jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34978 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ August 2026 ›»
SMTWTFS
1
2345678
9101112131415
16171819202122
23242526272829
3031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 23
累積人氣： 34978
RSS Feed
2014 年 5 月 12 日  星期一   晴天
自我？！

 今日係假期嘅最後一日，聽日就要，返工喇。。。今日瞓到一點先起身，爽爆！！


低能仔今日要返工，而我就自己響屋企！今晚佢收工後要落旺角，我就睇完跌打返屋企等佢！唔知點解今晚特別掛住佢。。。。真係真係好掛住佢😔好想佢可以響我身邊，好想佢攬住我！！

十點幾低能仔就返咗嚟，佢響樓下等埋我先一齊返屋企，不過佢今日好攰，尋晚有人好夜先瞓，加上今日又返工，搞到佢超攰。。。今晚幫佢鍊咗一陣，佢就唔比我鍊喇！因為我尋晚淋過雨，由尋晚開始成身都好熱，就連塊面都紅晒，佢怕我辛苦，所以就要我抖吓！其實我寧願自己病，都唔想佢攰。。。

低能仔真係唔記得咗尋日係乜嘢日子，但其實又有乜所謂？？始終最重要係依家，佢同我講唔想我冇咗自己，冇咗私人時間。。。但我發現原來我嘅一切都係充滿佢，不論我做乜，諗乜都只得佢！依家要我揾番自己，又係咪真係咁容易呢？我好似所有嘢都已經依賴咗佢，假如依家要我失去佢，我真係唔知點算！我好驚好驚。。。我應該點算？？

分類: 我們的生活點滴
 [ 訪客留言(0) ] [ 編輯日誌 ]

2014 年 5 月 11 日  星期日   晴天
365日

 今日係母親節，亦係我同低能仔嘅365日，365日前嘅今日，係我等一次整嘢比佢食，handmade 蝴蝶酥 & 低能仔曲奇。。。。365日後嘅今日，我整咗佢最愛嘅葡撻比佢！一年前同一年後，唯一唔同嘅地方，就係大家之間嘅身份同關係，今日嘅低能仔已經變成我嘅摰愛，變成我嘅男朋友！


今日食完嘢又好忙，忙住整葡撻。。。一路整、一路焗嘅時候，我係咁諗唔知低能仔鍾唔鍾意？我又好怕會失敗。。。其實我原本想整番蝴蝶酥，但我又好想可以試吓整啲新嘢比佢，所以就放棄咗蝴蝶酥。。。起初以為葡撻好難整，原來都唔係好難，只係煲啲牛奶嘅時候，我覺得好臭，有啲想嘔咁！不過整完之後，我又覺得好開心。。。但我依然冇試過味，所以實際味道都係唔知得唔得，嘻嘻。。。搞掂晒我就帶埋啲葡撻落街等低能接我。。。今日我哋又係2人世界咗一陣T_T因為夜晚我要同阿麻食飯，而佢就約咗朋友打邊爐。。。個傻佬今日一次過食晒四個葡撻，不過佢覺得甜咗啲！我諗下次要落小啲糖至得。。。

今晚我好早就返咗屋企，我好掛住低能仔。。。我好耐都冇試過，佢約咗朋友去街而唔響我身邊，好唔習慣呀。。。我好想見佢::>_<::低能仔，唔知你有冇掛住我呢？？
 

分類: 我們的生活點滴
 [ 訪客留言(1) ] [ 編輯日誌 ]

2014 年 5 月 10 日  星期六   晴天
沒有你的晚上

 今朝原本約咗1130睇跌打，但敷咗幾日藥，開始敏感，出咗好多一點點嘢，仲好痕。。。所以我最後去咗睇西醫，食咗啲藥隻腳好似冇咁痛。。。


今日四點就去咗靚仔醫生到睇隻痛腳😲靚仔醫生順便幫我聽埋心肺，因為我上次覆診時，條氣都仲係喘，所以今次佢話要睇埋！今日又比靚仔醫生話，佢話我呼吸又跌咗，點解又可以唔理？同當冇事發生？？比佢話咗一輪後，佢又要我食返類固醇！其實我真係咳小咗好多架喇。。。只係有時一咳就咳好耐，加上我覺得自己都撐得住，我唔想成日都靠藥物，每次食藥都要食咁多，我覺得好辛苦😔個人又攰喎。。。。特別係嗰啲哮喘藥，每次吸完之後，個腦同頭都好實，諗唔嘢咁。。。我討厭呢種感覺！！

睇完醫生低能仔就嚟接我，我哋食完嘢行咗一陣就返屋企，不過咁啱家姐響附近，所以今日只有低能仔一個返屋企，其實我好想癡住佢，但一諗到佢之前話我有少少癡身，我就決定去揾家姐，因為我都想比番啲私人時間佢，始終我唔可以令到佢個世界只得我架嘛！佢都需要有自己時間relax吓。。。做自己想做嘅事！但同佢分開咗一陣，我已經好掛住佢喇！已經好想佢響我身邊。。。

今晚家姐同我都冇同舅父佢哋食飯，我哋返咗阿麻到！伯娘今晚都響到，一見到我又係咁話低能仔好靚仔。。。。講到全屋都知！！其實可唔可以唔好見一次講一次呢？仲要一講到低能仔時，佢興奮到好大力咁打落我隻痛腳到😒即時痛到飛起。。。。

低能仔，沒有你的晚上，我很想你！

分類: 我們的生活點滴
 [ 訪客留言(0) ] [ 編輯日誌 ]

2014 年 5 月 9 日  星期五   雨天
醜得漂亮
今日都仲係休息。。。瞓醒之後，有人打比我話帶我去食嘢，原本啲人話響樓下等我，但當我響屋企著緊鞋嘅時候，我聽到門口有把好熟嘅聲，到我開門出去嘅時候，我肯定嗰個係低能仔，原來有人上咗嚟接我，傻🐽。。。我哋食完嘢之後，就一齊返咗屋企💗好耐都冇同佢響屋企二人世界咁耐喇！有人聽日要考試，但比我搞到温唔到書，哈哈。。。佢比我纏到4點幾，我先去覆診！

今日覆診，醫生話我隻腳都算嚴重，到咗今日到仲痛、仲有瘀同腫。。。不過個“較”位就已經移番正，但係啲“根”仲係發炎😭所以聽日仲要覆診。。。又要比佢整隻腳，好痛架！其實原本今日我好想低能仔陪我去睇，因為個醫生幫我睇腳嘅時候，真係好痛。。。痛到我揸實個袋唔夠膽郁同嗌，如果有低能仔響到，我就可以拖實佢！但今晚佢要去試造形，我唔想佢陪我去，我唔想佢到時搞到一陣跌打味。。。所以最後我只係自己去！

低能仔，好多謝你對我咁好，咁愛我。。。擁有你我覺得自己好幸運，竟然會有人咁錫我。。。有一首歌，我真係真係好想送比你！我好想你會留心歌詞。。。。其實你係咪仲有留意呢個blog??


優美　才容易獲取所愛
總要　和各界眼光比賽
長相　你叫我　怎麼改
自尊心也被人笑聲掩蓋
只怪　凡人用眼睛戀愛
生世　才淪為被愛的障礙
觀眾　眼界線　改不改
亦好好對待　叫人人意外
常人如你的標準　
怎去量度幸福的輕重
一千斤　　這樣重
張開手　　能用力地抱擁
天生不算做漂亮　都多得你願見諒
當醜小鴨被撇下　流亡然後又被領養
人從來天生天養　然而難得你對我緊張
不必想你覓對像　醜樣都這樣漂亮
不必當世俗偶像　
這世界誰亦有被愛的幕牆
蒙起這雙眼冥想　誰會讓你寵上
忘記燃亮重量
總要　被旁人目光批鬥
得我　行快鏡與上佳偶
所愛　我怕我　講出口
會給惋拒回來我心傷透
關愛　亦還是你所專有
總有　誰人明白你小宇宙
給我　抱抱你　一雙手
另一種美貌我全部接受
天生不會做偶像　都多得你願見諒　
人人能愛上
彷彿整個鬧市內　完全無人剩下我倆
人人能變心
平頭和品足嘴瞼　
完來無需要太過緊張
請不必你付重量　醜樣都這樣漂亮
心地可拼命發亮　
這世界其實有萬百總識相
旁觀者怎會了解　何以共我戀上
誰會付最理想








 


分類: 我們的生活點滴
 [ 訪客留言(0) ] [ 編輯日誌 ]

2014 年 5 月 8 日  星期四   晴天
癡住你。。。癡住你。。。

 今朝9點幾就起身，點知一落床隻右腳冇力，抖咗一陣都仲係好軟！原本諗住請半日假去睇跌打，但 Boss叫我休息吓。。。最後就係休埋聽日！


今日瞓到成5點先起身，個人超攰！可能因為尋晚又突然咳醒同隻腳痛醒，所以個人好攰。。。瞓醒食咗啲嘢就出去睇跌打，睇完之後，低能仔就出嚟接我去食飯，然後就返屋企！

今晚好大雨，仲要行雷添。。。好驚呀！結果低能仔打電話比我，今晚佢陪我傾咗好耐電話，好耐都冇試過喇！感覺好似返番上年咁，種感覺好親切，兼且亦可以了解佢多一啲。。。。

低能仔，你今晚話我癡身啲，其實唔知點解我好鍾意癡住你，哈哈。。。呢種從來都未有過嘅感覺，我唔識點形容，我陣係知道同你一齊我好開心，好安心！有好多嘢我都可以唔使擔心，因為你會幫我安排好晒！好似隻腳受傷後，你會對我無微不至，接我放工、等我睇完醫生後就嚟接我，仲會怕我行樓梯會痛就抱起我。。。呢一切只有你先會比我，你就係我想終老嘅嗰個人！但假如有一日，你真係覺得我癡身而令你抖唔到氣，你記得話我知。。。我為咗你願意去改架！

分類: 我們的生活點滴
 [ 訪客留言(0) ] [ 編輯日誌 ]


« | 324 | 325 | 326 | 327 | 328 | 329 | 330 | 331 | 332 | 333 | ... | 384 | »