jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34240 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 33
累積人氣： 34240
RSS Feed
2014 年 2 月 17 日  星期一   晴天
愛。。。。

 放咗3日假，今日又要返工喇！嗚。。。我唔捨得我嘅假期呀！今日返到鋪頭又冇得抖，因為經過3日嘅洗禮，鋪頭亂到七彩😫點解次次都係咁架？過咗情人節之後，今日靜到嚇死人。。。望住前面灰色嘅牆，搞到個人有啲灰😰其實每日都望住嗰道牆，嗰種感覺真係想死！！


今晚二汪專登嚟派利是比我，而我亦買咗兩件蛋糕請佢食，估唔到個傻婆即時揾家姐，係咁講唔好意思！其實我仲唔好意思。。。

收工後，低能仔同我去咗食飯，過咗灰爆嘅一日，今晚一收工見到佢我已經好開心❤突然諗起 Windy問我，究竟鍾意低能仔啲乜？我其實知道自己鍾意佢啲乜架，我除咗鍾意佢低能之外😂我仲鍾意佢嘅優點，仲有佢嘅一切缺點。。。每個人都有唔同嘅性格，可能係其他人眼中，其實唔覺得係乜嘢一回事，又或者會覺得低能仔嘅性格亦唔係與別不同，甚至可能換轉其他人，一早已經走咗！但我偏偏就係鍾意佢！其實只要真心愛一個人，無論嗰個人係點，你都一樣會義無反顧咁去愛佢，低能仔，你話係咪呀？









 

分類: 我們的生活點滴
 [ 訪客留言(0) ] [ 編輯日誌 ]

2014 年 2 月 16 日  星期日   晴天
珍惜

今朝又係一早起身陪阿嫲。。。個人勁攰，好想瞓！但應承咗佢今日同佢飲茶，所以點都要早起身同佢去！


今朝阿嫲好乖，飲茶嘅時候肯食多啲嘢，而且返到屋企又肯乖乖哋食藥同瞓覺😘不過響街嘅時候，唔係太聽話，仲突然間話要買生日蛋糕比阿爺食😫聽到其實都幾驚，始終阿爺都走咗咁多年，依家日日都話要買嘢比佢食，真係幾恐怖😰晏晝我終於頂唔順返咗屋企瞓，一瞓就瞓到6點。。。。但依然超攰，起身又再返阿嫲到食飯兼氹佢食藥！

夜晚低能仔收工就即刻返嚟陪我，我終於明白啲人所講嘅『幸福就是有你』。當我攰到冇晒力，眼瞓到傻嘅時候，有你幫我按摩，有你攬住我，氹我，我真係覺得所有攰都冇晒😘我人生除咗阿嫲同家人最重要之外，就係你對我最重要！你知嘛，自從阿嫲出事後，我真係覺得要更珍惜眼前嘅一切，我好怕生命中對我重要嘅嘢會一個一個失去，低能仔，我真係好驚！







 

分類: 我們的生活點滴
 [ 訪客留言(0) ] [ 編輯日誌 ]

2014 年 2 月 15 日  星期六   晴天
放鬆

今朝好早就起咗身，因為要帶阿嫲去睇醫生！


今次要帶佢去睇醫生，其實我好驚！因為同佢睇醫生唔係陣係睇咳咁簡單，如果比阿嫲知道連我都唔信佢，仲要同佢睇醫生嘅話，以後就連我都冇辦法哄佢，所以我今次同佢睇醫生要好小心。。。。幸好個醫生好好，仲同我好合作，咁先呃到阿嫲😰

同佢返到去哄咗佢食藥，個心先安心啲！今日我響房攬住阿嫲唔放，依家我除左星期六、日有時間外，我平時根本冇時間睇佢，我諗我原本計劃返埋星期六嘅決定，係時候要 hold住！我諗短時間我都唔會返埋星期六，我想多啲時間陪響佢身邊，我怕我將來會後悔！

今日我真係好攰。。。。幸好低能仔收工返嚟幫我按摩！佢除咗令我冇咁攰之餘，仲令我 relax咗好多！低能仔，多謝你呀。。。。有你我真係好幸福❤

分類: 我們的生活點滴
 [ 訪客留言(0) ] [ 編輯日誌 ]

2014 年 2 月 14 日  星期五   晴天
我們的情人節

Happy Valentine's day


今日係我哋第一個情人節！所以我特別重視今日😌我好希望佢有一個難忘嘅情人節❤

今朝我好似平時返工嗰段時間起身，然後超趕咁過觀塘，因為我有另一個驚喜比佢！其實佢鍾意咗好耐。。。但一直都揾唔到港版，只得聯通版，不過我呢幾日上網勁 seach，終於都比我揾到喇！原本我同佢講，買咗部 mac機後，我就唔會送其他嘢，只不過呢個係一個大話，哈哈。。。我只係想比個驚喜佢，好想知佢收到會有乜反應😂

低能仔，你尋日話我太寵你，的確我真係太寵你！我成日都諗，如果可以令你開心、幸福，而我又做得到嘅話，我樂意去做！對住你，我覺得自己就好似『鄺宇俊』尋日本100毛所講咁，愛你就願意無條件咁付出，我唔知自己得到嘅會係乜？但我只係希望為你一直咁付出，原因就係因為我愛你！


為愛嘅人付出係一件開心嘅事，有時同你只係行吓街、睇吓電視，其實我已經好滿足！呢啲生活我以前未試過，越簡單就越窩心。。。以前拍拖，佢會比最好嘅生活我，但我唔覺得開心得去邊！對住佢，我唔會衝動制造驚喜，我唔會諗到頭都爆點先令佢開心，我更唔會留意佢鍾意啲乜而放上心！你真係改變咗我好多好多。。。。

最後希望我哋今日呢個情人節可以開開心心，你會喜歡我為你預備嘅一切！












 

分類: 我們的生活點滴
 [ 訪客留言(0) ] [ 編輯日誌 ]

2014 年 2 月 13 日  星期四   晴天
情人節前

情人節前夕，係最忙嘅一日！眨吓眼又到收工，good.....可以好好迎接期待已久嘅聽日喇！


今晚遲咗收工，有人響門口等我，不過我太忙嘅關係，所以冇時間理佢😰幸好埋完數之後，Elaine幫我鎖門，咁我就可以放心開始我嘅情人節假期喇！

同低能仔食完嘢我地就行咗一陣就返屋企！返到屋企已經開始預備我要整比低能仔嘅嘢，但第一次整，壓力都好大，又好似整得唔係好靚咁。。。。好怕佢會唔鍾意呀😖點算好？？但呢樣嘢對我哋嚟講都有啲意義架！！

分類: 我們的生活點滴
 [ 訪客留言(0) ] [ 編輯日誌 ]


« | 340 | 341 | 342 | 343 | 344 | 345 | 346 | 347 | 348 | 349 | ... | 384 | »