jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34239 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 32
累積人氣： 34239
RSS Feed
2013 年 12 月 13 日  星期五   晴天
小日子
今日心情好 down。。。 唔想做嘅感覺越嚟越多！點算好？兩個月已經咁樣，我仲點堅持對 boss嘅承諾？其實一直以嚟，boss佢哋都對我好好，好多嘢都好 support我兼且好體諒我！所以一直以嚟，我都好努力好努力去做好自己本份，但可惜壓力越嚟越大。。。

今晚條數有問題，搞到十點半先收工，個人真係好攰~T_T~兼且個人好憫！低能仔嚟咗接我後，我哋就去咗食飯，食完飯拖住佢行去灣仔搭車，嗰段路係我最 relax嘅一段路，因為一路拖住佢，一路同佢傾計，有時個低能仔又會唱吓歌 ，種感覺好舒服！如果我冇佢響身邊嘅話，我真係唔知點算好。。。

並無突然地拿著鮮花　
唱著歌給我戒指
亦無異常地憑著香檳寄意
快樂至此 難道需找個記念日維持住
它貴乎隨意　
何用敲響作戰鼓聲作引子
流連小小餐店裡望大時代過去
浮沉小小沙發裡讓大人物欷歔
沒有刻意選個日子 刻意討好誰
共你只要相愛就不會心虛
來場小小的派對倦極同時進睡
成為小小的愛侶平淡裡　
能多相聚　多相隨
都好過　共你像對明星般給尾隨
隆重已讓我覺得疲累　
寧靜安穩夠我所需
是誰在懷念除夕倒數　
撒下煙花與碎紙
是誰在期待圓月中秋 放肆
這沒意思難道需等到假日做纏綿事
需要誰同意　
其實週一到五都可以透支
流連小小餐店裡望大時代過去
浮沉小小沙發裡讓大人物欷歔
沒有刻意選個日子　刻意討好誰
共你只要相愛就不會心虛
來場小小的派對倦極同時進睡
成為小小的愛侶　平淡裡　
能多相聚　多相隨
都好過　
共你像對明星般給尾隨
隆重已讓我覺得疲累　
成大器其實無樂趣
覓個伴我做菜的伴侶　
沒有事幹就再不見誰
留名百歲　不過為人家爭取
流連小小餐店裡望大時代過去
浮沉小小沙發裡讓大人物欷歔
沒有當眾搞個大典　公佈喜歡誰
共你只要即興便搬進新居
來場小小的派對倦極同時進睡
成為小小的愛侶　
平淡裡　能多相聚多相隨
都好過　共你像對明星般給尾隨
不向各方賠罪　
就去牽手逛逛花墟
 

分類: 我們的生活點滴
 [ 訪客留言(0) ] [ 編輯日誌 ]

2013 年 12 月 12 日  星期四   晴天
有你我才會開心。。。
今日又係一個人。。。成日都一個人，返工一個人，做嘢一個人，食飯一個人，埋數又一個人，連收鋪都係一個人。。。。我唔鍾意咁樣，其實只要俾我有一個鐘真正抖吓，我係唔介意一個人做嘢！但冇咗嗰一個鐘，真係差好遠好遠！

今日其實都幾靜，起初以為會冇生意。。。壓力都幾大！但幸好突然間生意上升。。。如果唔係都幾嚇人！我最怕就係得我一個會冇生意，我真係會唔知點交待~(*+﹏+*)~

今日那些年知我返工唔開心，佢話佢氹番我，但我就答佢，只有低能仔氹我先會開心番！其實低能仔唔使做啲乜，都已經可以令我開心番！可能佢只係叫我一聲低能妹，又或都攬住我，甚至乎錫我一啖，我都已經開心番。。。因為最緊要係佢響我身邊，我就已經開心番！

分類: 我們的生活點滴
 [ 訪客留言(0) ] [ 編輯日誌 ]

2013 年 12 月 11 日  星期三   晴天
凍。。。
今日返工都係得我一個，雖然時間難捱啲，但其實都有好處，起碼有好多嘢自己做返唔使執手尾，兼且條數肯定唔會有錯先！

低能仔今日都要返工，佢收工之後依然趕過嚟接我♥其實經過尋晚之後，我今日成日都好掛住佢、好想見佢……所以今晚未到830我已經開始整嘢收工，只可惜都係遲咗走~T_T~

今晚我哋食完飯又去咗飲涼茶，我發現同咗佢一齊，真係好健康！成日都飲涼茶∼我咁大個女飲嘅涼茶加埋都冇呢段日子咁多，哈哈！係佢先迫到我飲~(*+﹏+*)~我諗如果媽咪知道之後，一定會嬲死我，因為平時擺埋響我面前，我都唔會飲！

之後我約咗女神，結果成點先返到屋企，好耐都冇試過冇低能仔響身邊，咁夜都仲響條街到（有人話因為佢唔忍心掉低我喎(*¯︶¯*)我竟然唔習慣。。。我好想好想佢呢一刻響我身邊！有佢拖住我，我就唔會覺得凍。。。




 

分類: 我們的生活點滴
 [ 訪客留言(0) ] [ 編輯日誌 ]

2013 年 12 月 10 日  星期二   晴天
愛你
今日休息。。。但尋晚成都冇瞓過，化咗妝都遮唔到個黑眼圈，勁殘！！

晏晝 boss揾我，我返咗鋪頭整埋啲嘢，就出咗旺角等低能仔！或者因為成晚冇瞓過，所以今日個人有啲吽吽哋，不過等佢嘅時候，我冇覺得攰，只係好想見到佢！兼且行到邊都會諗起佢，特別行到零食鋪，我好自然會諗佢會鍾意食乜？好想買嘢食俾佢氹佢開心。。。其實我好鍾意揀零食俾佢嗰種感覺！

食完飯低能仔陪咗我去買電話套，我睇中咗2款，但我鍾意佢幫我揀，因為佢幫我揀嘅嘢，我都會覺得好似佢陪住我咁！今晚佢幫我揀嗰個電話套，其實係我嘅 frist choice。。。。個電話套除咗係佢幫我揀外，仲係低能仔送俾我。。。(*¯︶¯*)


最近我壓力大咗，好多時都好想低能仔氹我，但就變成反效果。。。其實問題並唔係響佢到，係我壓力大到唔識放鬆，而佢亦已經為我付出咗好多！就算有幾攰都好，每晚都會堅持接我。。。或者因為咁，當佢開始覺得煩時，我亦開始覺得攰！嗰種感覺就好似越想做好，但越做唔好！甚至會好怕自己冇能力做得好。。。就好似返工得我一個人時，會有種壓力怕冇生意一樣！








 

分類: 我們的生活點滴
 [ 訪客留言(0) ] [ 編輯日誌 ]

2013 年 12 月 9 日  星期一   晴天
精神分裂
今朝十點低能仔打嚟叫醒我起身食早餐，佢今日唔使返學，但就要返工！食完嘢我哋就一齊搭車出去，不過佢今日返尖沙咀，所以佢冇送我返工。。。

返到鋪頭一直都冇停過，除咗要執返好間鋪外，仲要有貨返，跟住又要應付啲客，一人分身幾個角色，遲早都有精神分裂！結果今日真係做錯嘢。。。幸好 Christie幫我搞返掂，如果唔係都唔知點！或者因為響到做咁耐，我從未試過犯咁嘅錯，Christie都好愕然咁問我今日做咩？係咪唔舒服？

其實今日呢個情況之前都有同事發生過，但最後都俾 Christie鬧到隻狗咁，所以今日佢好聲好氣咁同我講，仲要幫我趕工整俾個客，兼且叫我唔好話俾 boss佢哋知時，我真係好感動。。。

收工之後我收到低能仔 Whatsapp，佢過咗CB等我！食完嘢我哋就返去！今日我真係好攰，同好憫，所以當佢嫌我煩時，我真係完全唔出聲，我怕我又會好似上次咁發佢皮氣！有時唔出聲並唔係我嬲，我只係唔希望搞到唔開心收場！唔通咁都有錯？？




 

分類: 我們的生活點滴
 [ 訪客留言(0) ] [ 編輯日誌 ]


« | 353 | 354 | 355 | 356 | 357 | 358 | 359 | 360 | 361 | 362 | ... | 384 | »