jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34316 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 43
累積人氣： 34316
RSS Feed
2013 年 11 月 27 日  星期三   晴天
智慧牙。。。
唉，今朝早餐完全食唔到！因為出智慧牙痛得好緊要，痛到嘢又食唔到，仲要痛到連頭都跟住一齊痛。。。我未試過咁乖自己走去買涼茶飲，仲要買咗兩支早晚飲-_-///

今日好早就食飯，因為個新人好唔得，所以我襯俾較靜嘅時候，就去食飯先，咁就可以用夜晚嘅時候追返啲生意！如果唔係咁，生意應該創新低~(*+﹏+*)~

今晚低能仔放學之後要做 project，做到好夜先走，但個傻佬仍然趕嚟接我、同我食飯！今晚凍咗好多，食飯嘅時候有人唔俾我飲凍嘢，要我飲熱檸茶，嗰一刻好 warm，兼且從來冇人試過咁對我！不過因為智慧牙痛嘅關係，今晚我都係食得唔多嘢，但其實我好肚餓~T_T~究竟幾時先好返？？

仲有兩日就可以同低能仔睇演唱會，好期待可以同佢去睇佢鍾意嘅嘢。。。我好想見到佢開心嗰個樣(^3^)希望可以同佢做更多唔同嘅嘢，我希望可以同佢儲更多更多嘅回憶！











 

分類: 我們的生活點滴
 [ 訪客留言(0) ] [ 編輯日誌 ]

2013 年 11 月 26 日  星期二   晴天
有人
今日返工得我一個，幸好生意都算可以。。。其實得自己一個返工，壓力都幾大，好怕會冇生意！！

今日有個傻佬知得我一個人，放學嘅時候，上咗嚟鋪頭陪我！呢個傻佬傻得好可愛，令我好愛好愛佢！佢陪到我六點幾，佢就返咗西環揾佢家姐！

今晚我可以準時收工，不過有個大頭蝦又跌嘢，所以冇上嚟接我！而我就去咗買咗樣冇人送過俾佢嘅嘢佢。。。我真係好想佢會鍾意！買呢樣嘢俾佢，其實俾起之前買任何一樣嘢俾佢更覺幸福，因為呢樣都算係一件貼身用品！能夠揀頸巾俾自己鍾意嘅人，真係好幸福！原本我想自己織一條，但可惜依家呢份工真係冇乜時間剩，等得我織完應該已經係夏天喇！

買完嘢行咗去揾佢，見到佢好無奈嘅樣，我都唔忍心話佢唔小心，佢都係為咗趕嚟接我而唔見咗部嘢！相反係我唔知點至真，如果唔係因為我就唔會唔見。。。。對唔住呀低能仔！

揾咗成晚都揾唔返部嘢，連西環巴士總站都去埋，一樣都係冇~(*+﹏+*)~我知佢好唔開心，但佢依然顧及我身體，佢一直唔夠膽行咁快，佢怕我又會抖唔到氣，多謝你咁細心，多謝你咁愛我！我諗呢句說話應該係我同你講至真（難得有人待我這麼好，如此照料周到！）

可以嗲你食雪糕、可以有人餵我食雪糕、可以有人同我share一碗牛肚，仲要有人本身唔多食牛，都願意同我食，我仲可以有乜嘢要求？唯一可以講嘅係，你地唔好約我飲嘢喇！我應承咗有人唔去飲嘢。。。因為我在乎呢個有人！！





 

分類: 我們的生活點滴
 [ 訪客留言(0) ] [ 編輯日誌 ]

2013 年 11 月 25 日  星期一   晴天
等。。。
今日都係好攰。。。放兩日假返去又執到隻狗咁！點解唔可以手尾好啲？？唉。。。

今朝十點幾就收到低能仔 Whatsapp，有人陪我食早餐(^3^)出到 CB我再去買埋藥膏先返工，搞到差啲遲到∼不過幸好趕得切啫！

忙咗一朝，到差唔多5點先食飯，今日好特別，有人陪我講住電話食飯↖(^▽^)↗但可能大家溝通有問題，所以我哋根本唔知對方想收線，搞到大家都有啲唔開心！！

今晚佢冇等我收工，佢唱完歌之後，就返咗去先！其實咁都幾好，起碼唔使佢咁攰仲要等我，佢返去就可以休息吓，我唔捨得佢拎住個咁重嘅袋，仲要企定定咁等我。。。咁樣其實佢好辛苦！我知道佢係因為愛我先無條件咁等我，多謝你！

其實你真係可以唔使等我，見到你個樣咁攰，我真係唔忍心！我情願你休息多啲。。。




 

分類: 我們的生活點滴
 [ 訪客留言(1) ] [ 編輯日誌 ]

2013 年 11 月 24 日  星期日   晴天
先苦後甜
今朝我冇同爸爸去食早餐，一瞓瞓到十二點幾，起身食咗啲嘢後，我又再瞓過。。。天氣開始凍，真係好∼我最鍾意天氣凍嘅時候，著住件吊帶衫，然後再攬住張被瞓嗰種感覺，真係好舒服(*¯︶¯*)

呢幾晚不論係我收工後，還是低能仔收工後，我哋食完嘢就返咗佢屋企，我好鍾意呢種二人世界嘅感覺！雖然以前我哋多數都係響屋企過，但嗰時嘅幸福同依家好唔同。。。依家温馨好多！依家可以光明正大咁嗲吓佢，我真係真係好enjoy♥

低能仔，你知嘛？當今晚我瞓著咗嘅時候，你走埋嚟攬住我、錫我，我真係覺得自己係最幸福嘅人，我可以有你咁温柔叫醒我，係我一直希望嘅嘢！每次當你攬住我瞓嘅時候，其實我都會瞓得特別舒服，我 enjoy俾你攬住我，我 enjoy俾你好温柔咁叫醒我，我 enjoy你為我做嘅一切一切！能夠擁有你係我一生中最大嘅幸福。。。我愛你！！520你還會跟我一起嗎？？

分類: 我們的生活點滴
 [ 訪客留言(0) ] [ 編輯日誌 ]

2013 年 11 月 23 日  星期六   晴天
肥妹~(*+﹏+*)~
星期六。。。星期六。。。放假喇↖(^▽^)↗不過今朝俾返工時更早起身，因為約咗姑姐濕平(^3^)

尋晚有舊排骨陪我陪到3點幾（因為有人今朝叫我肥妹( ^)o(^ )所以叫返佢做排骨好貼切！）今朝9點幾打嚟叫醒我起身，so sweet♥搭車嘅時候，因為太多人，所以冇位坐！點知到啲乘客落車時，低能仔竟然話『肥妹，行過嚟啦！』唉。。。我要減肥！！我以後收工都唔食嘢喇~T_T~

今日其實我好幸福，朝早低能仔陪我食完早餐，我送佢去公司樓下！下晝我響佢公司樓下等佢食晏，然後又送佢返去♥♥未試過咁幸福∼我要嘅幸福真係好簡單，就好似依家咁，兩個人雙眼只係得對方，兩個人嘅幸福亦只係對方先能夠俾大家♥

同低能仔食完飯，原本諗住等埋家姐收工，但有人唔想我自己響街，因為怕我會抽筋同哮喘。。。所以我都好聽話咁返咗去！本來想今晚整蛋膠俾佢食，不過返到嚟食咗藥超攰，一瞓瞓到成七點。。。好眼瞓呀(~O~)zZ

世界將我包圍 誓死都一齊　
壯觀得有如 懸崖的婚禮　
也許生於世上 無重要作為　
仍有這種真愛會留低　
(仍有這種真愛耀眼生輝)　
我已不顧安危 誓死都一齊　
看不起這個繁華盛世　
縱使天主不忍心我們如垃圾般污穢
抱著你不枉獻世

Icy今日辭咗職，我覺得真係好可惜！收到佢個 Whatsapp後，我覺得好感動架！其實同佢一齊返工我覺得好開心，佢係一個好鍾意笑嘅女仔，而且亦係一個好有 heart嘅人，佢好用心咁去學、去做，但始終收錢、埋數都係一個問題。。。返咗幾日錢，佢賠錢賠到傻！我諗以後冇咗佢，時間應該都幾難捱∼唔知下一個新人又會係點呢？？






 

分類: 我們的生活點滴
 [ 訪客留言(0) ] [ 編輯日誌 ]


« | 356 | 357 | 358 | 359 | 360 | 361 | 362 | 363 | 364 | 365 | ... | 384 | »