尋晚瞓得唔好，成晚都瞓吓醒吓，好似冇瞓過咁！到咗今朝7點幾，我聽到電話響，原來係低能仔whatsapp我😘覆完佢之後，我又不經不覺咁瞓番！
尋晚我發咗個夢，我夢見同低能仔生咗個 BB女，個 BB好得意架。。。。如果將來都可以有機會咁就好喇！
今日原本同家姐去銅鑼灣行街，結果出到去，我哋都未行就已經趕返去睇阿嫲，阿嫲個情況嚴重咗好多，佢面色唔好之餘，仲越嚟越瘦！望住佢咁，我真係好唔知點，除咗擔心之外，我根本乜都做唔到，你知唔知呢一刻我有幾驚失去你？如果要我失去你，我真係唔知點算好😫
『如真的需要走 你要教我獨行
曾每天給我呵護 願來世奉還
想紀錄多一次 眼角眉梢暗示
是時候 也許不必細說 已心知
遺傳自你的生活 和珍惜的某些
時空中交錯多少感覺 似抱住你暖一些
然後樹老 身體老 情從來沒有老』
睇完阿嫲都已經8點，我拿拿臨出去接低能仔收工，我知道如果低能仔知我返咗阿嫲到，佢一定會叫我留響屋企等佢返，但我真係好想等佢收工，同佢行街、食飯，所以我冇話佢知我返咗阿嫲到！
今晚嘅低能仔對我特別温柔，而且仲做咗啲平時冇做嘅嘢！以前我哋去街，如果搭扶手電梯，佢通常都只係拖住我，但今晚佢係攬實我，呢種感覺好暖、好實在、好真實！ 我好鍾意呢種感覺。。。。
食完嘢我哋去咗世貿，我順便返咗鋪頭借洗手間！同佢哋傾咗一陣公司嘢後，我就諗住走。。。 當我轉身想行嘅時候，低能仔已經伸咗隻手出嚟拖住我，雖然好 surprise！但我竟然響到諗，其實佢係咪做比 Raymond睇架呢？因為佢平時唔係咁，不過係咪都好，反正我都唔在乎 Raymond點諗，比佢見到反而仲好，起碼我唔使諗點樣唔 hurt到佢，又可以令佢知難而退先！
命運就地改寫
只因你我當天那一眼
靜靜互望啞口無言
原來邂逅太簡單
大地就像一黑
只得你那身影最顯眼
月下漫步東京同遊
遺忘晚上變得越來越冷
黑色眼睛 沿途與你有過一幀風景
但路上 誰也沒名沒姓
靜靜行經 留影 目黑之夜有星
遊歷過 下一次未必經
分類: 我們的生活點滴 |
