今朝8點幾就起身出去，搞掂晒啲嘢，我響 elmas 房張枱到瞓著咗，佢依然坐響度做嘢，可能佢見我好攰，所以一直都冇叫醒我，由得我繼續瞓，直到我瞓到點幾先拍醒我，叫我返醫院覆診。。。今日佢車我返醫院覆診後，就各自各走。。。今日成個下晝都係天陰陰，好似我嘅心情咁！
原來低能仔一直都唔鍾意我講公司，佢會覺得煩。。。原來報告有問題，啲藥要加，而体重又下跌，好似所有嘢都一次過發生咁！尋晚佢話“我哋冇變”，但其實呢一切唔係已經變緊喇咩？？唔知我又會唔會變到好似“醫生媽媽”咁呢？連自己嘅情緒都控制唔到？我好驚，真係好驚。。。
今日佢約咗人去交收，而交收前佢去咗按摩，佢本身叫我返去抖一陣，但我依然選擇出旺角先，我好想行吓。。。我好想休息吓。。。我好想靜吓。。。我真係好想抖吓。。。
分類: 我們的生活點滴 |
