，我依然都會好驚、我依然都會諗起以前，所以我最想要嘅先會係安全感！ 


分類: 我們的生活點滴
 [ 訪客留言(0) ] [ 編輯日誌 ]


« | 321 | 322 | 323 | 324 | 325 | 326 | 327 | 328 | 329 | 330 | ... | 384 | »