今日請咗病假，嘔到七彩~(*+﹏+*)~嘔到個人好攰好攰。。。
睇完中醫之後，返屋企食埋啲西藥就不停瞓！瞓到四點幾，俾媽咪叫醒飲藥，啲藥好苦呀！唔想飲。。。今晚仲要飲多碗~T_T~
今晚我出去等低能仔收工前，我去咗為佢準備佢嘅聖誕禮物，諗呢份禮物諗到頭都爆埋，最後決定買咗一樣想買好耐嘅嘢俾佢，幸好記得當日佢見工時，話過想響嗰間公司買乜。。。所以諗都冇諗就買咗！我用隻聖誕襪入住咗份禮物同張咭俾佢！
其實響細個嘅時候，每年聖誕我都會放隻襪響床頭“因為細個冇錢買聖誕襪，所以放自己返學嗰啲襪響床頭，哈哈”我唔係希望聖誕老人會放禮物落去，而係希望爸爸會買禮物放落去俾我，嗰時好少見到爸爸，因為佢要陪另一個。。。。不過每次期望最後都變為失望，慢慢長大之後，我已經再冇將隻襪放床頭，反而今次係將低能仔份禮物放響隻聖誕襪裡，其實都算叫做自己實現咗自己細個嘅期望！
我像所有天真女孩
寧願相信有一束玫瑰
誰受了 誰便愛到至死都美麗
我在跟你爭執過後
靜得彷似逆掛的一束玫瑰
沒有花樽可以養活約誓
淡到似乾花卻不會誓
仍在等 等絢麗 一世
