今日終於都休息了，但都依然好早起咗身，好似已經習慣咗返工時間咁。。。唉，我想瞓覺，我想瞓到自然死%>_<%
呢排瞓得一啲都唔好，隻腳好痛好痛！尋晚仲要發夢都夢到自己腳痛，結果真係痛到醒咗。。。估唔到只係返咗5日，個舊患竟然咁快翻發！！
晏晝同婆婆飲完茶，就出去揾 fung，同佢行行吓突然哮喘發。。。好彩Fung響到，佢即時同我去睇醫生。唉，一轉天氣就會咁，又要去探靚仔醫生，佢話幸好早去睇醫生，如果唔係相信好快就響瑪麗醫院見我，因為佢相信如果唔係我應該又要插喉聞氣-_-///
食咗啲藥我成個人好攰，而且仲吽吽哋。。。今晚見到低能仔時，我攰到冇朋友。。。起初唔諗住話俾佢知，我怕佢擔心我！結果佢問多兩問，我就講晒俾佢知。。。
今晚佢依然有去唱歌，我知道佢要去唱嘅時候，我有諗佢會唔會好快就揾到另一個需要佢嘅人？其實佢要識另一個真係唔難，相反要我去愛上另一個就真係一件難事！突然諗番呢兩日佢哋wechat嘅留言，其實我係咪要學識唔咁緊張一個人，我就會過得開心一啲？我冇咁在乎佢，我又係咪會幸福多一啲？還是好似佢地所講，選擇另一個我就會唔使再怕失去佢？
其實我真係一個好簡單嘅人，我唔使我身邊嗰個好有錢、好靚仔！我只係想佢可以俾到我安全感，個心得我一個就得。。。我愛你，我真係好愛你。。。我怕失去你！
你要去難道我追
追得到我共你都太累
我只想跟你做對
最穩固伴侶（最相愛伴侶）
你眼裡又有她 你吻裡又有她
終有天守不住嗎
我勝過十個她 我有勝利過嗎
慘過放心輸掉嗎
愛到擔驚受怕
全球有影迷的你
可愛得太可怕
仍然在發著惡夢有人搶去你
絕望到給你趕到感情的絕地
我不服氣 拿著兵器
沒有空放低兩手來抱緊你
從來沒發現我亦有權不愛你
大半生也提防著某君進攻爭奪你
到最尾我勝利 放低兵器
回頭望共對手都輸光了力氣
大概勝出的是你
是愛讓女人一敗塗地
