jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34421 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 60
累積人氣： 34421
RSS Feed
2013 年 12 月 8 日  星期日   晴天
一步一生
今朝起身嘅時候，個頭痛到爆！兼且隻智慧牙又勁痛~(*+﹏+*)~ 尋晚點幾就響佢到走咗，原本諗住響佢到過夜，但最後我都選擇咗返屋企，如果我尋晚響佢嗰到瞓嘅話，佢一定會更攰！

原來要維繫一段感情，真係一件好有學問嘅事！大家當日可能隨口問一句點解？對方都會覺得被重視、感到被關心！但當日子耐咗，以前我哋曾經視為嘅關心同重視，到最後都會變為煩。。。我哋係咪應該要學識適可而止？以前關心過、重視過嘅，之後就可以將呢一切嘅頻率都一一減少？

童年是誰伴我走挽我的手
望我踏上天梯不可退後
曾經期望著我
前程和戀愛甚麼都擁有
沿途就算跌要跌得好看
才能不自責報答別人厚望
然而誰明白我沒你們所想的堅壯
我很想找個人對我說別怯慌
回顧中彷彿一步一生
每一級一世都難忘如何吸引
曾碰上每個過路人跟我漸行漸遠
懸崖上我始終都企穩
誰伴我去走一步一生
每一位一個不留神不再熱吻
還有沒有人令我驚險又興奮
願我能提示我這一雙腳別震
前面是誰伴我走挽我的手
但笑著吃苦的氣力我有




 

分類: 我們的生活點滴
 [ 訪客留言(0) ] [ 編輯日誌 ]

2013 年 12 月 7 日  星期六   晴天
沿途有你
低能仔，

眨吓眼今日就係我生日喇！好感激你為我安排咗一個好難忘嘅生日，同時亦好感激你容許我今日做返自己，兼且同我過咗一日我以前嘅生活！

今日你為我安排嘅一切，我都好鍾意，多謝你呀！我覺得好愧疚，因為你嘅生日我冇為你安排過啲咩。。。只係送咗份禮物俾你就算！

一直以嚟，啲人都話一個女人肯同個男人捱麥記就值得娶！相反，我覺得一個男人唔捨得自己個女人陪自己捱麥記，我覺得值得嫁！你永遠都唔捨得要我捱麥記，你永遠都將最好嘅俾晒我，你永遠都徹身處地咁為我去諗，你知唔知你真係好好？？

今日可以同你食麥記，我覺得好幸福！我唔需要你俾最好嘅嘢我，我只係需要有你就已經覺得係最好！以前我覺得啲人話，只要同愛嘅人一齊，無論食咸魚白菜都會覺得好好味，我覺得呢句說話好荒謬，但今日我真係實實在在認同呢句說話，原來只要有你，咸魚都會變得好好味架！麥記原來都可以咁好食！

今晚你陪我過咗一晚屬於我以前嘅生活，我知道你對我嘅容忍已經好大，不過我真係唔知可以點發泄自己嘅壓力，我覺得好辛苦！我明白自己係一個乜嘢人，要我就咁喊出嚟，我一定喊唔出！但我知道只要我喊得出，我就一定會冇事，我就一定可以堅持自己對佢嘅承諾！只有 long island先可以令我真正感到 relax。。。因為佢用咗好多唔同嘅酒溝埋一齊，亦只有呢隻酒先可以令我最快醉！其實我唔係鍾意飲酒，只係我真係唔開心。。。我應承你，你今晚所見到嘅一切，永遠永遠都唔會再響你面前出現，因為我知道有啲嘢，一次就已經足夠了！

今年我嘅生日願望係，希望可以同你過更多更多嘅節日。。。


 

分類: 我們的生活點滴
 [ 訪客留言(0) ] [ 編輯日誌 ]

2013 年 12 月 6 日  星期五   晴天
生日前夕
今日係星期五，係我最期待嘅一日！因為原本今晚係我同低能仔二人世界嘅一晚，但係。。。。

今朝低能仔要 present，所以冇打嚟叫醒我，但佢怕我唔知醒， present完就即刻打俾我(^3^)我好幸福！！

今日返到公司，就不停做做做。。。終於都將鋪頭抹得乾乾淨淨，不過即時攰到冇朋友！加上食咗啲藥勁眼瞓~T_T~陣係好想快啲收工，陣係好想見低能仔！

好唔容易先捱到收工，今晚得我一個人，要搞嘅嘢有好多！！低能仔嚟咗接我，但佢要等我好耐先走得，對唔住呀！食完飯完本返佢屋企，但我發現我冇帶醫院啲藥，原本24小時嘅二人世界又冇咗喇！我好失望。。。。我想攬住佢瞓，我想瞓醒就見到佢。我想對足佢24小時！！

今晚佢送咗份生日禮物俾我，係我好鍾意嘅鬆弛熊∼望住份禮物，我估應該好貴！多謝你呀，我好鍾意份嘢，但你唔好再送啲咁貴嘅嘢俾我喇！我有你已經好足夠，你已經係我嘅一切！一直以嚟，我都覺得有你響生命中出現，係我最大嘅幸運∼有你對我好，有你愛我，有你唔嫌我煩，我已經好開心<3其實你好了解我，我一直都想換過個 coins bag，兼且我一直好渴望可以收到你寫俾我嘅嘢，估唔到今年生日可以滿足晒呢兩樣嘢，愛死你！




 

分類: 我們的生活點滴
 [ 訪客留言(0) ] [ 編輯日誌 ]

2013 年 12 月 5 日  星期四   晴天
U are my relax bear
今朝低能仔打嚟叫醒我，呢幾朝幸好都有佢打嚟，如果唔係我一定唔知醒！今朝起身嘅時候，我已經感到周身好熱，低能仔知道後，佢想我休息吓，但因為今日公司仲有嘢要我處理，加上冇人開門，所以我唔可以請假，最後我去睇完醫生就返咗工，燒到102度。。。

低能仔放咗學，就即刻過咗嚟睇我！但可惜我咁啱返咗一堆貨，根本就冇時間理佢，佢陪咗我一陣就走咗！而我整貨整到四點幾先搞掂~(*+﹏+*)~今日返貨時，返咗個6" Berry，但嗰個蛋糕個客應該係order響 K11拎，唔知點解會落咗嚟我到，唯有親自送返去 K11。。。

今晚收早，可以去接低能仔收工(*¯︶¯*)好耐都冇接過佢收工喇！陪佢買完嘢，我哋去咗 anytime食飯，原本好想同佢試個布甸，但嗰個人冇落單冇得食~T_T~食完嘢我哋返屋企，途中見到一隻笠住底褲嘅鬆弛熊，低能仔就買咗俾我！雖然唔係啲咩名貴嘅嘢，但對我嚟講已經好珍貴(^3^)因為呢份係你第一份送俾我嘅禮物，對我更加有紀念價值！而且係我嘅鬆弛熊，送我一個鬆弛熊陪我∼呢隻鬆弛熊已經響我床頭每晚陪住瞓！Love u.... my relax bear!

 

分類: 我們的生活點滴
 [ 訪客留言(0) ] [ 編輯日誌 ]

2013 年 12 月 4 日  星期三   晴天
坎坷
尋日太攰連 blog都冇打，真係攰到冇朋友，嘢又食唔到喎，仲要痛到想喊。。。究竟想點？？

尋日都係得我一個，幸好有人頂我食飯，如果連嗰一個鐘嘅休息時間都冇埋，我諗我一定捱唔住！結果我真係頂唔順，用 lunch時間食咗支煙~(*+﹏+*)~我就快壓力大到頂唔順，除咗食煙，我仲有乜嘢方法可以減吓壓呢？

今日收到 Irene Whatsapp，又話今日得我一個~T_T~仲要冇人頂我食飯，天呀∼我已經連洗手間都冇得去，點解連休息都冇？？仲要差唔多三點嘅時候被迫去叮飯，幸好星期一盒通粉仲響到，如果唔係真係食屎喇！！原來望住個雪櫃食飯係咁坎坷。。。嗰種感覺真係好孤獨！仲要食唔夠兩啖就起身做嘢，唔可以安安樂樂食埋落去！！！

低能仔知我得一個人時，佢跑咗上嚟揾我，我見佢跑到喘晒氣，我真係呆咗，個俾佬原本要返工，我whatsapp佢係好想嗲吓佢，估唔到佢會即刻走上嚟！love u so much....

今晚我收9點，低能仔嚟咗接我！我哋食完飯就返咗屋企，同佢兩個響屋企係我最 relax嘅時候，可以暫時將公司嘅嘢放埋一邊(*¯︶¯*)其實除咗響屋企外，我仲好鍾意同佢去買嘢食，以前我壓力大鍾意濕平買袋，依家我壓力大鍾意同佢去 supermarket或者零食店買嘢食，嗰種感覺除咗 relax外，仲好温馨！

我終於發現，原來我拍咁多次拖，雖然流得眼淚最多係今次，但同時笑得最多亦係今次∼有你我好滿足了！











 

分類: 我們的生活點滴
 [ 訪客留言(0) ] [ 編輯日誌 ]


« | 354 | 355 | 356 | 357 | 358 | 359 | 360 | 361 | 362 | 363 | ... | 384 | »