一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：38540

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

日誌訂閱

尚未訂閱任何日誌

[ 訂閱此日誌 ]

我的好友

我的連結

•

日誌統計

文章總數： 1919

留言總數： 87

今日人氣： 7

累積人氣： 38540

2013 年 8 月 5 日星期一


	等……

還含著笑裝開心，

今宵的你可憐還可憫？

尋晚1點左右就瞓咗，瞓到今日下晝1點就俾佢個whatsapp叫醒咗↖(^▽^)↗我好鍾意臨瞓前收到佢嘅 whatsapp，同時亦好鍾意瞓醒嘅時候都收到佢嘅msg，嗰種感覺好幸福！

今日佢返3點，晏晝我上咗佢到陪佢，望住呢個好熟悉嘅環境，我竟然發現有種感覺我係遺失咗，就係久違咗嘅温暖…… 同佢兩個人響屋企，就算佢只係普普通通攬住我傾吓計，講吓東、講吓西，都會有種好窩心嘅感覺，我好珍惜呢種感覺！因為我知道將來我唔會響第二個身上揾到呢種感覺……

夜晚我約咗那些年食飯，唔知點解我好想見那些年之前見吓低能仔，好想佢係第一個見我著乜嘢裙、化乜嘢妝！所以臨出去之前，我入咗去買嘢……

一直我以為佢真係會緊張我同那些年出去，但原來唔係架！今晚我同那些年出去，佢冇揾過我，返到嚟一句都冇問過！如果真係緊張嘅話……

夜晚我去咗買件三文治食藥，我知道佢望住我，但我唔敢望佢！我好怕我一望呢個人就會有心痛嘅感覺，我好怕我又忍唔住響到諗，其實佢當我係咩呢？我好怕……

分類: 我們的生活點滴

[ 訪客留言(0) ] [ 編輯日誌 ]

2013 年 8 月 4 日星期日


	那些年？？

尋晚睇完林德華之後，食咗啲藥係咁瞓！我諗今日有一半時間都係瞓，除咗今朝起身收過速遞送嚟那些年啲花，同11點低能仔whatsapp我，我起過身之外，我一瞓就瞓到4點……

瞓醒之後，我過咗阿麻到，跟住帶咗阿妹落街買嘢食，唔知係咪食咗啲藥嘅關係，我今日有啲慢半拍！我見到低能仔嘅時候，我好開心架！但我笑唔出……個人好呆滯，我諗應該係食咗啲藥個人太攰！

今晚佢收7點，佢收工之後去咗剪頭髮，其實我估佢唔返嚟揾我架！但8點幾嘅時候，佢打返嚟問我響邊？仲問唔知低能妹今晚會唔會陪低能仔？聽到嗰一刻我好開心，因為我想見佢！佢食埋嘢就返嚟揾我，個低能仔返到嚟就whatsapp我，叫我響老地方等！

唔知點解每次見佢打老地方呢3個字，我都會響到傻笑，我記得我第一次見到呢3個字時，我猶豫緊老地方即係邊到？平時坐嗰到？定還是我屋企樓下個廁所門口呢？

今晚佢一見到我就問我聽晚係咪約咗那些年？兼且佢一估就估到今日啲花係那些年送俾我，佢真係好醒！今晚佢不停講起那些年，又話“唉！聽日啲人又約咗那些年喇！不過呢啲都係正常社交嚟嘅！”聽到佢咁講，我冇唔開心，亦冇覺得煩，相反，我覺得好開心！因為如果佢個心冇我，佢一定唔會咁講！所以聽到嗰一刻，我真係覺得好sweet！

返到屋企我整咗西米焗布丁，或者因為之前我將那些年啲花放咗上facebook，所以“好朋友”以為我同那些年應該好快響埋一齊，佢叫我試吓整甜品俾那些年食！其實我係咪要好似佢地所講接受那些年？係咪接受那些年，先會令到低能仔過得更開心、更幸福？如果真係嘅話，我唔介意為佢咁做！我真係唔介意……就算要我痛，我都唔再介意！

低能仔：其實我好想可以嗲吓你，我好想你可以氹吓我！我好想每晚都可以聽到你同我講 Goodnite, 我真係好想好想……

找不到人說心裡的寂寞
找不到人懂怕黑的折磨
找不到命中注定在一起的那個人
很多人都像我一個人過生活　
愛只有簡單筆畫卻比想像複雜
很安定愛變化我愛過幾個人也被愛過幾遍
卻還是沒能把幸福留下
愛是不可數嗎
為何我還相信
她不是獨行俠我在等一個人
在等我的永恒告訴我愛不單行
別害怕用不完身邊泛濫的自由
還是怕孤單是一種詛咒羨慕我能飛的人
為何在天黑以後還是寧願回到愛情那個枷鎖

分類: 我們的生活點滴

[ 訪客留言(0) ] [ 編輯日誌 ]

2013 年 8 月 3 日星期六


	想愛你

尋晚打完日記之後，成5點先瞓！其實已經好攰，但我依然死撐打埋篇日記先，因為我唔想 miss咗任何關於我同佢嘅一切！跟住一瞓就瞓到1點，好舒服……我諗尋晚係我咁多日嚟瞓得最舒服嘅一日！或者因為我終於知道自己想點，我終於知道我有幾愛低能仔！

尋晚同佢見完之後，我地都有whatsapp過，講講吓佢突然話，同個朋友傾緊，叫我唔好懷疑佢！睇到呢句我響到諗我應該要懷疑啲乜？諗咗好耐都諗唔明，我問佢佢又唔肯答！直到今日我終於估佢講乜喇！

記得尋晚佢返嚟揾我時，佢攬住我問我，如果佢識第二個我係咪真係會殺咗佢？我開頭冇為意過呢句說話，因為我講呢番說話嘅時候，係我同佢whatsapp時，我喊得最緊要嘅時候，我記得打呢番說話時，我係亂咁講，我冇諗過佢會記住-_-///我亦冇諗過佢會咁緊張咁叫我唔好懷疑佢！我真係有啲無奈-_-# 我諗佢唔會當我變態啩？！

今日佢收四點，佢四點幾打俾我，佢已經返咗屋企，跟住我就上咗佢到，入到去我望住呢個曾經係我地每晚2人世界嘅地方，覺得好warm！由第一次上去直到依家，所有所有嘅回憶完全湧現晒出嚟，我好想返番剛識佢嘅時候，我好想好似當時咁，每一晚都俾佢攬住我！我真係好想好想……返番去當時我哋最單純、最純椊嘅時候！

不過今日上到去嘅時候，佢冇乜時間理我，因為個低能仔響到整緊櫃筒~T_T~望住眼前嘅佢，我覺得自己好幸運，雖然香港唔係好大，但要識到一個自己會鍾意，而佢又會鍾意自己嘅人，真係唔係一件易事！我會好珍惜好珍惜呢一刻我擁有嘅一切！

今日低能仔整櫃桶時，整爛咗個紙拖板，因為要響佢媽咪返嚟前搞番掂啲嘢，所以我就落海怡幫佢買，而佢就留響屋企繼續整嘢！落到海怡揾咗好耐都揾唔到，十二蚊店、日本城都冇，最終響百佳先揾到個差唔多！揾到嗰一刻我好開心，買完返到去佢屋企時，佢走嚟攬住我咪我熱唔熱？嗰一刻我響到諗，依家幫佢買家居用品我已經覺得幸福（因為第一次幫人買-_-///）如果將來我有機會同人結婚，我又會唔會有幸福嘅感覺呢？

之後我返咗阿麻到食飯，而佢就繼續整嘢，佢搞掂晒啲嘢之後，就打電話俾我，佢話佢會去香港仔，之後就返嚟揾我，今晚佢9點幾返到嚟，佢話佢去咗揼骨，但香港仔有骨揼嘅咩？我同佢坐咗一陣，我覺得我地之間好似有啲嘢，但我講唔出係啲乜！我地係相處得好開心，不過就好似多咗啲嘢咁，好奇怪！

坐咗一陣我地就返咗屋企，返到去我依然冇whatsapp佢，到左十一點幾佢揾我喇！我send咗尋日篇日記佢睇，佢睇完之後覆咗我一段說話，呢段說話令我好感動！

“ 我唔肯定我會唔會唔再掉底你，因為我一向對自己冇信心，同唔想比咁大期望你。。。。因為我都唔想變成第二個肥僑。。。但我答應你。只要我有一日仲愛你，我都唔會掉底你 ”

睇完之後，我明白佢講嘅嘢，加上我一開始已經知道我同佢根本唔會一生一世！但見到佢會咁講，我已經覺得好足夠！所以我覆番佢：

“低能仔，有啲嘢我明白架！呢啲嘢冇人可以保証得到，連我亦都一樣，更何況係你呢？！我只係希望可以響仲有嘅時間裡面，好好咁同你相處埋落去！呢一刻我真係唔想冇咗你……“

或者因為一早已經知道結局會係點！兼且亦都知道呢個人唔會係自己將來嗰個，所以我要好珍惜我地依家嘅日子，我相信佢開學之後，好快就會唔記得我！

分類: 我們的生活點滴

[ 訪客留言(0) ] [ 編輯日誌 ]

2013 年 8 月 2 日星期五颱風


	3号風球

尋晚同佢講到3點幾，我一直都冇瞓過！唔知係咪因為呢排瞓得少加上尋晚又坐響街吹咗幾個鐘頭風嘅關係，我好唔舒服，不停咳同流鼻水，發燒，仲有啲暈暈哋！

剛好那些年今朝一早見我online 過whatsapp，所以就打俾我，聽到我把聲沙哂，佢揸車過嚟接我去睇醫生，但嗰一刻我想響我身邊嗰個係低能仔！醫生話我應該係尋晚冷親，所以先發燒同流鼻水，兼且仲吹風吹到氣管炎！結果幫我打咗兩支針同開咗一堆藥俾我-_-///

睇完醫生我就返咗屋企瞓咗一陣，跟住就收到低能仔whatsapp，但佢叫完我之後，就再冇揾我喇！睇完醫生之後，除咗打咗嗰兩支針外，我一直都冇食藥，因為佢話今日可以陪我，我怕食咗啲藥後，我會好眼瞓，所以我唔夠膽食住！

到咗點幾，我whatsapp佢同佢講我好掛住佢，等咗好耐佢先覆我，之後我再問佢做緊啲乜時，佢直情睇完之後唔覆我！我望住個 whatsapp呆咗，嗰一刻我又再一次變番早幾日心不在焉嘅我！

我響海怡漫無目的咁搭車去香港仔，再由香港仔搭5號小巴落銅鑼灣！我陣係唔想咁快落車，我響架車到睇番我地尋晚嘅對話，我又忍唔住喊咗出嚟！我好想知佢去咗邊，係咪同佢一齊？我好想見佢……佢唔係話今日陪我架咩？點解會咁架？？？

到咗3點幾佢覆我佢出咗去！但我冇覆佢……佢再問我響邊時，我只係答咗佢一句“重要咩？”我嗰一刻係唔開心，我仲send埋尋晚打嗰封信俾佢！由於封信太長嘅關係，要分上下部咁send！我send俾佢嗰刻，個心好痛好痛……

其實每當我唔開心，我好鍾意坐響starbucks聽歌 & 寫日記！突然我發現原來一年前我同肥僑分開嗰日，我都係坐響呢間starbuck，坐響同一個位，飲緊同一樣嘅嘢，甚至連時間都係差唔多！嗰一刻我真係冷笑咗出黎，我係咪真係咁坎坷？一年前同一年後所發生嘅嘢都係一樣……

之後佢出咗嚟揾我，我知道我一見到佢我又會心軟！我冇問佢之前同邊個一齊！我好怕佢真係約咗佢……我唔想知，我唔夠膽知！所以我只可以skip咗嗰個話題！佢過咗嚟銅鑼灣接我，佢拖得我好實，真係冇試過！原本佢想同我搭叮叮落灣仔，但我好想同佢行過去，我想同佢相處耐啲，所以我選擇行過去！

我地去咗灣仔食嘢，但我依然冇胃口，唔想食！陪佢食完之後，佢要去買野，而我就自己返屋企先，因為佢知我唔舒服，但又冇食藥！所以要我返去食，原本佢諗住送我去搭車之後先去買野！但因為嗰段時間係家姐放工時間，我唔想俾家姐撞到，所以……

當我自己行去巴士站時，個天一直落住雨，我喊咗出黎，我好掛住佢！我明明好愛佢，我明明唔想同佢分開，我明明唔可以冇咗佢，點解我要迫自己走？直到上咗架590，我喊住 whatsapp佢同佢講“低能仔，你可唔可以唔好掉低我？我唔可以冇咗你，冇咗你我唔知點算！”佢只係覆我“……”我以為佢都決定咗分開，所以先同佢講叫佢當我冇講過！點知佢再覆我“唔會！下次唔會！”原來個低能仔以為我講緊佢掉低我一個自己返屋企！我即刻再同佢講得直接啲“我唔係話唔好掉低我響條街到！而係你可唔可以唔好唔要我？我唔可以冇咗你！”當佢覆番我佢唔會唔要我時，我好想即刻落車揾佢，但可惜架車已經去到鴨脷洲！

或者就係呢埸雨淋醒咗我，（因為走嘅時候落緊雨，但我冇擔遮！）令我知道自己有幾愛呢個人，令我知道我唔可以冇咗佢！可能諗通咗嘅關係，我返到去好開心，仲食咗啲飯同藥！然後就返咗阿麻到！佢返到黎打電話俾我，話響我樓下，我開心到孻叔都唔理就落去揾佢！一見到佢我已經攬住佢，我唔想再放手喇！我唔想再失去佢！雖然只係同佢見咗一陣，但我真係真係好開心！今晚我攬住佢、拖住佢唔捨得放手！我只係想呢一刻可以繼續愛佢，一直咁愛佢！

佢叫我記得5月14號嗰一日！其實應該係5月20号至真，因為嗰日係佢第一次錫我，兼且亦係我第一日識cctv！

分類: 我們的生活點滴

[ 訪客留言(0) ] [ 編輯日誌 ]

2013 年 8 月 1 日星期四


	失控

今晚我響facebook到見到佢同“她”的合照，張相仲寫住“原來……不知不覺已經半年……”睇到嘅時候，我隻手震得好緊要，眼淚亦控制唔到！

其實未睇到張相前，佢差唔多9點whatsapp我，叫我唔好上佢 Facebook，我問佢點解佢唔肯答我！但我想講嗰一刻我已經入左 Facebook（不過唔係上佢嗰個）一開就見到嗰張相……我唯有覆番佢“唔使上你 Facebook都已經睇到！”覆完佢呢句之後，我再冇覆過佢其他 msg 甚至電話！我知道佢好緊張我，但我真係唔知可以點面對！

明明朝早嘅時候，我地仲好開心咁見面！我仲將早兩晚所發生嘅嘢，放埋一邊唔去諗，目的就係想同佢開心咁繼續一齊！點解到我肯行前多一步嘅時候，要俾我見到呢張相？

今晚佢打咗好多個電話同 whatsapp俾我！我望住來電顯示，我好想聽，我真係好想！但我真係無力氣拎起個電話！直到佢打第三個電話俾我，我終於聽佢嘅電話，一聽到佢把聲我啲眼淚完全失控咁流晒出嚟！我之所以聽呢個電話係因為我知佢根本未收工，我唔想佢影響到自己嘅工作！所以我接呢個電話係想同佢講，有乜等佢放工先再講！

同佢收左線之後，我知道我冇可能再留響屋企，因為我嗰一刻嘅情緒真係好差！我唔想俾屋企人知我唔開心，我唯有落街坐低冷靜吓！今晚我自己一個坐咗響我同佢成日見嘅地方，我一路 repeat住“黃色大門”呢首歌，一路睇番我同佢嘅日記 & whatsapp，我個心好痛，眼淚係咁流！我唔知點算，我唔知可以點做！

直到佢再打電話俾我，我嘅眼淚又再一次失控咁流，我喊到根本講唔到嘢！佢知我自己一個響街到坐，佢收工時即刻黎咗揾我！佢一見到我嘅時候就攬實我，我竟然縮開，我同佢講我真係好攰好攰……原本我決定咗我今次一定要放手，但當佢越攬越實嘅時候，我就心軟！佢同我講，係“她”要佢放張相上去！我知道應該唔關佢事，佢唔會咁傻傷害完我，又要諗辨法去氹番我！所以我相信係“她”逼佢咁做！只係我冇諗過“她”會咁做，我冇諗過呢張相可以傷害得我咁深！我冇諗過真係會咁痛……

坐咗一陣我地都返屋企，返到去佢一直都冇揾我！我send咗首“黃色大門”俾佢，佢一直都冇覆我，我嘅直覺覺得佢地可能講緊電話，直到兩點幾佢先覆我，我地講咗好多嘢，我個心好痛好痛！我相信佢係愛我，我相信佢所講嘅一切，我相信佢真係唔想失去我，我相信佢俾起任何一個都更唔想傷害我，但我相信又係咪代表可以呢？到最後我依然原諒咗佢，佢同我講佢聽日放假，但冇約“她”出街，所以可以陪我！

我期待聽日見佢，我好想見佢，好掛住佢！

分類: 我們的生活點滴

[ 訪客留言(0) ] [ 編輯日誌 ]

« | 375 | 376 | 377 | 378 | 379 | 380 | 381 | 382 | 383 | 384 | »