可能每個女人都會好想有啲嘢，會做到自己鍾意嘅人嘅第一次。。。縱使唔能夠全部嘢都能夠做到第一個，都總會好希望有啲嘢係無人取替到自己。。。尤其係你特別為佢而改、為佢而做嘅嘢！但當你知道自己已經唔再係第一個時，難免會有失望感覺！兼且會諗，其實為佢努力而學、而改嘅嘢又係咪值得呢？？
今日我哋食完嘢就去咗旺角，響車到佢攰到瞓著咗，我好無聊咁響到玩自拍！好想留住同佢一齊嘅每一刻，但搞到好似潘湘湘襯林峯瞓咗偷拍咁。。。今日有人唔見咗錢而黑面~(*+﹏+*)~搞到我都唔係好夠膽講嘢。。。不過最後令佢笑番嘅唔係我，而係一個比佢撞到嘅路人甲！人哋只係講咗句唉吔，就已經令佢笑番。。。我呢個所謂嘅女朋友真係∼-_-///
去完旺角食埋飯，我哋就返咗屋企！今晚我哋齊齊扮阿信的故事響到執屋∼除咗響鋪頭我會執嘢同抹嘢外，平時我根本唔使做呢啲嘢。。。但原來好幸福架！！因為我有幻想過將來我哋會唔會有自己屋企，而我哋又會一齊執屋呢？
低能仔，我哋可以一齊瞓、一齊執屋甚至一齊。。。唔知我哋又有冇機會一齊打blog呢？？打一篇屬於我嘅 blog呢？？
分類: 我們的生活點滴 |
