jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34253 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 46
累積人氣： 34253
RSS Feed
2014 年 4 月 21 日  星期一   晴天
猶豫。。。

 今日返4點。。。臨返工前低能仔陪我食 lunch，之後我哋響屋企二人世界咗一陣我先返工！


尋晚同 cherry傾電話傾到3點幾先瞓，個腦一直諗好多好多嘢，Elmas尋日所講嘅嘢不停響我腦裡面徘徊，我搞唔清佢所講嘅嘢，到底係點解？我只係知道，作為老闆嘅佢對我已經係最大嘅讓步，我絕對相信唔會有一個老闆，會因為你辭職一而再，再而三咁挽留你，仲要係當你響一個月裡面提出兩次辭職。。。佢叫我當比多次機會大家，假如到時都發覺有啲嘢大家盡咗力，但都唔 work嘅話，就算我真係要走，大家都覺得無遺憾，我同佢依然都係好朋友，兼且佢話佢真係唔想我走。。。但我同佢由始到終都係朋友嗎？

坦白講，同佢與及 cherry傾完電話後，我的確有猶豫自己對佢嘅感覺到底係乜？我咁盡力去幫佢睇住間鋪，又係咪當佢係老闆咁簡單呢？還是以前嘅感覺，我根本冇放低過呢？所以我先一直對佢咁心軟？但直到今朝低能仔陪住我，我先搞清楚自己嘅感覺係乜。。。原來我嘅世界唔係冇 Elmas，只係有啲嘢唔再一樣，我對佢只係存在住尊重，兼且我係真心想幫佢！而低能仔，我係真係好愛佢。。。我想為佢付出更多更多，我想同佢一生一世！或者時間真係會令一段 timing唔啱嘅感情慢慢咁掉淡。。。低能仔，你可以放心，我個心只容納到你一個！

返到公司一直都好忙。。。今日生意超好！但睇返早兩日生意額真係有啲滴汗，因為嗰兩日都唔過。。。收工後，我收到 Elmas嘅 whatsapp，佢話wtc係 no1。。。而且仲 sent埋 k11嘅生意比我，其實我唔鍾意咁，我唔想所有嘢都有比較。。。我鍾意做番自己要做嘅嘢，我鍾意所有嘢都係獨立個体！咁樣我返工就會開心。。。今晚我哋 whatsapp咗好耐，我竟然有啲唔自然，特別係佢講話“有乜都要同佢講，有乜都同我一齊渡過”！我開始有啲唔知點咁。。。。




 

分類: 我們的生活點滴
 [ 訪客留言(1) ] [ 編輯日誌 ]

2014 年 4 月 20 日  星期日   晴天
我們的十一個月

 我們的十一個月。。。


今日係星期日，亦係我同你拍拖十一個月嘅日子，今朝我如常同屋企人 family day，然後好快就返咗屋企！whatsapp完你，你再打比嘅時候，你話你落咗香港仔食嘢，嗰一刻我真係覺得好奇怪，你平時唔會專登去香港仔食嘢，但今日竟然。。。我承認我的確係有一點不安！

低能仔好快就返咗嚟，佢打比我話響7仔等我，叫我換衫落去揾佢！落到去佢示意叫我行入去，我以為個傻佬又淘咗宝驚比我話，點知係有人拎住咗紫色玫瑰花！我真係覺得好 surprise。。。。今次係佢第一次送花比我，以前我成日話佢草都冇送過條比我，我根本就唔鍾意花，其實我真係講吓。。。我邊捨得佢嘥錢買花比我吖！但估唔到佢真係會買比我，仲要係十一支，低能仔話代表住一生一世！呢一年裡面花我收過好多，但每一次都冇乜感覺，唯獨今次好唔同，我真係真係好感動。。。。原來收到自己男朋友送嘅花，係一件好浪漫嘅事！低能仔。。。。我愛你呀！

今日我哋過咗個簡簡單單嘅紀念日，冇特別慶祝，冇特別晚餐，只係響 cafe食咗個 tea，跟住去買涼茶同格仔餅，之後就返屋企攬住睇電視，再去食麥記，然後就返屋企一直二人世界到十二點幾！沒有燭光晚餐，但有你，已經令我感到好幸福。。。。我明白乜嘢叫“平凡就是幸福……我十分幸福！”

低能仔，多謝你安排嘅所有嘢，我們的十一個月快樂！

親愛的，
我以後係咪唔使再等合埋雙眼，
都依然可以相信你喇？
 

分類: 我們的生活點滴
 [ 訪客留言(0) ] [ 編輯日誌 ]

2014 年 4 月 19 日  星期六   晴天
如你所願

 好啦。。。。我就如你所願打幾隻字啦！

今日超攰。。。唔想打 blog！因為今日成日就係瞓覺、瞓覺同瞓覺😂😂😂

分類: 我們的生活點滴
 [ 訪客留言(0) ] [ 編輯日誌 ]

2014 年 4 月 18 日  星期五   晴天
公主病

 尋晚係我最唔開心嘅一晚，亦係我最感動嘅一晚。。。因為『愛我請留言』，我鍾意咗陪著你走呢首歌，尋晚低能仔錄咗呢首歌比我，聽到佢唱呢首歌，我感動到喊咗出嚟。。。我真係好想好似呢首歌所講咁『如果　走到這世界邊端，我倆已是無力前行跟我一起飛去！』聽完嗰一刻我響到諗，假如我哋將來真係可以結婚的話，我好希望呢首會係我哋婚禮嘅主題曲！


尋晚 whatsapp完 Boss之後，今日我正式 whatsapp Irene我將會做到5月中就會走。。。不過佢嘅反應令我有點愕然，兼且亦令我發現咗另一樣嘢，我估有啲嘢佢同 Boss都未必知，公司其實仲有另一個人響到搞事😓而嗰個人就係我一年前親自 train出嚟嘅人。。。。

今日返到鋪頭，我見所有嘢都打回原形，兼且仲要有人打嚟問幾錢生意，賣咗幾多貨？嗰一刻我真係對呢到死心！我接受唔到有個新人扮晒大家姐咁，完全無視我嘅存在，仲要我班 part-time受佢氣，我更加唔鍾意！原本佢哋今晚話過嚟探我，但最後因為佢哋仲響 k11，而我又收8點，所以最終都冇過嚟！不過佢哋應該星期一會過嚟。。。。

低能仔今日要比賽，有人好叻入咗10強！佢今日唱嘅係『失樂園』，呢首歌係我哋剛拍拖時，佢送比我嘅一首歌，呢首歌對我哋有好大意義，我冇諗過佢會用呢道歌比賽架！佢比賽完就嚟接我收工，跟住我哋就去食飯！今晚有人同我去食抹茶雪糕，明明自己唔鍾意食，但都肯同我一人一啖，傻佬。。。你將寵到我越嚟越似一個公主咁，我怕有朝一日你會嫌我有公主病。。。











 

分類: 我們的生活點滴
 [ 訪客留言(0) ] [ 編輯日誌 ]

2014 年 4 月 17 日  星期四   晴天
陪著我走

 今日係我返工以嚟最唔開心嘅一日，我無諗過我竟然嬲到執晒我響鋪頭嘅嘢，兼且 whatsapp埋 Boss我要辭職！響鋪頭執晒啲嘢後，我發現原來我放響鋪頭嘅嘢真係有好多！我執晒啲嘢，佢哋可以用嘅真係所剩無幾。。。


一直以嚟我都好少因為返工嘅嘢而流眼淚，但今晚。。。。

收工後，我等埋低能仔就一齊去食飯，但我真係冇乜胃口，唔想食。。。點知低能仔話我唔食佢都唔食！嗰一刻我已經好憫，不過我講唔出比佢聽，我一直叫自己冷靜，但就冷靜唔到，眼淚好似失控咁流晒出嚟，低能仔見到後，佢好緊張，仲以為自己整喊咗我，佢不停氹我，我終於都坦白晒所有嘢！

低能仔，你知唔知今日當發生完嗰件事，夜晚我一路執嘢，一路諗番起尋晚『愛我請留言』，姣妃唱『陪著你走』時，所講嘅一切，眼淚亦係咁流！我真係好攰。。。好攰。。。每日都係咁，我唔知我仲可以點，如果冇你響到，我真係唔知仲可以撐幾耐，我好想無論我遇到啲乜嘢事，都會有你陪著我走。。。


誰說　時間片刻變陳舊
全為我分秒亦停留
因我　身邊有你緊握我的手
愛　誰說永不會長壽
陪著你一生到白頭
都能　把心中星星閃得通透
陪著你走　一生一世也不分
天天編出兩雙足印　過千山過千海
如果　走到這世界邊端
我倆已是無力前行　跟我一起飛去　
不相信　時間片刻變陳舊
全為你分秒亦停留
因你　身邊有我緊握你的手
這份愛　誰說永不會長壽
陪著我一生到白頭
都能　把心中星星閃得通透
一世伴你同路去





 

分類: 我們的生活點滴
 [ 訪客留言(1) ] [ 編輯日誌 ]


« | 328 | 329 | 330 | 331 | 332 | 333 | 334 | 335 | 336 | 337 | ... | 384 | »