尋晚又咳到3點先瞓(*>.<*)今朝又要7點起身返工，好眼瞓好眼瞓好眼瞓……幸好返埋聽日啫！

記得剛響呢間公司返工時，我每日都中眼瞓，嗰時低能仔每晚都陪我講電話講到三、四點！第二朝又係7點起身返工，每日搭車返工、放工我都會攰到響車瞓著咗……記得第一個星期六，我攰到睇睇下電視瞓著咗，一瞓瞓咗14個鐘，so crazy ！！雖然如此，但我都好掛住嗰時嘅生活，犯賤……哈哈……

今日其實都算忙，有成40個症-_-///幸好都可以做得切！今日低能仔 whatsapp我、阿峰 wechat我，我基本上都仲可以即時覆，依然可以準時食飯同收工，響呢到返工時間過得好快，唔似以前啲工咁，返工等收工……等嚟等去都仲未收工~T_T~其實我幾enjoy返朝9晚6嘅工，始終私人時間都多啲，放工想去邊都得！

低能仔今晚要去TST，我好想收工之後去TST等佢……不過我今晚要陪阿麻去石排灣拜神，原本今朝都要同阿麻去，但因為我要返工冇陪佢，佢已經唔開心，如果我連今晚都唔陪佢，佢一定殺咗我，哈哈……“因為年年都係我陪佢去”所以唯有等低能仔今晚收工返到嚟先見……<(ˍ ˍ*)>

愛，就是即使度過了最糟的一天，可一旦看到對方，所有的煩惱都會煙消雲散。

今朝瞓到11點幾先醒，起身先見到原來低能仔 whatsapp 過我，但我攰到連電話響過都唔知-_-///

醒咗之後，我去咗香港仔睇醫生，因為星期四淋過雨之後，我半夜又係咁咳，咳到根本無得瞓之餘…… 仲要俾人話我嘈得滯，所以迫我去睇醫生~(*+﹏+*)~

睇完醫生食埋嘢就返咗屋企，返到去家姐同我講咗一件我完全無諗過嘅嘢，聽到嘅時候，我真係唔敢相信，同時亦覺得有啲心寒！嗰個 Auntie 響我細個嘅時候湊過我，佢係一個好斯文嘅人，而且仲好好人，好錫我，所以聽到嗰件事時，我真係好震撼！但諗番今日同佢一齊搭電梯時，我的確見到佢拎住咗家姐所講嘅嘢！點解佢會變到咁？？知道呢件事後，我有諗過同唔同低能仔講，唔講又好似唔係咁好，好似過唔到自己嗰關，始終都……但講出嚟我又好怕嗰個 Auntie會有事喎！猶豫咗一陣，結果都係講咗！講完個心舒服晒！

今日佢收工之後，我上咗佢到(^3^)好耐都冇同佢響屋企2人世界喇！好掛住以前2人世界嘅日子，我哋響屋企佢都可以坐得舒服啲，佢攰嘅時候都可以休息吓！起碼唔使佢好似依家咁，放咗工咁攰都要出嚟陪我，陪我響老地方坐，又陪我行海怡……所以好多時唔捨得佢咁早走，我都要佢返屋企！ even佢返到去只係玩電腦，點都叫可以休息吓、relax吓……總好過響街陪住我！

上咗佢屋企一陣，我地就一齊落街食飯，今晚有人俾我捉咗去椰林閣食飯，原本有人唔肯去，但最後都要屈服，哈哈！我唔想佢成日都食 KFC，我就逼佢去咗椰林閣！其實之所以選擇去椰林閣，係因為我記得佢有一篇blog 係話佢響香港仔珊瑚堡食嘅晚餐，我估佢應該係鍾意食呢啲嘢，所以我好想同佢去食佢鍾意嘅嘢，兼且我希望同佢做啲佢鍾意做嘅嘢，因為我知道我有一日要離開佢，我想響離開佢之前，儲多啲我同佢嘅回憶，就算將來同佢分開咗，我都仲有呢啲 memory 話俾自己知“我幸福過”!

其實我除咗鍾意瞓醒就收到你msg，我仲鍾意臨瞓前收到你嘅 Goodnite架

尋日同佢出完去之後，我以為佢返咗工，點知我收工時佢whatsapp我佢放假-_-///佢話佢出完去夜晚就返嚟陪我，一聽到呢句，我成晚都唔敢揾佢，我怕佢係同“她”一齊……尋晚佢9點幾就返咗嚟，佢叫我估吓佢同邊個食飯？其實我估嚟估去咪又係估佢陪“她”~T_T~所以我冇出聲……點知佢同我講陪佢食飯嗰個係男仔囉(^3^)

今朝7點就起身整嘢化妝返工，當我一路化妝、一路中緊眼瞓嘅時候，我收到佢whatsapp，即時成個人醒晒！我鍾意瞓醒就收到佢 msg>3<係好鍾意好鍾意……

今日返工好好彩唔使 delay，可以準時食飯，兼提早收工！佢尋日同我講佢今日返8-7，所以收工之後，我約咗佢女神行街，點知我 whatsapp話俾佢知我收工後，佢就打俾我同我講佢都收咗工-_-///嗰刻好無奈，我想見佢，但又應承咗佢女神出街，好似左右做人難咁！到最後我陪女神響中環行咗一陣就返去喇！

今日我同佢又出左去, 連續兩日都有佢陪住我, 我真係好開心, 好滿足! 不過, 佢今日心情唔多好, 我好想好想令佢開心...

低能仔, 我諗我識你咁耐從未試過同你講" I Need To See U Tonight! " 但我今晚同你講左第一次, 你知唔知點解呀? 我真係好想你開心, 我好想盡我嘅能力去令你開心, 我想見番笑住咁CHOK 嘅低能仔!

原本呢份野我係想20號同你一齊3個月嘅時候送比你架, 或者你會問點解會係一盒零食? 呢盒野裡面嘅每一樣野, 都代表住一啲我想同你講嘅野, 又或者係你鍾意食, 又可能係我鍾意食嘅野, 雖然唔係啲咩野貴重野, 但我都希望你會鍾意, 你會明白每一張CARD 所寫嘅野!

逆境每個人都會遇過, 但你要選擇點樣面對呢啲逆境就要靠你自己, 你要選擇逆來順受, 定還是開心咁面對, 真係冇人可以幫到你... 但我想你知道, 你每一個選擇對你都係一個好好嘅考驗! 今次點樣跌倒, 下次就要記得自己曾經點樣跌倒, 唔好再犯同樣嘅錯誤就得! support u .....

最後送一首我一直好想送比你嘅歌 Make You Feel My Love!

When the rain is blowing in your face
And the whole world is on your case
I can offer you a warm embrace
To make you feel my love

when the evening shadows in the stars of fate
And there is no one there to dry your tears
I could hold you for a million years
To make you feel my love

I know you haven't made your mind up yet
But I will never do you wrong
I've known it from the moment that we met
No doubt in my mind where you belong

I'd go hungry I'd go black and blue

I'd go cold out on the avenue
No there's nothing that i wouldn't do
To make you feel my love

The storms are raging on the rollin' sea
and on the highway of a grid
The winds of change are blowing wild and free
You ain't seen nothing like me yet

I can make you happy
Make your dreams come true
Nothing that i wouldn't do
Go to the ends of the earth for you
To make you feel my love
To make you feel my love