|
誰夠力便踢我出
這個門口 難過是我的自由
像被你拋進公海 慢慢遊
還有話說便對我講
給我扶手 道理在你口 總會通透
求你教曉我 如何振作
即使你急於邀請我走
誰說我要起身
若起身可以和你更開心
我怎麼似病人
昏昏沉沉 高燒不肯降溫
如你要我起身
是否可給我留下蝴蝶吻
能強健身心 別吝嗇一吻
才能讓你知 你有幾吸引
誰責備我未夠勇敢
準我自首 頑固是我的自由
就讓我躲進沙丘
慢慢求
如我爛到令你燙手 請你維修
無法令我好 使垂下頭
隨我歇一歇 眉頭再皺
都不要苦心鼓吹我走
低能仔, 希望你真係會用心聽呢首歌~病人~, 因為係我想同你講嘅野... 所以要聽要聽, 一定要聽^3^
尋晚四點幾先瞓，但今朝7點就起身，瞓醒之後，我發現我對低能仔嬲嘅感覺完全冇晒！或者佢真係令我愛佢愛到可以 forget and forgive！其實我知道無論佢做錯啲乜，我最後依然都會原諒佢！
今朝我約咗低能仔食早餐，好似好耐都冇同佢食早餐咁！食到咁上下，佢同我講“有個男仔同個女仔分手後，收集咗佢啲眼淚響個樽到，之後見到個女仔同個新歡一齊，就用強水淋到個女仔毀容！”
聽到呢到我真係覺得好可悲，點解可以忍心傷害一個自己真心愛嘅人？愛一個人唔係希望佢得到幸福咩？唔係見到佢開心你自然會開心咩？感情出現問題，甚至到最後要分開，從來都唔會係單方面嘅問題，一定係雙方嘅責任！點解要傷害對方呢？傷害咗佢你只會俾依家更難受，甚至帶俾大家一生一世嘅傷痕，值得嗎？？
低能仔我希望你記住，我唔係啲咁嘅人！由始至終我都係希望你好、你幸福，我寧願我受傷害亦唔希望你受傷害！我只係想用我一生所擁有嘅開心、幸福甚至幸運，來交換你一生所擁有嘅難過、傷心甚至眼淚！就算我將會選擇另一個，我依然會守護一個我曾經愛過嘅人，因為我唔鍾意“憎恨”一個人，even傷害得我好深嘅人，我一樣會原諒，一樣會繼續守護佢！識我嘅而又有“用心”了解過我嘅人，一定會知道我俾任何人都更討厭、更容納唔到“憎恨同傷害”！我嘅世界好簡單，只能容納“愛同包容”，只因為我到依家依然相信“童話故事”……依然相信 “Triangle”。
同低能仔食完嘢，我就出咗太古城揾那些年，那些年一見到我，突然攬住咗我同我講我個樣好殘，佢覺得心痛，今日佢再一次拎番嗰隻介子出嚟，佢話呢隻介子希望可以帶響我手上，佢希望佢可以陪我過以後嘅每一日，佢更希望可以帶俾我下半生嘅幸福！佢所講嘅一切其實我明白，我係咪真係要嘗試唔好將焦點放響同一個地方？要嘗試望吓周圍嘅風景？
低能仔，我諗有啲嘢我有必要同你講，我希望你用心睇我以下落嚟嘅說話，至於點解，原諒我冇辦法同你講清楚。。。
我希望你以後可以用個心去睇你身邊嘅“人”和事，有啲嘢唔係你用肉眼睇到咁樣，試吓將所有嘢重新諗一次，重新用個心睇一次，你會發現有啲嘢唔係你諗得咁單純！或者你會覺得我咁講可能係別有用心，但唔緊要真係唔緊要架！我只係希望你唔好受到任何傷害！
分類: 我們的生活點滴 |
原來今朝唔係發夢！！
呢兩日同佢一齊響屋企嗰種感覺唔同咗，俾起之前更加開心，更加warm... 
