jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34280 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 7
累積人氣： 34280
RSS Feed
2013 年 9 月 28 日  星期六   晴天
懲罰
今朝瞓到8點幾，低能仔打嚟叫醒我去食早餐，落到大快活“有人”已經揾定位，買定早餐俾我食喇！食完嘢，我送佢去搭車之後，我就買埋嘢就返屋企喇！So sweet....

晏晝同媽咪食完嘢，我就響香港仔行咗一陣！呢排每行過一間CD鋪，我都會入去問有冇“YOUR LOVE”呢隻CD，因為低能仔想揾好耐，但週圍都冇。。。剛好今日香港仔嗰間可以訂到呢隻碟，我諗都冇諗就即時訂咗先↖(^▽^)↗希望佢鍾意啦！！

夜晚佢收工之後，又俾另一個 surprise我。。。今次係手機爆mon~T_T~如果拎去sony 整的話，應該會好貴！唯有要佢去188問吓會唔會平啲！唉。。。我都費事再話佢，唯一可以做嘅就只有接受！兼且俾咗個小懲罰俾佢。。。目的只係希望佢會記得呢個教訓，以後就會學識小心啲！

低能仔，希望你以後可以凡事小心！我唔係成日都響你身邊，假如你身邊以後沒有了我，又或者我唔再響到，咁你又點算？唔好令身邊嘅人擔心你，好嗎？？
 

分類: 我們的生活點滴
 [ 訪客留言(1) ] [ 編輯日誌 ]

2013 年 9 月 27 日  星期五   晴天
平常♡
尋晚同Cherry傾電話傾到四點幾，傾咗好多好多嘢。。。當中包括低能仔尋晚同我講嘅嘢！

原來響我同低能仔分開嗰晚，當我走咗之後，佢打過電話俾“她”，話俾“她”知我已經同佢分開咗！而“她”嘅反應令我0晒咀。。。低能仔仲話再見番“她”之後，感覺好似好耐冇見過佢，兼且覺得幸好佢冇暴肥或者暴瘦，即係她冇為咗佢而變成咁，講到呢到低能仔喊咗出嚟！我竟然開始猶豫係咪因為“她”當晚所講嘅一切，所以先令低能仔選擇嗰個係我？？

Cherry問我，依家“她”再一次響我同低能仔之間出現，我有冇驚嘅感覺？原來我已經無咗驚嘅感覺，我再無好似之前咁，反而我覺得有啲攰！我知道假如佢真係想再同返“她”一齊，今次我一定會放佢走！Cherry話識我咁耐都冇見過我好似依家咁，其實咁樣可能係一件好事∼平常♥

今晚同 Cherry食完嘢，我就去咗揾低能仔，陪佢食完嘢，我哋就返咗去，佢一直陪住我陪到十點幾！食緊飯嘅時候，佢突然問我 Fung今日有冇揾我？我亦好坦白咁答佢“有！佢今日依然有速遞嚟！”佢聽完之後，只係問咗一句“乜唔係送到26号咩？”之後就再冇出過聲！佢嘅反應令我覺得佢好似當日嘅我，以前每次聽到佢講“她”嘅嘢時，我嘅反應同佢今日嘅係一模一樣！今晚佢仲問咗我一個問題，“妳會唔會有一日唔要我？”我好想答佢我唔會，但。。。。佢又可以咩？？避免失望的最好辦法，就是不寄希望於任何人、任何事。

返到屋企，收到 Elmas嘅 msg，好 surprise。。。。雖然大家只係簡單幾句，感覺仲好似有啲陌生咗添！或者大家真係太耐冇 contact，突然諗起一句說話“人一走，茶就涼！”好掛住返工嘅日子！
 

分類: 我們的生活點滴
 [ 訪客留言(0) ] [ 編輯日誌 ]

2013 年 9 月 26 日  星期四   晴天
信任
尋晚低能仔10點就返咗嚟揾我！但我見到佢嘅時候，我一句都冇問過佢哋點。。。只係個腦一直徘徊住 Fung 嘅說話。其實 Cool 魔係咪真係可以變 Sam 哥呢？我發現原來我唔夠膽奢望有呢一日，我怕希望越大失望越大。。。

尋晚我預咗佢唔會再返嚟揾我，可能因為之前佢都係咁，每一次我對佢有期望，最後都係失望。我唔夠膽去相信佢好愛我，或者呢個係信任嘅問題，我只知道我再需要啲時間先可好似以前咁100％信任佢！尋日同 Cherry傾計時，我同佢講今次係我俾低能仔最後一次嘅機會，我可以原諒佢犯同一個錯誤無數次，但我原諒唔到自己俾同一個人傷害無數次！假如結果都係一樣，我亦冇必要再留低，我寧願我痛、我難過甚至不停流眼淚，我都唔想一次又一次糾纏落去！亦因為咁 Cherry所教我嘅嘢，我一樣都冇做過，我唔要用咁樣去留住一個人，咁樣先可以留住佢，我情願唔要！！

今日出咗觀塘整嘢，好耐都冇嚟過呢到，好掛住呢到嘅所有人同物！呢到亦帶咗好多開心嘅事，與及陪我捱過咗我同肥僑分開嘅日子，返到嚟感覺特別多！Elmas, Mandy & Avvy可以話係我好重要嘅人，佢地教識咗我好多嘢！我記得當日我之所以會嚟 Luna做，係Mandy 響我舊公司叫我過去，要揾一個完全唔食 cheese cake嘅人去 sales，其實都好冒險，仲要將鋪頭交俾你打理，兼且放手俾你 train 啲新人更加難以想像！佢哋三個真係俾咗好多嘢我，亦令我知道我哋唔止員工同 boss嘅關係，而係朋友！

返完舊公司，我就去咗揾低能仔，當低能仔拖住我行嘅時候，我遇到 Fung，佢嘅表情我識佢咁多年從未見過，我以為經過今次佢應該會放棄，我冇諗過佢今晚打嚟竟然……依家嘅佢又似唔似我對低能仔嘅執著呢？我覺得佢真係好傻，但其實我自己咪又係一樣！

 

分類: 我們的生活點滴
 [ 訪客留言(0) ] [ 編輯日誌 ]

2013 年 9 月 25 日  星期三   晴天
忐忑


今朝醒咗見唔到有低能仔 whatsapp，我覺得好失望！或者因為呢排我日日瞓醒都見到佢 msg，所以今朝見唔到我好唔習慣，加上今日成日個心都唔舒服，因為今晚低能仔就要出去見“她”……

晏晝我約咗 Cherry，Cherry問我點解今晚唔跟低能仔一齊出去，又或者晏晝見佢嘅時候，唔好俾啲藥膏佢住，等佢今晚返嚟先拎俾佢！但我冇聽佢講，我始終都覺得咁樣好過份！如果要咁樣先可以留住一個人我寧願唔要喇。。。。

見完 Cherry，我返咗去揾低能仔，低能仔同我講叫我唔好亂諗嘢，假如佢真係未揀定嘅話，佢就唔會日日都返嚟陪我！我知道我應該相信佢，只不過相信係一件事，而忐忑不安又係另一回事！如果成件事掉番轉係我同 Fung，我諗低能仔會明白我諗緊乜，忐忑啲乜！

Fung 今日響日本返咗嚟，今朝亦如常有花收！夜晚佢仲過咗嚟揾我，我有話俾低能仔知，不過我就冇出到去！我寧願自己響屋企等佢返可能時間難過啲，我諗應該會開心過出去！低能仔，你幾時返呀？

假如人生不曾相遇，我還是那個我，偶爾做做夢，然後，淹没在這喧囂的城市裡。我不會了解，這個世界還有這樣的一個你，讓我回味、讓我心醉。假如人生不曾相遇，我不會相信，有一種人可以百看不厭，有一種人一認識就覺得温暖。

分類: 我們的生活點滴
 [ 訪客留言(0) ] [ 編輯日誌 ]

2013 年 9 月 24 日  星期二   晴天
堅持。。。
今朝瞓醒好似好咗好多，已經冇乜流鼻水同咳，只係仲有啲燒同埋好攰。。。

仲有20日就飛沙巴喇！其實仲有好多嘢未買，原本諗住買張沙巴嘅無限上網咭過去，但其實有冇必要呢？或者冇得隨時隨地上網會好啲嘅。。。不過我又會唔會唔習慣呢？

今日晏晝約咗低能仔響灣仔，佢要響298買嘢，而我就響付近等佢！等佢買完嘢，就陪咗佢去食嘢，跟住就去咗188！不過就好似佢有佢行，我有我行咁，因為佢上咗188揾朋友，每一層都有佢識嘅人-_-///我唯有一路行一路等，直到佢上到2樓再揾另一個朋友時，我whatsapp 佢我自己走先，嗰一刻我真係有啲憫憫哋，但又唔係發皮氣，只係食咗啲藥先係咁！兼且我覺得嗰一刻自己走先可能會好啲，咁佢就可以慢慢傾，唔使顧慮仲有個我企咗響到等佢！

返到嚟見到 Fung今日嗰扎花，響到諗點解會有人咁好心機每日一扎花？佢嘅堅持的確令我有啲感動，我感覺到佢對我真係好好，突然響到諗Fung對我嗰種好，唔知似唔似我對低能仔咁呢？我對低能仔嘅愛，又似唔似 Fung咁對我呢？

今晚低能仔上咗嚟陪我，佢一見到我就同我講叫我唔好嬲！因為 “她”今晚揾佢聽晚去表演！聽到嘅時候，我真係好唔舒服，我唔知聽晚過後，我同佢會唔會變得唔再一樣？我亦唔知佢係咪已經揀定咗？突然好驚一切都會隨住聽晚而完結，雖然我係怕。。。但我冇叫佢唔好去，始終呢個係佢嘅選擇，而我亦只能夠信任佢、支持佢！

低能仔，你聽晚要比心機！一定要為自己鍾意做嘅事用盡全力去做，為自己鍾意做嘅嘢堅持落去，知嘛？！
 

分類: 我們的生活點滴
 [ 訪客留言(0) ] [ 編輯日誌 ]


« | 368 | 369 | 370 | 371 | 372 | 373 | 374 | 375 | 376 | 377 | ... | 384 | »