jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34212 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 5
累積人氣： 34212
RSS Feed
2013 年 12 月 2 日  星期一   晴天
回憶
又到星期一，又要返工-_-///今朝有人打嚟叫我起身返工，而且仲陪我食早餐添∼有時低能仔同我食早餐，見我未嚟到，佢就會買定早餐等我嚟。。。今日終於都到我，買定早餐仲幫佢杯奶茶落埋糖等佢(*¯︶¯*)而佢嚟到之後，就幫我將啲早餐切晒一粒粒俾我食(^3^)因為有人怕我智慧牙痛食唔到嘢，所以就好細心咁切好晒等我食得易啲，So sweet。。。食完早餐有人仲送埋我返工↖(^▽^)↗

今日依然都係好忙，但生意就麻麻哋。。。響到做咁耐都未見過好似今日咁靜！所以今日真係超大壓力∼最後 Mandy見到啲生意額都忍唔住問做乜今日咁靜……

今日除咗有人送返工，仲有人接放工！低能仔仲帶咗我最鍾意食嘅糖俾我，不過隨糖附送涼茶一支。。。今晚當我同 boss佢哋報完數後，行返入餐廳我見到佢傾緊電話，仲聽到一句“我今晚返去打俾你”時，嗰一刻我有一種似曾相識嘅感覺，而且當時嘅回憶，即時湧現晒出嚟！

其實呢一切都曾經發生過響我同肥僑身上。。。就係因為一個電話，而令我知道我哋之間多咗個人，最後當然係分開咗！望住佢講完個電話後，我真係好怕。。。好怕歷史會再一次重演！因為我真係對自己冇信心~T_T~

就算雨傘破了身體濕透沒法子
就算冷笑冷到不是味兒
就算我向世界飛奔千百里又再輸
就算跌過百次再尋下次
溫室無非 逃避災或雨　
心鎖從來沒有鎖匙
心弦若果頻率很類似　
相看像照鏡子 淚痕仍似詩
曾想像太好 歷太多失意
孤單的滋味 天知我知
太幸福的事也許要變卦幾次
方悟到珍惜的意思
失望太多 就試多一次
不捨的思念 不可竭止
最著緊的事已經錯過無限次
請讓我將心中句子 認真講你知
閉起門窗 誰願給耐性　
心聲原來是最真誠
失眠日子 年月很動聽　
天際倦到再黑 夜闌仍有星



 

分類: 我們的生活點滴
 [ 訪客留言(0) ] [ 編輯日誌 ]

2013 年 12 月 1 日  星期日   晴天
mr. right?
食咗兩日藥，今日隻智慧牙都仲未好！成日都冇乜食過嘢，食完啲藥個人超攰。。。想瞓但又冇時間瞓~(*+﹏+*)~

尋晚無啦啦俾個煩人煩咗成晚。。。我好少會對一個人咁絕，應該話未試過！低能仔知我今次真係嬲，所以佢打嚟氹我，咁耐以嚟佢都冇試過，俾人在乎嗰種感覺真係好好、好幸福！

今日去完 gel nail後，原本想瞓覺，但低能仔用咗支馬油之後，都好似冇乜用咁，唯有落海怡買過支俾佢，希望佢用咗真係可以好啲，因為佢至緊張就係佢塊面。。。貪靚鬼
 

今晚姑姐過咗嚟打邊爐，但我又係乜都食唔到，究竟呢啲日子仲要捱幾耐？？我好肚餓呀。。。

佢收工返嚟後，同佢食完嘢我哋就返咗屋企陪佢做功課。。。雖然我好攰，但望住佢咁認真，我已經好開心喇！究竟佢係我生命中嘅 Mr.right or Mr. wrong呢？




 

分類: 我們的生活點滴
 [ 訪客留言(0) ] [ 編輯日誌 ]

2013 年 11 月 30 日  星期六   晴天
感動ing
原本諗住今日去揾靚仔醫生，幸好晏晝嘅時候心血來潮打俾佢先，點知佢要上堂，結果佢響電話問我病情後，就開定啲藥等我去拎，如果唔係都唔知點算！隻智慧牙仲依然好痛，而且都仲係食唔到嘢。。。呢幾日食嘅嘢都好少+_+但我好肚餓囉！

有人今日陪我拎完藥後，我哋就去咗唱 K，又一個屬於我哋嘅第一次喇！平時唱 K我多數都會飲酒、食煙，不過今日好健康。。。其實我好唔習慣，低能仔見我死氣沉沉咁，就俾我落街買煙，哈哈。。。但我落到去食咗支煙，返到 K房就再冇食過！因為佢好怕煙味。。。而且佢已經好就我，俾我食咗支煙，我仲點可以仲咁自私呢？

同佢唱K雖然冇酒飲、冇煙食！但我好開心，我終於都聽到有人唱天梯同歲月如歌喇！我鍾意坐定定聽到有人唱歌(*¯︶¯*)我鍾意有人唔嫌棄我唱歌難聽都陪我唱♥我鍾意有佢響身邊，無論做乜我都鍾意！

唱完K我哋去咗行街，經過 Tiffany時，有人同我講，將來揾到錢嘅話，會買嚟送俾我！雖然我唔太鍾意 tiffany，但聽到真係覺得好冧。。。當然我唔需要你送啲咁貴嘅嘢俾我，因為我自己都唔捨得買！加上無論你買乜俾我，我都會好鍾意。。。只因為嗰個係你！

今晚有個低能仔為咗氹我開心，佢響佢 Facebook 到post咗張今日買俾佢支馬油相，仲加咗一句“女友的貼心呵護”！好開心好開心好開心呀∼低能仔，其實尋晚我以為你唔想俾人知，所以我的確有啲唔開心，但今晚竟然。。。。真係估你唔到(*¯︶¯*)




 

分類: 我們的生活點滴
 [ 訪客留言(0) ] [ 編輯日誌 ]

2013 年 11 月 29 日  星期五   晴天
我們的第一次
今日返 K11，一個曾經我好鍾意嘅地方，亦係我充滿無數回憶嘅地方。。。

其實返番呢間公司後，我一直都係響 CB Shop，加上 WTC 係新開嘅，所以我冇乜特別感覺！但今日再返 K11感覺就特別大。。。好似所有所有回憶都一次過湧現晒出嚟，幸好某啲感覺無再次出現！

返到去所有嘢都要大執~(*+﹏+*)~雪櫃爛咗兩個、壞咗一個、櫃筒仲要爛多兩個……真係講都冇人信呀-_-///一執執到3點幾先去食飯！不過最開心係見返sticky啲人。。。佢哋仲請我食糖∼我最愛嘅西柚同荔枝味♥

今日返12-6，收工後就可以即刻去揾低能仔！我哋今晚去睇陳柏宇↖(^▽^)↗其實訂呢兩張飛時，係我同佢關係最唔穩定嘅時候，亦係流最多眼淚嘅時候。。。嗰時我響到諗，到最後坐響我隔離嘅會係邊個呢？又或者到最後如果得我一個，我又會唔會去睇呢？我知道我唔會去，就算當日同佢分開咗，呢兩張陳柏宇到最後都依然會響佢手上！因為如果唔係佢鍾意嘅話，我根本唔會訂、亦唔會考慮去睇(*¯︶¯*)期待下次同佢睇林峰同COOL 魔，hehe。。。其實我想同佢睇容袓兒，但可惜佢唔鍾意%>_<%

臨收工嘅時候，收到低能仔 Whatsapp，佢今次實實在在咁俾咗個 surprise我，有人嚟咗 K11接我去九龍灣♥個低能仔走堂嚟咗接我so sweet！！今晚個演唱會都好睇，見到佢成個小粉絲咁，其實乜都值得！只可惜睇到一半就收到公司 Whatsapp，一直搞公司嘢搞到差唔多完場囉！

今晚其實我係有啲攰？定還是我係有啲唔開心呢？感覺好似怪怪哋咁。。。。


 

分類: 我們的生活點滴
 [ 訪客留言(0) ] [ 編輯日誌 ]

2013 年 11 月 28 日  星期四   晴天
黑夜真的不再來了。。。。
終於都星期四喇，嘻嘻。。。返埋聽日又放假喇↖(^▽^)↗咁又一個月lu... 天氣真係凍咗好多，朝早完全唔願意起身返工，好想低能仔響我隔離，好想攬住佢瞓到自然醒(*¯︶¯*)

今日那些年問我可唔可以同佢一齊，佢話唔介意我身邊有個低能仔！其實我嘗試過同人分享，嗰種感覺好難受，仲流咗好多眼淚！今日我同佢都可以咁幸福、咁平靜咁生活落去，實在得來不易，而且我唔希望要低能仔感受呢種痛，愛一個人係希望佢得到幸福，而唔係帶俾佢痛苦，況且有低能仔對我咁好，我已經覺得好滿足。。。我已經好知足！

低能仔今日返工前上咗嚟鋪頭睇我，收工後又上咗嚟接我♥見到佢個樣超攰，都依然堅持嚟接我、陪我，我個心好痛。。。佢明明攰到唔想講嘢，但面對住我仍然笑、仍然陪我講嘢，我點會有人對我咁好？我點會有人咁著緊我？從來都冇人咁緊張過我。。。多謝你呀！

我開始對呢份工越嚟越憫，每日都總有手尾要執！啲 Part time返工返到好似女皇咁，返嗰四個鐘，要我俾半個鐘佢食飯。。。咁同我自己一個做有乜分別？？而且每次執嘅手尾，一次俾一次金！依家生意已經上咗軌道，其實我係咪可以功成身退呢？Boss想我做嘅嘢，我又算唔算叫做到俾佢呢？如果我辭職，唔知 boss又會點呢？

 

分類: 我們的生活點滴
 [ 訪客留言(0) ] [ 編輯日誌 ]


« | 355 | 356 | 357 | 358 | 359 | 360 | 361 | 362 | 363 | 364 | ... | 384 | »