每逢星期六都係勁忙、勁趕，今日9：30開始第一個症，一做做到1：30先lunch 極速食完個飯，1：50再開工 so crazy…… 不過今日4點就已經收工，但我已經好攰好攰……幸好聽日放假，終於可以瞓晏啲喇↖(^▽^)↗

Lunch嘅時候同低能仔 whatsapp咗一陣，佢仲未好番~T_T~不過幸好佢今日返6點，唔使返咁早，咁就可以休息吓！我知道要佢睇醫生係件難事，但我真係好想佢快啲好番！ 我見佢仲未好番，我今日 whatsapp佢呃佢我收工約咗人響香港仔，順便買埋感冒茶俾佢飲！我知我唔咁講，佢實叫我唔好專登去買，兼且要我返屋企休息吓！要佢乖乖哋就範，唯一辦法就係咁做，哈哈……

原本今日女神約我去佢屋企同阿Sect、仁仔打邊爐，但我真係好攰，加上我想返屋企等低能仔，所以我推咗佢！買埋感冒茶我就返咗屋企，我攰到打打吓日記瞓著咗，瞓到連飯都冇食-_-///直到9點幾低能仔收工打俾我♡

今晚佢早咗收工，佢陪我陪到11點♥♥低能仔好乖咁飲晒支感冒茶，其實我知嗰間野啲感冒茶係超難飲，不過我見真係幾有效，老豆飲兩次就好番！所以我先想佢試吓……見佢飲到好慘咁我真係好感動，我知你係想我安心先飲晒去，係咪？？低能仔，我只希望你快啲好番……

今晚我哋傾咗好多嘢，當佢問我究竟想嫁俾A.B.C.D邊個時，我乜都冇答佢，只係攬住佢同錫咗佢！我真係好想好想每日、每晚都可以見到佢，我真係好想好想當佢病嘅時候照顧佢，我真係好想好想佢開心可以同佢share，佢唔開心同佢分擔、我真係好想好想每朝瞓醒就見佢響我隔離、兼且我真係好想好想可以為佢學煮飯煲湯，特別係白粥，哈哈……

其實你唔係D，響我心目中你係A至真！ 因為你永遠都係我嘅 first choice……

 

今日係超攰嘅一日，真係好攰好攰……好憫好憫……由今朝9：45開始，就一直忙忙忙，lunch都只係得45分鐘！跟住又再開工……做到下晝嘅時候，我已經俾我個好同事搞到我完全冇晒表情喇(*>.<*)

好唔容易先捱到收工，我好掛住低能仔！ 如果話甜品可以令一個人心情好啲嘅話，我諗低能仔就係我嘅甜品！每次當我遇到啲咩唔開♥只要見到佢，我就會好快冇晒事！其實已經唔止一次係咁，對上一次返工對住某人好憫時，嗰晚佢打電話俾我同我傾咗一陣，我又冇晒事！

今晚低能仔響灣仔等我收工，我哋都係去咗食飯，不過我都係冇食到，只係陪佢食！其實我唔係覺得個 lunch 飽，只係我真係攰到冇晒胃口%>_<% p="" 陪佢食完飯之後，我哋就去咗揾“感冒茶”因為個衰人仲係唔舒服，而且仲有啲燒添！不過就唔肯睇醫生，只係肯飲感冒茶囉-_-="" 唉，我諗啲人應該唔知有人會擔心架囉！！！！<=""></%>

同佢揾完感冒茶，佢就送我去搭車，而佢就自己繼續行！其實我好想陪佢，之但係我想俾番啲私人空間佢，我好怕我有一日會令佢討厭！其他人響我心目中都係 nothing，唯獨佢……

我真係好希望胡迪可以好好俾翠絲愛一次，一次就足夠喇！因為翠絲唔想選擇巴豬光年，佢只係希望同胡迪一齊…… 就算要翠絲為胡迪放棄啲乜都冇所謂……

今朝返9：30，但我6：45就起身整嘢出門口，因為有人今日要返學，所以陪我食早餐！雖然好眼瞓，但我覺得好 sweet...

今日佢終於都交咗 Resignation Letter 喇！仲有7日佢就唔再響嗰到做，以後我就唔可以隨時見到佢喇！唔知當佢走咗之後，我哋又會變成點呢？其實我唔捨得佢走，但為咗佢前途，佢走又真係必需要嘅！！低能仔，你一定要俾心機，even 你返咗新工之後，無時間見我，又或者識到個更好都唔緊要，最重要你俾心機、開心同幸福就得架喇！

返工不停諗住低能仔返成點？同佢哋又相唔相處到呢？響嗰到又開唔開心呢？一路跟症一路中眼瞓，仲要一路掛住佢，幸好無俾莫醫生發現我唔專心，更好彩我冇做錯野啫，如果唔係就真係……哈哈喇！

今日好早就可以收工，第一次平日可以收5：30pm，收工後我即刻打俾低能仔，因為有人今日等我收工陪我♡我哋約咗響188等！

見到低能仔後，我地去咗食飯！不過我因為晏晝個飯盒多得滯，已經食唔晒，仲好飽……所以只係陪佢食！低能仔唔知點解又傷風又咳，見到佢唔舒服，我個心又好唔舒服！我唔捨得佢病，我情願病嘅係我，我都唔想佢有事！！

尋晚我同佢女神見完後，差唔多係低能仔收工時候，不過我哋冇約過見唔見面，所以我 whatsapp問佢，等咗好耐佢終於都覆我，佢話會過嚟揾我，哈哈……好開心，我尋晚特別想見佢，因為係3個月嘅日子(^3^)(^3^)

今日瞓到一點先起身！好耐冇試過咁好瞓，瞓醒又見到低能仔 whatsapp♥ so sweet ♥ 不過有人唔記得咗我今日 day off囉！！除咗低能仔 whatsapp 外，仲有阿峯嘅wechat -_-///

同低能仔whatsapp咗一陣，我又瞓著咗，一路瞓電話一路咁響……阿峯不停揾我！！不過我都冇理到繼續瞓，直到低能仔嘅專屬鈴聲響，我先起身↖(^▽^)↗收到佢電話，佢突然問我係邊個時，我諗起佢曾經同我講，佢有一次打電話俾我時，有個男人聽電話而令佢覺得心寒∼每次一諗起呢番說話，我都會覺得好開心！不過我有時會諗，如果有一日我打俾佢，係“她”聽電話嘅，我又會點呢？除咗心寒之外，我諗我嘅眼淚都會不停流……

今晚返咗阿麻到食飯，阿妹想去買蛋糕同買嘢飲，結果我哋都係去咗佢嗰到買，見到佢認真做嘢個樣，係我最開心嘅時候！因為佢認真個樣真係好 charming, hehe... 我希望你以後都可以 keep 住咁認真咁做嘢，ok?!

返到阿麻到同低能仔 whatsapp咗一陣，今晚同佢 whatsapp咁多次係我最 warm 嘅一次！低能仔，我好掛住你，我好想見到你，你知唔知？！

錯過了你 我需要有記憶嗎？
欠缺了你 我今世會發光嗎？
我已確信 遊蕩浮華世界
就為相交 那一下
你記得嗎 那一秒 你記得嗎?
3個月……3個月……3個月喇♥

今朝跟緊Patient時feel 到電話震，原來係低能仔嘅whatsapp！佢打咗一大堆公仔&♥，仲有一句三個月快樂！個懶鬼雖然懶，只係打一堆公仔！但佢個 msg 真係令我好開心，低能仔，♥ you……

3個月前嘅今日，係2013年5月20日。嗰日係我第一日返工，同時亦係我同低能仔第一次出街！嗰日我收工之後，落咗灣仔揾佢，我記得我哋約嘅地方係188！同佢第一次出街嘅感覺係……“使唔使行得咁快呀？你好趕時間咩？？”

嗰日我同佢漫無目的咁由灣仔行去銅鑼灣，雖然無目的咁行，但其實我好開♥行到咁上下，突然落大雨(*>.<*)我同佢響時代付近避雨，低能仔響到影相，而我就 on居居企響到望天打掛……佢企得越黎越埋嘅時候，我個心跳得好快好快(^3^)嗰一刻係我同佢最近距離嘅一次！當我響到諗緊佢企咁埋做咩事呀？佢就令轉頭錫咗我一吓∼諗番起其實真係幾浪漫♡

佢錫完我嗰一刻我係開心，但其實有好多問題突然出現響我個腦∼雨越落越大，諗嘅嘢越嚟越多！有啲嘢唔知可以點，只可以選擇逃避，所以我同佢講不如搭的士返去-_-///嗰晚佢除咗第一次錫我，亦係第一次拖住我行去搭的士！

雖然呢3個月過得一啲都唔易，當中感受晒所有喜、怒、哀、樂，同時亦想過分開甚至放棄！多謝你嘅堅持，我先可以擁有咁開心嘅每一日！低能仔，多謝你！！

今日診所勁忙，忙到要6：45先收工！我收工whatsapp咗俾低能仔後，我響90B攰到瞓著咗，結果又唔知醒，瞓到落海怡~T_T~肯定又俾人笑我低能，哈哈……幸好聽日放假啫(^3^)