jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34252 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 45
累積人氣： 34252
RSS Feed
2014 年 4 月 11 日  星期五   晴天
每一個明天

 今日冇返工。。。一起身個人超暈！又燒番😷究竟呢啲日子仲要捱幾耐？我真係真係好辛苦。。。已經差唔多一個月都仲未好，每晚又係咁咳根本就冇得瞓，我真係頂唔順喇！


十點幾起身食完藥後就再瞓過，一瞓瞓到兩點先起身！抖咗一陣，就去咗睇中醫。。。今次試咗好朋友介紹嗰個中醫，佢話我有燒、感冒同肺熱，要最少飲三日藥，仲要覆診，雖然比起西藥已經算好好，每日飲一次，但依然都係唔想飲、唔想飲同唔想飲！！！！

低能仔今晚出完香港仔，就趕番嚟陪我睇電視，其實佢本身係好少睇電視嘅人，一直以嚟我都以為佢屋企部電視係陳列品😂我上親佢到佢部電視都係冇開，直到最近我終於都知佢部電視係睇得架！因為佢知道我好鍾意睇“愛我請留言”，所以依家只要我唔使返工，佢都一定會抽時間陪我睇！

低能仔，你知嘛。。。當今晚講到睇高達時，我發現原來記憶真係隨身架！之前我好想擺脫呢啲記憶，佢令我覺得好辛苦，但原來呢啲記憶不停用嚟提醒我，要我對你好一啲，要我珍惜你多一啲，因為幸福唔係必然，今日我得到嘅一切，全部都係你比我，冇當日嘅記憶，就冇今日嘅幸福，亦冇低能仔會買涼茶趕返嚟陪我睇電視。。。

低能仔，我知自己仲未係一個好細心嘅女朋友，我想整個銀包比你，係想令你每日都放響身邊，但我冇細心啲睇清楚你用開個銀包係點，而整咗個你唔啱你用嘅比你，對唔住。。。或者正如套劇所講，有時太用力去做一件事，做出嚟未必係一件好事，相反係好用力咁去做咗一件錯嘅事！

結伴創將來　多麼的美
你的路　我的途　再也不分己與彼
有浪有風來　不捨不棄
每一明天也贈你
未懂占卜　也不懂命理
卻可先知我們　同步註定了不起
令我不普通　變得堅毅無忌
幕後有一個最大原因　因為你
每望向將來　都找到你
我所夢　我所期　全部喝彩因你起
你是我將來　不捨不棄
我的明天創自你
沒仰天觀星　看星宿日記
無問獅子雙魚　前面有沒有驚喜
一早知　幾多風吹雨飛
活著也很快樂　自尋到你
天佑我的愛人
給他永遠笑聲　並常對他偏愛
天佑我的愛人
有他不再覺得生命無奈　敢愛
 

分類: 我們的生活點滴
 [ 訪客留言(0) ] [ 編輯日誌 ]

2014 年 4 月 10 日  星期四   晴天
為了你
尋晚家姐終於都返香港喇。。。佢好似響韓國移民返嚟咁，超多行李囉！全部放晒響我張床到，搞到成四點幾先有得瞓！

今朝十點就咳醒咗，低能仔話好耐都冇同我食過早餐，本來想同我去食，但可惜家姐已經買咗比我，我哋又少咗個難得早餐時間！

下晝佢要去拍片，而我就響屋企整我哋嘅十一個月禮物，今次係自己造咗個銀包比佢，我相信每個女朋友都希望自己男朋友用嘅銀包係自己買，因為銀包係每日都帶響身邊嘛！但我唔靜止想買銀包，我仲想個銀包係獨一無二，咁就只能夠自己整！原來學整一個銀包都唔係一件容易嘅事，兼且我食咗啲藥隻手勁震，所以整得好辛苦，不過整好之後就真係勁開心。。。。好想佢鍾意！但家姐話我低能，話買一個新嘅咪仲好，做乜要咁辛苦又要整損晒隻手，就係為咗制造浪漫！當堂一盤冷水照頭淋。。。而低能仔嘅反應就係“我已經有銀包喇喎！”比佢兩個搞到即時灰晒。。。

夜晚同媽咪響香港仔食生日飯，食完我就買外賣返嚟等低能仔，為佢諗食乜？為佢買外賣，為佢做任何嘢，只要係為咗佢，我都覺得好幸福。。。 




 

分類: 我們的生活點滴
 [ 訪客留言(0) ] [ 編輯日誌 ]

2014 年 4 月 9 日  星期三   晴天
委屈
尋晚低能仔好早就瞓左，早到我都來不及同佢 Goodnight添。。。今朝我6點又咳醒咗，剛好佢都瞓醒咗 whatsapp我，我哋傾咗一陣我就再瞓番，雖然來不及講 Goodnight, 但竟然來得及 Goodmorning♥

今日返工真係好唔開心，嗰種 down真係唔識形容，好想好想即刻辭職，好想好想可以擺脫呢到，好想好想放個悠長假期，好想好想揾人傾，但全部都只能夠好想好想。。。。

今晚低能仔上咗嚟接我，但當我想同佢講嘢時，佢問我可唔可以比佢抖抖？佢話佢真係好攰。。。。 嗰一刻我唔係有心發佢皮氣，只係我真係好憫，心情好差，所以我講咗一句，咁你走先啦！！跟住成晚我都冇點講過嘢。。。 

平時就算我有幾攰，幾憫都好，我都唔捨得發佢皮氣，但唔知點解今晚我控制唔到自己，佢越問我做乜？我就越講唔出，兼且不停死忍啲眼淚！我知我一開聲就一定會喊出嚟，我亦知佢今晚好攰，但就依然陪我行。。。 返到去我拎埋啲嘢落街比佢，佢就拖住我返咗佢屋企，佢將佢今日拍片啲搞笑嘢比我睇，就係為咗氹我笑。。。。 原來留響佢身邊，佢真係可以為我遮風擋雨！留響佢身邊，我先覺得所有受過嘅委屈都唔當一回事。。。。 

響你身邊，我係咪真係可以做一世嘅公主？王子係咪會一世都咁寵公主？我係咪依然可以繼續相信童話故事？

我想最浪漫的事就是
和你一起躺在床上
嬉戲、相擁、睡覺、和你做同一個夢











 

分類: 我們的生活點滴
 [ 訪客留言(0) ] [ 編輯日誌 ]

2014 年 4 月 8 日  星期二   晴天
感動。。。
今日終於都返工喇！起身個人好攰好攰。。。因為尋晚又咳咗成晚-_-#咳到今朝爸爸起身返工都仲咳緊！返到鋪頭超多嘢做，又返貨又多嘢執，今日我冇心情做嘢，或者因為仲係好唔舒服，抖氣超辛苦！結果今日創咗新低。。。

今晚返返吓工，突然收到低能仔個 msg，『 低能妹。。。你痛苦嘅時候，我想比份甜你，想陪住你，因為我愛你！ 你記住要乖乖地去覆診，唔好唔食藥，唔好要我擔心你， 最多我應承你唔亂買嘢 同應承你一定陪你去旅行 』睇完其實好感動，仲有啲想喊添！但因為仲返緊工，我唔夠擔覆佢，我怕我真係會喊咗出嚟，因為今日我真係好辛苦，個頭又勁痛兼且返工又遇到啲唔開心嘅事，所以最後我都忍住唔講。。。

好唔容易先捱到放工，見到低能仔係我最精神嘅時候，今晚有人同我去咗食飯，而且仲餵埋我食，簡直係女皇嘅享受，哈哈。。。食飯嘅時候，我同家姐 whatsapp，我講咗我唔開心嘅嘢比佢知，起初我冇諗過同低能仔講，我怕佢又擔心我多一樣嘢，不過我同家姐不停 msg，我知佢實會諗做乜，最後我比晒佢睇。。。我知佢會明白我！

低能仔，今晚你話你唔想好似張日熙咁，成日都要茹初見失望，要佢為咗個旅行等完又等咁。。。起初我真係有啲失望，但唔緊要啦。。。咪當係比大家儲多啲錢，到時去到台北可以玩得開心啲、唔使就住就住咁玩囉！不過我真係希望我哋可以來得及一齊去台北。。。
 

分類: 我們的生活點滴
 [ 訪客留言(0) ] [ 編輯日誌 ]

2014 年 4 月 7 日  星期一   晴天
氧氣
今日係假期嘅最後一日，好唔捨得呀！放咗成個星期病假，雖然好唔舒服，但我發現原來我已經唔想再返去喇！

尋晚終於叫做好瞓啲，只係咳醒咗一次，但好快就瞓番。。。不過依然都係要放支哮喘藥響床頭！

今日瞓到一點比媽咪叫醒咗，呢排好耐都冇試過可以瞓到咁晏，不過依然好攰好攰，好想繼續瞓！起身之後我去咗覆診，原本諗住近近地睇醫生，所以冇化妝出去，但原來個醫生今日休息，結果要睇靚仔醫生，佢一見到我，就問我做乜咁殘？同瘦咗？然後佢幫我聽心肺時，問我點解可以咁捱得？明明氣管收縮到已經得番4成可以呼吸，點解都仲撐落去？換轉其他人應該已經頂唔順而需要聞氣。。。

其實我一早已經感覺到自己呼吸係弱咗，我亦知道係哮喘，我一直都冇講，係因為我怕低能仔擔心，我覺得我可以撐得住。。。亦因為咁，我先連續請咁多日假，我諗住休息夠就冇事！呢一切我都好坦白咁同靚仔醫生講，佢問我知唔知咁樣隨時都會出事？又問我有冇睇呢兩日嘅報紙，有個男人因為哮喘而響屋企死咗？最後我唯有乖乖哋比佢打咗支針，兼且響佢嗰到聞咗陣氣！

聞緊氣嘅時候，我好掛住低能仔，好想揾佢話佢知，但最後我都冇，我只係一直望住佢 whatsapp打嗰句老婆。。。我唔想影響佢上堂！原來望住嗰句老婆，都能夠陪我捱過最唔舒服嘅時候，我係咪好傻？

佢放咗學後，我同佢講咗我呼吸得4成。。。個傻佬話佢盡快返嚟，叫我等佢！今晚我哋一齊電視，我好鍾意攬住佢睇茹初見，不過今晚係最後一晚，因為聽日就要返工，唔捨得。。。 有人今晚食埋杯布甸，聽到佢話好好食，真係覺得乜都值得！我鍾意望住佢食嘢嗰個樣，每次佢食到啲好味或者鍾意嘅嘢時，佢個樣都會特別低能，我諗呢啲就係所謂嘅滿足同幸福！




 

分類: 我們的生活點滴
 [ 訪客留言(1) ] [ 編輯日誌 ]


« | 330 | 331 | 332 | 333 | 334 | 335 | 336 | 337 | 338 | 339 | ... | 384 | »