jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34258 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 51
累積人氣： 34258
RSS Feed
2013 年 8 月 29 日  星期四   晴天
sick.... sick..... sick.....

I will always be with you

Always be true

Love will bring me close to you

I will always be with you

Always be true

Some dreams will never come true

always be cool

I will always be with you


今朝一起身，個頭同喉嚨勁痛，周身都冇晒力，我應該瀨嘢喇！結果今日請咗S/L -_-///
7點起身食咗啲感冒藥 & 請埋假後，我就再瞓番，瞓到10點幾低能仔 Whatsapp 我先起身。當佢知道我請咗假後，佢話晏晝返嚟後，想見一見我(^3^) 或者因為佢好少咁講，所以聽到真係好開心！！
晏晝去咗睇醫生，醫生話我燒到102.2度，有啲細菌感染加埋喉嚨發炎，要我打支針先可以走~T_T~睇完醫生，低能仔打電話俾我，話差唔多返嚟↖(^▽^)↗我響香港仔買埋嘢之後，就返嚟等佢！
一見到佢，佢就話有份禮物送俾我！原來個低能仔走去買咗支涼茶俾我，好窩心∼呢樣係佢第一樣送俾我嘅嘢(^3^)我冇估過佢會走去買支涼茶返嚟，因為佢今朝約咗佢屋企人，跟住又要趕住去拎手提電腦同買返工用嘅嘢，然後仲要趕返嚟返工。
低能仔，多謝你支涼茶呀！多謝你對我咁好，多謝你令我咁窩♥、咁幸福……縱使對好多人嚟講呢啲係微不足道嘅嘢，但對我嚟講呢份♥意卻俾任何嘢來得珍貴，幸福原來真係可以咁簡單！不過支野就真係唔多好飲>.<
佢臨返工前我陪佢去咗大快活食下午茶，佢又拎上次佢幫我影嗰張即影即有出嚟，超樣衰囉……到最後我拎咗張n年影嘅相同佢交換番嗰張即影即有-_-/// 而佢亦送咗第二份禮物俾我∼佢張學生證，wakaka.... love u so mych!

謝謝你 給了我這些日子的依靠
謝謝你 給了我那些美好的回憶
謝謝你 對我所說的每一個承諾
謝謝你 寵著我愛護我縱容著我

分類: 我們的生活點滴
 [ 訪客留言(0) ] [ 編輯日誌 ]

2013 年 8 月 28 日  星期三   晴天
今次
今天 我要去愛你愛你
天真都要試
一天 發覺有剎那永遠
以後 或會變遷
天天 太快過更要痛快
到美麗時只覺得很美
有沒有意義 都相信一切到最終或者得一次
今天 我要去愛你愛你
天真都要試
一天 發覺有剎那永遠
這樣就算相依
天天 太快過更要痛快
看故事從不需要知終結
有沒有意義 都相信一切到最終最多得今次
 
 
低能仔, 希望你認真聽呢首歌, 係一定要一定要聽呀!!!

今朝起身嘅時候，開始有啲咳同喉嚨痛，而且仲好攰……

尋晚低能仔收工後，約咗朋友食飯！佢9點幾嘅時候打過俾我，望到來電顯示，我有啲愕然！因為我一直以為佢係約咗“她”，我冇諗過原來我會錯意，佢約嘅係“他”……

尋晚佢11點左右返咗嚟陪我，個低能仔一直響到講佢返工嘅嘢，見佢越講越開心，我知佢好 enjoy 呢份工，我見到佢咁開心，我都不自覺將我嘅唔開心都唔記得晒喇！依家佢轉咗呢份工，佢見嘅嘢自然會多咗，識嘅人除咗多咗之外，生活圈子亦自然唔同晒，唔知我哋之間嘅距離會唔會再一次拉遠呢？我好怕會再一次失去佢∼可能因為我覺得最近同佢見面時，種感覺唔同咗有關……

今日我同咗低能仔出咗去買嘢，佢終於都買到 tablet 喇！好野~^O^~佢生日唔使諗送咩生日禮物俾佢↖(^▽^)↗雖然呢部唔係佢之前想買嗰部，但我諗佢揀得呢部，佢應該都鍾意啩？！低能仔，我好想你開心，我好想見到你笑， 我唔係要用呢啲嘢嚟留住你“其實我好怕你都會咁諗” 只係我知道我哋最終一日都會分開，我想響呢段時間裡，將對你最好嘅而又響我能力範圍內嘅我都俾你，你明唔明呀？

陪佢買完野之後，我就去咗揾 Cherry & gel nail 後就返咗屋企，個頭勁痛……食咗止痛藥就瞓著咗，不過瞓醒之後個頭都一樣咁痛，啲藥好似冇乜用咁-_-/// 每逢唔c服我都會特別掛住佢！低能仔，I miss u so much ar....


分類: 我們的生活點滴
 [ 訪客留言(0) ] [ 編輯日誌 ]

2013 年 8 月 27 日  星期二   晴天
不在狀態……

尋晚收工之後，我落咗銅鑼灣等低能仔，佢放咗學之很就落咗灣仔，加上尋日又 delay，我成6點40分先走~T_T~見到佢都已經差唔多8點喇！不過尋晚我哋冇一齊食飯，只係一齊食糖水！


今朝低能仔陪我食早餐，而且仲陪我行落大街(^3^)今日佢就返新工喇！唔知佢返成點呢？我好想whatsapp佢，但我怕阻住佢，所以都係等佢揾我……原本我好想今晚等佢放工，但佢收工之後約咗朋友食飯，兼且佢今晚約咗“她”9點見面∼唯有自己揾節目↖(^▽^)↗


今日返工嘅氣氛好怪，個個都黑口黑面，好似屎老豆咁！我覺得自己好似去咗殯儀館做助護咁-_-///今朝一早老細已經逐個捉去照肺（除咗我……）由嗰刻起，成個 clinic 都超靜！面對住啲咁嘅環境，除咗做之外，我好想瞓覺∼唉，究竟幾時先放工？？？？


好唔容易先捱到食 lunch，不過今日 delay……因為個 new case遲到，結果點半先放-_-/// lunch時間總是過得特別快，眨吓眼又番靈堂開工…… lunch 嘅時候，女神同我講，好同事尋日俾人照肺後，做埋星期六就 say goodbye....變相我即係要再響呢到一段時間~T_T~ 其實我係咪應該轉行專心響呢行發展呢？突然對前面嘅路覺得好模糊咁……


今日成日心情都好down，成日都不在狀態，連續兩個 patients 我都唔記得帶 bib，要老細親自幫 patients 帶，老細笑笑口問我今日係咪唔舒服？幸好只係唔記得帶 bib 而唔係做錯其他嘢咋！不過返咁耐都未試過咁……唉，我好攰喇！！


放工嘅時候，響中環行咗一陣，順便四圍睇吓有冇低能仔想買嗰部機，但周圍都冇囉-_-/// 唉，今日好似做乜都唔順利咁，想揾部機都咁辛苦，究竟想點架？？？？？？？最後我去咗三聯買咗“我的低能之道”，其實我平時唔睇漫畫，但我諗我真係需要 relax …… I need relax！！


其實揀呢幾本書，究竟關唔關個作者事呢？哈，連我自己都唔知……

分類: 我們的生活點滴
 [ 訪客留言(0) ] [ 編輯日誌 ]

2013 年 8 月 26 日  星期一   晴天
My Monday

尋日低能仔收5點幾，收工之後佢自己落咗香港仔飲感冒茶，冇去到BB蕉，真係抵錫(^3^)(^3^)之後佢打番嚟，同我講佢返嚟同我食飯，可惜屋企已經煮咗我飯喇！佢叫我食完之後就打俾佢，佢返嚟陪我♥

尋晚8點食完飯就打俾佢，點知佢只係話“喂！我返嚟先打俾你！”收線之後，我諗緊佢係咪同“她”一齊呢？係咪“她”陪佢食飯呢？諗到呢到，我已經冇期望佢會早返嚟陪我！其實一直以嚟我咁少打電話俾佢，就係怕有呢種情況發生，我好怕聽到電話另一邊嘅佢態度冷淡，我好怕我會不停諗佢哋做緊啲乜%>_<%我更加怕我會諗究竟低能仔同佢一齊係咪幸福啲？而我為佢所做嘅嘢，又做唔做到佢心目中女朋友嘅模樣呢？

收咗線隔咗一陣就收到佢 whatsapp，佢好似知我諗緊啲乜咁，佢同我講佢同緊舊同學一齊！睇到個msg 我忍唔住笑咗出嚟，低能仔，睇完呢個 msg，我覺得你好似我肚內條虫咁，我諗乜你都知道咁>3< Love u so much....

尋日篇blog 收到 Cctv嘅留言，睇完之後，我諗咗好多嘢！

“ 我很妒忌他能夠擁有妳！希望他真的懂得珍惜妳，與及就像我愛妳一樣的好好愛妳。可是這並不代表我會放棄，因為我真的很愛妳，希望妳明白！ ”
Terry，雖然我唔知低能仔愛我會唔會俾你多？你妒忌低能仔可以擁有我時，我亦唔知低能仔又有冇因為擁有我而感到幸福過……不過我知道呢一刻，佢對我真係好好！好似尋晚落大雨，我哋兩個都濕晒，佢本身已經病緊，但佢第一個反應唔係抹自己個身啲水，反而係抹乾我身上啲雨水，兼且嗰一刻佢會怕我凍而攬實我，仲同我講千其唔好冷親，所以你可以放♥我相信我會幸福架！
今朝唔係太忙，仲有時間 whatsapp & wechat，十一點幾開緊工時，電話響到震，起初我以為係阿Fung，因為平時佢係最早揾我嗰個，點知係低能仔↖(^▽^)↗ so Sweet…… 返親工收到佢 msg都係我嘅推動力，哈哈……個低能仔今日仲 send 咗兩張自拍照俾我，久違了的眼鏡 look∼我好鍾意見到佢四眼個樣，因為我啱啱識佢嘅時候，佢就係帶眼鏡種感覺好親切！
尋晚我仲迫佢換咗佢個blog張 icon都係帶眼鏡嘅！我其實唔鍾意佢個 blog & facebook嗰兩張相，因為嗰兩張相都係“她”影架！特別係 Facebook嗰張，每次見到嗰張相我都會諗起嗰晚同佢搞到好唔開心……不過我冇要佢換咗 Facebook嗰張，始終我唔能夠咁自私，至於佢個blog嗰幅，因為我覺得我個blog好似已經變咗我同佢共同擁有嘅回憶，我好鍾意佢睇完都會留言俾我，就係因為好鍾意，所以我唔希望每次見到佢啲 msg時，都會見到嗰張相-_-///
原本聽日可以放假，因為唔係好多 patients，但臨收工時，老細同我講想我聽日都返工~T_T~全是我個好同事所賜……不過聽日返工都好，咁我就可以掉番轉等低能仔收工，依家佢晚晚都等我放工，聽日終於到我喇↖(^▽^)↗希望佢聽日返新工一切順利(^3^)(^3^)

分類: 我們的生活點滴
 [ 訪客留言(0) ] [ 編輯日誌 ]

2013 年 8 月 25 日  星期日   晴天
小日子

流連小小餐店裡 望大時代過去
浮沉小小沙發裡 讓大人物欷歔
沒有刻意選個日子 刻意討好誰
共你只要相愛 就不會心虛
來場小小的派對 倦極同時進睡
成為小小的愛侶
平淡裡 能多相聚 多相隨
都好過 共你像對 明星般 給尾隨
隆重已讓我 覺得疲累 成大器 其實無樂趣

“今晚食完飯，打電話俾佢後…… ”

尋晚12點幾就瞓，瞓到差唔多12點。今日醒咗就同屋企人出咗去，食完嘢就響香港仔行咗一陣，兼且買定“早餐”聽朝食，因為有人唔鍾意我食 subway，應該係唔鍾意我食人哋買嘅 subway，wakaka....

低能仔仲未好番，心痛屎我喇！！我又行咗去榮昇涼茶鋪，今次我冇買感冒茶俾佢，我見佢只係剩番啲咳，所以就問老闆娘，佢介紹我買“川貝雪梨茶”。雖然今晚佢出去，我亦唔知見唔見到佢，但因為佢今晚可能去打B爐 or BBQ，我怕佢玩完返嚟啲咳仲勁啲，所以買定放響雪櫃俾佢……


晏晝返到嚟，整埋啲嘢我又瞓咗，我知佢一定又會笑我好瞓得，嘻嘻……晏晝發咗個夢，我見到同低能仔去咗一個我好想同佢去嘅地方∼長洲！響夢裡面我好開心，同佢可以二人世界，佢拖住四圍行，而我就陪佢周圍影相……夜晚仲一齊睇星星，攬住佢瞓！但可惜只係發夢！其實我真係好想同佢去長洲過一晚，過一晚屬於我哋兩個人嘅二人世界，不過應該冇機會，因為過埋下個星期佢就要開始返學，我開始唔捨得佢嘅悠長假期完結喇！


分類: 我們的生活點滴
 [ 訪客留言(0) ] [ 編輯日誌 ]


« | 375 | 376 | 377 | 378 | 379 | 380 | 381 | 382 | 383 | 384 | »