jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34192 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 63
累積人氣： 34192
RSS Feed
2013 年 10 月 18 日  星期五   晴天
唯一
今朝7點就起身整嘢，然後就同低能仔食早餐！幾日冇見佢，感覺好似有啲唔同咗，冇咗之前嗰種好愛嘅感覺？就算我好掛住佢，佢都好似唔再一樣咁！

今日真係超攰，晏晝化完妝後，就即刻返咗屋企瞓。。。瞓極都好似唔夠咁，依然好想瞓！今晚 Fung 約我出去飲嘢，而低能仔就同屋企人食飯，我唔知佢會唔會返嚟揾我，所以我冇應承到 Fung，點知低能仔話今晚會早啲返嚟陪我，我就覆 Fung 我唔去飲嘢喇！


其實響沙巴嗰幾日，有啲嘢我好清楚，之前我想俾自己諗清楚，自己仲係咪好愛佢同需要佢？冇見佢嗰幾日，我每日都好掛住佢，好想快啲返香港見佢！我發現自己愛佢俾想像中多，我需要佢。。。只係某啲嘢我係接受唔到，不過佢話佢已經冇再亂識其他人，但我知我仍需要時間，令自己再一次對佢有番信心，我真係好想佢可以俾番啲信心我，因為我真係真係好愛佢！


我們都是沒安全感的孩子
總是患得患失
也無法把這種感覺消除
有時會有些無理取鬧
但也只是想證明自己的存在感
有時會很想依賴
但卻表現出無關痛癢的樣子
有時明明就很在意
但卻表現出毫不在乎的樣子
只因為我們都渴望自己是對方的唯一。



 

分類: 我們的生活點滴
 [ 訪客留言(0) ] [ 編輯日誌 ]

2013 年 10 月 17 日  星期四   晴天
沙巴 day 4 @ 回港篇
依家響飛機上，仲有一個鐘就 landing。。。搭飛機係最辛苦嘅一件事，因為耳仔好痛！加上響飛機上真係好悶，咩都唔做得， on 居居咁瞓幾粒鐘。。。 

終於嚟到沙巴嘅最後一日，下晝搭4：30機返香港！尋晚佢哋去咗resorts個泳池游水，而我就坐咗響池邊睇書，因為我臨去沙巴之前，應承過低能仔我唔會落水，玩到十點幾就返咗房執行李！

今朝七點幾就醒咗，搞掂晒啲嘢就 check out！ 之後就四圍食嘢、行吓……就去機場喇！今日係我響沙巴咁多日裡最開心嘅一日，因為可以返去見低能仔，哈哈。。。

今次呢個trip基本上我冇乜買過嘢，成個沙巴除咗食之外，真係冇乜特別嘢-_-///所以我除咗阿婆同阿麻，我買左兩條鍊外，其他乜都冇買，哈哈。。。第一次旅行唔買手信！！

快啲到香港啦！我好掛住佢。。。

 

分類: 我們的生活點滴
 [ 訪客留言(1) ] [ 編輯日誌 ]

2013 年 10 月 16 日  星期三   晴天
沙巴 day 3
今日係響沙巴最後一日，好開心呀！聽日可以返香港見低能仔，而且仲可以唔使再對俾肥仔煩↖(^▽^)↗

今日去咗好多地方，買左好多嘢食，但我買唔到俾低能仔，因為呢到大部份嘅嘢都係榴蓮、香蕉製成，呢兩樣嘢都係佢最唔鍾意嘅嘢。。。諗咗好耐諗到頭都爆！！

沙巴嘅黃昏真係好靚，望住個日落時，我好想你響我隔離！冇你響身邊呢幾日我好唔習慣，我好想好想返香港，呢幾日我陣係攬住你買俾我個袋同嗰部相機，我好想即刻返香港攬住你。。。低能仔，雖然呢幾日時間真係好難捱，但我亦覺得值得，有人會同我講掛住我“因為有人好耐都冇同我講過喇！”有人亦會打line俾我，收到你電話我係超開心，更想快啲返嚟見你！你呢，冇我響身邊你又覺得點？

 

分類: 我們的生活點滴
 [ 訪客留言(0) ] [ 編輯日誌 ]

2013 年 10 月 15 日  星期二   晴天
沙巴 day two
足足一日一夜冇瞓過，今日攰到冇朋友！而且尋日成日都冇得上網，慘過去死！我好掛住低能仔。。。

今日下晝5點幾終於都返酒店喇！第一時間開番 Wi-Fi whatsapp俾低能仔！隔咗一陣佢 line 俾我(*¯︶¯*)不過有人話尋日有3個女仔問佢拎電話囉。。。

暫時響到呢2日1夜，我發現自己俾想像中更掛住佢，可能我已經習慣咗身邊有佢，所以我真係好唔習慣！每去一度地方，我都會諗起低能仔，每食一樣嘢，我都好想佢可以一齊食！希望快啲過埋呢兩日，我好想返香港見佢。。。。

分類: 我們的生活點滴
 [ 訪客留言(0) ] [ 編輯日誌 ]

2013 年 10 月 14 日  星期一   晴天
沙巴 day one
今朝低能仔同我食完早餐，我就搭機鐵去機場！嚟緊幾日都冇佢響我身邊，我知我一定好唔習慣！

嚟到沙巴已經係下晝嘅4點幾，返到酒店擺低啲嘢，就去咗菲律賓市場食咗啲嘢就上船出海，張死人電話咭根本就上唔到網，所以我只係響機場 whatsapp過家姐同低能仔，就再冇揾過佢地-_-///

今晚響船上面悶到癲，我淨係攬住佢買俾我嗰個相機袋同部相機。。。平時呢個時候，低能仔應該響樓梯口陪緊我。。。。我好掛住佢，依家佢應該響CB 表演緊，唔知佢又有冇掛住我呢？唔知佢又習唔習慣呢？或者冇我響佢身邊，佢會覺得開心啲，起碼冇人煩住佢、又冇人見佢wechat時，會黑口黑面先！

低能仔，如果有得俾你選擇多一次，嗰個人會唔會係我呀？






 

分類: 我們的生活點滴
 [ 訪客留言(0) ] [ 編輯日誌 ]


« | 364 | 365 | 366 | 367 | 368 | 369 | 370 | 371 | 372 | 373 | ... | 384 | »