低能仔，happy birthday ar...今年係我第一年同你過生日，對我嚟講係冇諗過嘅一日！因為。。。

仲記得當我送部 tablet俾你時，我同你講呢份當係我送俾你嘅生日禮物嗎？其實當時我真係覺得我冇可能同你咁耐，嗰時我一直都同自己講，只要我俾你嘅限期一到，我就要同你分開∼所以當時我乜都冇諗，陣係希望可以送一樣你鍾意嘅嘢俾你，當係你嘅生日禮物！我冇估過我可以同你捱得過今日！只係因為每次我同你出現問題時，剛好都係差唔多每個月嘅7号。。。唔知你有冇發現呢？

今日雖然同你過咗一個唔特別嘅生日，又或者可以話同平時冇分別嘅下晝，但我依然好開心！特別係當去 ice-fire 揀嘢俾你媽咪同買蛋糕時，當我買嘅時候，我個心只係希望你會開心，我只係覺得我可以做嘅，亦陣係得番咁多。。。

今晚我哋同媽咪響百份百到食飯，佢媽咪俾我嘅感覺好 nice，兼且亦令我感覺到，佢真係好錫低能仔！雖然呢餐飯令我感覺到有壓力，但我都係食得開心，同時亦令我了解佢多咗！不過當呢餐飯提到“她”時，我個心有啲痛。。。嗰種忐忑嘅感覺令我抖唔到氣，甚至令我諗番起嗰啲相嘅畫面！嗰一刻我要好努力去扮冇嘢，我要去用力咁去笑。。。好辛苦！

經歷的太多了，會麻木；

分離多了，會習慣；

戀人換多了，會比較；

到最後，也許你不會再相信愛情。

我發現原來我已經再冇流眼淚嘅衝動，就算經歷完一啲明知，但又失望嘅嘢後，我都再冇想流眼淚嘅感覺，係我已經麻木？還是係我已經。。。？？我真係唔知道∼

連同當晚信念 拋開得勇敢

殘忍的清洗 過去的興奮

無人留得低你 

我怎麼 還自憐地逐日去等

為何回首卻發現 即使怎夠狠

無形虛空的 卻始終很近

如何才可捨棄  腦袋中那烙印

如何才可捨棄 半空中罪疚感

如何才可捨棄 你給的那藥癮