今日收530♥特登唔放30分鐘食飯時間而早啲走，因為上次約低能仔出去，我收6點結果地鐵站超多人，搞到低能仔等咗我好耐😰我知佢已經好攰，我唔想佢再等咁耐，所以我唯有放棄休息時間！
今日用低能仔買比我嘅 Bluetooth，超舒服兼且冇再跌落嚟，勁呀！！今日收工響地鐵聽住歌咁過深水埗，勁方便♥真係未試過可以咁爽咁聽歌呀！低能仔，多謝你<3
今日冇食藥，因為我好怕食咗藥之後，我再同低能仔出街會太攰，所以我冇帶藥出去。。。點知出到去，反而係佢唔出聲！我知道佢係太攰，但我真係好唔知點😰當佢今日拖住我行，我望住街上嘅情侶個個都好開心咁，再望住十問九唔認嘅佢，我覺得好難受，究竟我做錯啲乜激嬲佢？直到我哋各自各去買嘢食，我已經不停深呼吸要自己冷靜，見到佢咁我根本冇胃口食嘢，加上我見到有窩夫，我估佢都應該鍾意，所以就買左兩件窩夫，返到去我已經扮晒冇嘢，仲好開心咁同佢講『好似好好食咁，你食唔食？』點知換嚟嘅係。。。。。佢去拎嘢食嘅時候，我真係有種好想放低兩件窩夫，然後走嘅衝動！但最後我都冇咁做。。。。直到佢返嚟，我真係忍唔住係咁喊！
其實我真係想同你開開心心咁見。。。以前我哋無論收工、放學就算有幾攰都好，我哋一見到對方，都會好開心、好珍惜！我流眼淚唔係想你氹我，只係我真係難受到頂唔順。。。我唔知點先可以令你開心？點先可以令你笑？嗰一刻嘅我，彷似做咩都係錯咁，你明唔明呀？
青春若有張不老的臉
但願它永遠不被改變
許多夢想總編織太美
跟著迎接幻滅
愛上你是最快樂的事
卻又換來最痛苦的悲
苦澀交錯愛的甜美
我怎樣都學不會
哦 眼淚
眼淚都是我的體會 成長的滋味
哦 眼淚
忍住眼淚不讓你看見
哦 我在改變
孤單的感覺 你從不曾發現
我笑中還有淚
哦 眼淚
眼淚流過無言的夜 心痛的滋味
哦 眼淚
擦乾眼淚忘掉一切 曾有的眷戀
哦 眼淚是苦 眼淚是傷悲
哦 眼淚都是你
哦 眼淚是甜 眼淚是昨天
哦 眼淚不流淚
分類: 我們的生活點滴 |
