jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：35028 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ August 2026 ›»
SMTWTFS
1
2345678
9101112131415
16171819202122
23242526272829
3031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 28
累積人氣： 35028
RSS Feed
2013 年 12 月 18 日  星期三   晴天
生病了。。。
今日真係好凍好凍。。。凍到要鬧鐘響幾次都唔願醒，好想喱響張被到唔出嚟，我好想冬眠呀~(*+﹏+*)~

搭車嘅時候，低能仔就放學，佢打嚟陪我傾咗一陣我就返工。。。不過有人病咗，陰公豬！下晝佢上咗嚟揾我，見到佢病到無晒精神，真係戥佢辛苦，都係嗰句“我寧願我辛苦，都唔想佢辛苦！”

今晚佢收咗工就上咗嚟接我，食完嘢我地就去咗買“維多c”，因為個衰人唔鍾意食藥，想佢快啲好番，唯一可以做嘅就只有呢啲。。。希望呢隻嘢佢真係乖乖哋飲咗去，亦希望呢隻嘢可以令低能仔快啲好番！其實只要佢健健康康，我做乜都冇所謂。。。

買完嘢行咗一陣 sogo supermarket，我哋就返去。。。今晚我哋都冇乜講嘢，佢病到冇心機講嘢，而我就攰到唔想講嘢。。。但我依然好感動，當你唔舒服到咁，都堅持接埋我先返嚟！你聽日唔好接我喇，去完西環就好返屋企休息喇，知嘛？！






 

分類: 我們的生活點滴
 [ 訪客留言(0) ] [ 編輯日誌 ]

2013 年 12 月 17 日  星期二   晴天
差。。。。
今日要面對嘅嘢真係好多。。。心情起伏得好大！或者因為咁，我突然又抖唔到氣~(*+﹏+*)~食咗啲藥感覺好咗啲，但依然都係唔舒服！

低能仔今日考完試，就去咗鍊骨，然後就返咗嚟揾我，不過佢等車等咗好耐先返到嚟揾我，所以佢心情唔太好，而我亦因為今日嘅事，心情都好差。。。

當佢知我發生乜嘢事後，佢由原本心情好差，到最後就掉返轉不停氹我，呢樣係令我唯一感到温暖嘅一刻，如果唔係我都唔知點支持落去。。。

今日心情真係唔多好，我已經唔想再打落去喇！

經過今晚這件事後，
你對我的愛會否減少了？
但我依然會將最好的留給你。。。

分類: 我們的生活點滴
 [ 訪客留言(0) ] [ 編輯日誌 ]

2013 年 12 月 16 日  星期一   晴天
加油呀
低能仔今日考試，朝早嘅時候打嚟叫醒我去食早餐(*¯︶¯*)搞掂晒啲嘢後，我就買定早餐等佢嚟，嘩！！個收銀唔使我講要乜，已經自己入晒單。。。即時0晒咀^_^||食完嘢有人送埋我返工，今次仲要係送埋我上鋪頭添，真係好温馨(^3^)

收工後同低能仔剪完頭髮、食完嘢就返咗屋企一齊睇電視，我夢想中嘅生活今晚終於可以實現喇！雖然好似係好簡單嘅一樣嘢，但我真係覺得好幸福。。。我一直好想攬住鍾意嘅人一齊睇電視，我好想除咗可以用我嘅心、用我雙眼去感受佢嘅世界外，我亦希望佢都一樣可以♡

低能仔，唔知你會唔會覺得我對你考試嘅要求好似坷刻咗啲呢？其實我真係好想你可以盡你最大努力去考好個試，我想你明白讀書雖然唔係求分數，但響呢個社會裡，你無一定嘅分數，even你幾有才華都好，你都冇可能做出啲咩成績，所以我先咁緊張你嘅成績。。。因為就算將來你身邊嗰個唔係我都好，我都一樣希望你好，將來條路會行得舒服啲(^3^)應承我，你一定要加油呀！
 

分類: 我們的生活點滴
 [ 訪客留言(0) ] [ 編輯日誌 ]

2013 年 12 月 15 日  星期日   晴天
老婆
唉，，，開心嘅時間總係過得特別快，又嚟到星期日喇！聽日又要返工，有種好似要上路嘅感覺-_-///

我隻鬆弛熊今日要返工，而我就乖乖哋冇街，響屋企瞓咗成日！朝早個低能仔 Whatsapp我，同我講 miss u♥ 一瞓醒就見到呢個 msg，感覺就好似佢響我隔離咁。。。隔咗一陣仲收到佢嘅電話(*¯︶¯*)低能仔，我好開心每朝早一瞓醒就見到你嘅 msg，收到你嘅電話！你知唔知其實我最期待嘅係，每朝一瞓醒睜開眼見到就係你？！

聽日佢要 exam，所以今晚佢要温書！原本我叫佢今晚收工唔好返嚟揾我，但個傻人堅持要陪我一陣。。。如果你因為我而考試考得唔好，我都唔知點算好呀~(*+﹏+*)~

今晚佢返到嚟陪咗佢去食嘢，有人陪我睇咗一陣 on call 36 II，我哋就一齊返咗屋企，途中有人叫咗我一聲老婆♥原來俾自己鍾意嘅人叫自己做老婆，種感覺好温暖。。。唔知你又有冇叫過第二個人做老婆呢？？

原本今晚係我幫佢鍊骨，結果變咗我隻 relax bear幫我 relax... 超c服！我係嗰啲好怕人鍊我嘅人，但佢偏偏令我感到好舒服(*¯︶¯*)低能仔，多謝你咁攰都幫我鍊骨呀，愛死你！

你要應承我俾心機考試，如果你真係考到個 A嘅話，我就。。。。。。諗到再話你知啦，哈哈！


 

分類: 我們的生活點滴
 [ 訪客留言(0) ] [ 編輯日誌 ]

2013 年 12 月 14 日  星期六   晴天
當鬆弛熊遇上鬆弛熊時
今日我同佢都休息。。。有人今日帶咗我去 TST 睇鬆弛熊，同去咗 K11食 Agnes b cafe兼且行 Agnes b 新開嗰間嘢！低能仔，多謝你帶我去睇啲我鍾意嘅嘢，特別係我的鬆弛熊帶我去睇鬆弛熊(*¯︶¯*)兼且今日仲有真假鬆弛熊同我一齊影相，我哋影咗好多全家福，哈哈。。。我哋去完尖沙咀後，就返咗落銅鑼灣食飯，今晚我同佢去咗食別府，第一次我可以自己食晒一碗粉↖(^▽^)↗好好味呀！！

今晚有人帶我去銅鑼灣地帶，途經一間鋪頭見到好多低能仔（鬆弛熊）響到，好靚呀！其中有一隻係攬住個♥上面寫住 I Love You∼點知有人話不如買咗去，當聖誕禮物(*¯︶¯*)不過我冇要到。。。因為我唔捨得要佢洗錢，其實同佢一齊我已經好開心，加上佢肯陪我睇啲我鍾意嘅嘢，我已經覺得好滿足，所以我睇完已經當佢送咗俾我！況且我床頭已經有一隻佢送俾我嘅“笠住底褲的低能仔”陪我，一隻已經好足夠喇！我只係想再陪我瞓嘅，以後都唔係假嘅鬆弛熊，而係真嗰隻鬆弛熊。。。








 

分類: 我們的生活點滴
 [ 訪客留言(0) ] [ 編輯日誌 ]


« | 352 | 353 | 354 | 355 | 356 | 357 | 358 | 359 | 360 | 361 | ... | 384 | »