今日條腰仲痛過尋日。。。唔知關唔關尋晚瞓得唔好事呢？
尋晚我同佢唔係太開心，我終於將自己嘅感覺講晒俾佢知，我知道如果我再唔講出嚟，我同佢根本唔可能再繼續落去，就算我有幾愛佢都好，都冇辦法再行落去！雖然只係用 Whatsapp同佢講，但講完之後，我的確感到輕鬆咗啲！
尋晚成晚不停發住同一個夢，搞到瞓得一啲都唔好，呢個簡直係惡夢嚟。。。我好怕好怕會夢境成真，我好怕到最後只係剩番我一個！究竟現實中又會唔會係咁呢？醒咗之後，見到低能仔個 msg，其實我已經冇嬲！我只係希望佢知我諗乜，希望佢知我想要啲乜！
今日食完嘢我去咗睇醫生，條腰痛得好緊要。。。因為就連一瞓響張床到都感覺到好痛，醫生話係孕帶發炎，要我除咗食藥打針外，仲要盡量休息！
食咗啲藥成個人都集中唔到精神，攰到不得了！原本下晝約咗低能仔去街，但佢見我條腰咁痛，就叫我休息一吓，所以我響屋企喪瞓。。。不過難得佢今日放假，我都陪唔到佢，覺得好無奈！！低能仔，對唔住呀！
耿耿於上次太絕情
殘留全是冷漠佈景
糾結故事極難忘
難忘愛你但我沒承認
都只因上次太忘形
誰人才重要未看清
應有對白被遺忘
遺忘半句道歉沒說清
若是幸運地展開續集
讓我學會把握
日夜背誦陌生的獨白
讓態度也掌握
只要可跟你再遇見
傷過的會珍惜每刻
從頭開始多多一次靠你我來重演
多多一集上集就如排練
就讓劇情緩緩改變
從頭飾演 飾演一個更信愛情人選
相戀之道上集未能完善
耗盡熱情重來一遍
仍然是我 或會倔強一點
但未會想 像上回被討厭
只想這一次愉快 能成為最主線
（只想這一次和你 能同行到終點）
當呼吸是照舊無常
前行仍舊遍地雪霜
當四季尚在場時
能懷抱你是最大理想
現實是混亂間分別後
沒有力氣再走
現實是日夜只懂念舊
沒有辦法放手
只妄想跟你去避世
風再急可捉緊你手
忘記危殆畫面
第二次學脫險
趁機可清理太多缺失
太多的虧欠
忘記暴雨畫面 第二次望向天
總可雨過晴天
何時開始 多多一次看你我如何演
多多一部續集用來如願
命運或能完全改變
然而現況是各自各一邊
但願有天會真的跟你
結識暗戀熱戀多一遍
期盼來到這天
遺憾橋段可變
時間場地改變
唯獨人物不變
分類: 我們的生活點滴 |
