尋晚以為見佢唔到，點知有人放工打俾我，響老地方等我！

今日打8號風球，起初我都以為我哋唔會見，又或者到最終佢選擇陪嘅唔係我！(因為佢每次都係咁...) 但最後我哋都有見，兼且佢好耐都無試過陪我咁耐喇！有佢響到嘅地方真係好唔同，所有嘢都好唔一樣！今日陪佢去咗一個好特別嘅地方，原來我無聽過佢唱live架！每次聽佢唱嘅歌都係佢已經錄好咗嘅歌…… 原來佢唱LIVE 又幾好聽架喎! 真係好林峰囉！你要繼續比心機做你自己鍾意嘅野, 記得一係唔好做, 一做就要做到最好, OK??

你講得無錯，當我聽到你唱“人一個”嘅時候，我係有嘢諗，我諗嘅係你之前同我講那些年嘅說話，但我係開心嘅，我記得嗰日有人打咗7次無人接嘅電話，我記得有人send 咗好多個無人覆嘅whatsapp俾我，我記得有人好緊張我，當然我亦好記得我因為有人而喊得好緊要！！不過亦因為嗰次之後，我哋一直都好開心、好幸福，係咪？！我好想我哋一直都咁開心、咁幸福，可以嗎？我唔想到最後送“直到你不找我”又或者“換個方式愛你”俾你T_T

低能仔，同你一齊我好開心！比你拖住我行街、攬住我，係我最幸福、最幸福同最幸福嘅時候！今晚當你見到隻介子時，問我“如果我送呢隻介子俾妳，妳會唔會鍾意？”你知嘛，嗰刻我真係冇諗過你會咁問，雖然佢冇嗰隻鑽石介子咁名貴，冇嗰隻鑽石介子咁閃，但佢卻比嗰隻鑽石介子珍貴，因為係一個我重視嘅人想送俾我，呢一樣已經俾其他嘢嚟得更珍貴！不過我希望你可以儲返啲錢，所以我聽到你咁講，我已經好幸福！我已經當收到呢隻介子喇，多謝你！

你記唔記得我今晚問你，你驚唔驚我會嬲？你話你唔驚，因為我唔會嬲你！其實我唔係唔會嬲你，有好多時你冇兌現過你對我嘅承諾時，我係好嬲你，但我唔表現出嚟，唔係我唔識嬲、唔會嬲，只係我唔捨得嬲你……愛上你，不是因為你給了我需要的東西，而是因為你給了我從未有過的感覺。

尋晚低能仔收工都陪住我, 依家嘅我真係覺得好幸福! 不過今日又打風落雨, 我同佢應該冇得見我好掛住佢呀! 我好想見佢。。。


其實尋日當我收到那些年隻介子時, 我有猶豫過同唔同低能仔講, 我好驚我同佢又因為那些年而搞到唔開心, 同埋我唔知道當佢知道之後會有咩反應, 所以我有猶豫過同唔同佢講! 但我真係唔想呃佢, 最後我同佢坦白咁講晒出黎!


今日佢去左觀塘簽約, 好快佢就會返新工喇! 雖然佢轉左工之後, 我同佢可能會越黎越小見, 但見佢搵到一份佢又鍾意, 而又學到野嘅工, 我真係好開心! 我成日都同佢講"唔好為左搵工而搵工!" 因為我好想佢搵一份自己鍾意而又學到野嘅工, 我希望佢可以響工作裡面學到更多響書本得唔到嘅野, 一份對佢好嘅工作, 對佢將來行嘅每一條路都會舒服啲, 同時呢啲人生經驗對依家嘅佢, 都係好寶貴嘅一課! 我希望佢明白我真係想佢好之所以之前佢所選擇某啲工作時, 我會唔支持佢就係因為咁解!


聽雨的聲音 一滴滴清晰
你的呼吸像雨滴滲入我的愛裡
真希望雨能下不停
讓想念繼續 讓愛變透明
我愛上給我勇氣的 Rainie love

窗外的雨滴 一滴滴累積
屋內的濕氣像儲存愛你的記憶
真希望雨能下不停
雨愛的秘密 能一直延續
我相信我將會看到
彩虹的美麗

尋晚我坐咗響老地方等低能仔，其實我冇同佢講明我會坐響嗰到等佢，所以我唔知佢係咪會嚟！坐到11點10分我見佢 whatsapp online過，但就冇揾過我！我以為佢已經收咗工返埋屋企，當我想走嘅時候，佢就whatsapp我叫我等多佢一陣~^O^~

眨吓眼又到星期日喇！尋晚低能仔本來約我今朝陪我食嘢架，但每逢星期日都係 family day，所以冇得見%>_<%

今晚佢要出去，而我就同家姐去街！我同佢去嘅地方都係一樣……旺角！