jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34256 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 49
累積人氣： 34256
RSS Feed
2014 年 4 月 1 日  星期二   晴天
多謝你
今日收到 Fung嘅 msg，因為佢嘅留言而令我對低能仔嘅感覺起咗啲變化！Fung 嘅留言令我好感動，佢終於接受咗低能仔，兼且亦祝福我哋！其實有人認同自己所選擇嘅男朋友，係一件好開心好開心嘅事，嗰種感覺真係唔識形容！

睇番佢同低能仔所有留言，同埋佢今日 wechat同我講嘅嘢後，我終於明白點解 Fung呢兩日都好似強人所難咁，原來佢知我同低能仔發生咁多嘢後，我個心始終有啲嘢，直到我響 facebook見到『她』後，佢就知我一直都唔開心，佢咁做係要我睇清楚低能仔係乜嘢人，究竟我有冇選擇錯低能仔！亦因為咁，我對低能仔的確起咗變化！

人哋話信任同承諾係一對，但同低能仔經歷咁多嘢後，我對佢嘅信任的確少咗好多，我成日都好驚佢會呃我！但睇晒佢兩個嘅對話後，竟然令我對低能仔嘅信任多番，雖然唔係好似剛拍拖時100%咁信任，不過已經好過之前好多好多。。。我冇諗過 Fung會咁做就係想我睇清楚佢，就係想我再一次對佢有番信心！

我同低能仔都好多謝你！！




 

分類: 我們的生活點滴
 [ 訪客留言(0) ] [ 編輯日誌 ]

2014 年 3 月 31 日  星期一   晴天
愛我請留言
尋晚又5點先瞓得著。。。咳到冇得瞓，我就嚟癡線喇😫今日最終要揾靚仔醫生拎藥，希望可以好啲啦！

尋晚開始 Fung同低能仔互相留言比大家，睇住佢哋啲留言其實有悲有喜。。。 Fung所講嘅一切，有部份係我一直諗嘅嘢，而低能仔所答嘅，亦係我想知嘅答案！但直到 Fung留嘅最後一個留言，低能仔冇再覆佢，其實我都好想知道個答案係乜架！

今日收7點，低能仔嚟咗接我，原本諗住行去 Sogo等埋佢先去靚仔醫生到，點知個傻佬唔比，因為我冇帶遮，嗰時又落大雨，所以佢要我企定定等佢嚟接我，不過行去靚仔醫生途中，我哋冇講過嘢，因為佢尋晚好夜瞓，個人又好攰。。。所以冇乜心機，個佢一路行一路攬實我，寧願自己淋濕，都要遮住我令我唔好濕💗低能仔，你知唔知你好傻呀？假如你淋病咗，我會嬲死我自己架。。。我寧願我病都唔希望你病！

食完飯我哋行咗一陣就去飲感冒茶，今晚突然有人同我講，暑假同我去旅行😊唔係長洲、唔係南丫島，而係台灣，係至愛嘅台灣呀，好開心呀💘低能仔，你知唔知我真係好想同你去旅行，我好想可以對住你幾日幾夜二人世界唔分開！響你未講之前，其實我係諗緊去澳門架，不過只係怕你唔鍾意，因為澳門真係冇嘢玩。。。所以我一直都冇講出嚟😔飲完感冒茶之後，佢就送咗我去搭車，而佢就去揾佢家姐，我唔想自己一個走，我想癡住佢😫我好想佢去邊我就去邊。。。。






 

分類: 我們的生活點滴
 [ 訪客留言(6) ] [ 編輯日誌 ]

2014 年 3 月 30 日  星期日   晴天
想起了。。。

唉，又到星期日，聽日又要返工喇！


尋晚半夜又咳醒咗，咳到冇停過。。。原本今日去睇中醫，但爸爸見我燒又未退，又係咁咳，所以迫我睇西醫😰食咗啲藥心跳、手震得好緊要，兼且連胃口都冇，今晚響阿麻到連飯都冇食過！

今晚我玩 Facebook，見到『她』嘅 Facebook開番！因為之前佢哋剛分開嘅時候，她冇再用 Facebook，她之前留言比低能仔嘅留言，全部都睇唔到，但今日響屋企睇低能仔 Facebook，我見到她所有留言全部出現番晒，嗰一刻我好驚，好驚佢哋聯絡番，好驚『她』嘅出現，會令我失去低能仔😖我承認到咗今時今日我仍然好怕！之後我 whatsapp低能仔，問佢哋係咪聯絡番？低能仔返到嚟同我講，佢哋再冇聯絡，叫我相信佢。。。其實只要係佢講，我一定相信。。。只不過驚嘅感覺仲響到！


時間靜了我們也靜了
抹完眼淚要記得開心的笑
城鎮睡了晚燈暗淡了
我想起你如何大的痛都會變小
天空有雨水清風桑葉
大街至到巷尾
雨過天清更是美
多麼想有緣終於可一起
朝著前方找到想找到地方
追到將消散 螢光專心經得太陽升降
春季鮮花會盛放
秋季葉絮流盪
驚天駭浪今天泊岸 明晨又清朗
留住時光 孤芳欣賞我紅妝
愛會在寒夜發光
真心好比磐石堅壯
如明月皎潔又上比星宿夜空裡發光
『玻璃般脆弱請你輕放』







 

分類: 我們的生活點滴
 [ 訪客留言(5) ] [ 編輯日誌 ]

2014 年 3 月 29 日  星期六   晴天
有聲喇

今日依然都係咁咳同發燒，不過尋晚終於都開返聲，過咗兩日啞人嘅生活，真係好難頂！！呢幾日真係好辛苦、好攰。。。。但對住低能仔我扮到好精神，好似冇乜嘢咁，因為我唔想佢擔心我，但其實失聲後直到今日，我每次同佢講嘢我都要好用氣，兼且每講完一句嘢都要抖大氣，所以呢幾日我講嘢都覺得特別吃力！


今日成日都響屋企抖，但有媽咪響到我根本冇得瞓。。。。食咗啲藥只係呆呆滯滯咁瞓響張床到扮死屍咁等低能仔返嚟😖成個人都冇力同周身好痛。。。一合埋眼想瞓唔係比媽咪叫醒，就係咳到醒😲

今晚低能仔收工要去揾佢家姐，不過佢十一點先搞完，原本我叫佢唔好過嚟，怕佢會攰。。。點知佢話『我唔想你見唔到我』，一睇到呢句，我覺得好冧❤但見到佢咁攰，我哋又冇乜嘢講，我好唔開心。。。我唔開心唔係因為啲乜，而係見到佢咁攰都堅持陪我！聽晚佢要趕功課，又係我搞到佢咁。。。。如果唔係我，佢就唔使捱眼瞓😓不如你以後都唔好嚟接我收工，我唔捨得要你攰，要你捱眼瞓。。。。。

分類: 我們的生活點滴
 [ 訪客留言(0) ] [ 編輯日誌 ]

2014 年 3 月 28 日  星期五   晴天
猜疑

尋晚食咗啲新嘅藥瞓得一啲都唔好！5點就醒咗。。。爸爸起身返工時，摸到我個頭仲熱，就要我食多次藥！


食完藥返上床，就開whatsapp。。。見到低能仔3點幾仲開 whatsapp，嗰一刻我響諗，咁夜佢仲同邊個傾計呢？直到6點又見佢 Facebook online緊。。。不禁令我諗究竟佢係咪冇瞓過呢？我承認經歷嘅嘢多咗之後，對住佢，我嘅猜疑亦多咗！有時聽到佢電話響、whatsapp響，我都會靜咗落嚟，我隻手都會震。。。原來到咗今時今日我依然仲好驚！我覺得自己好人憎，點解會咁樣？點解唔可以對佢信任多一點？低能仔，對唔住。。。

今日爸爸特登休下晝去買咗啲煲開聲茶嘅嘢煲比我飲，仲要我帶埋出去。。。好感動！佢話個醫師話呢擠藥好有效，會好快擺脫啞人嘅生活，不過啲藥會好苦，今日飲完，聽日仲要飲😓兼且飲完之後，仲要加啲熱水落去，飲到啲藥冇味先有效，唔想飲唔想飲唔想飲。。。但有低能仔響到，冇可能唔飲！！

尋晚個 Blog好熱鬧，一不離二、二不離三、最後當然係三不離四。。。。低能仔留言所講嘅嘢，係我諗都冇諗過，特別係嗰句『唔好當我好似唔響到咁』！其實我都好想講，低能仔真係照顧得我好好，Fung你買嘅開聲茶我冇飲到，因為低能仔已經同我去咗飲！而那些年& Chris亦多謝你哋關心，我病到冇晒聲，低能仔亦會心痛兼且佢每日都會想念我，所以你哋可以放心。。。有佢照顧我真係已經好足夠喇！







 

分類: 我們的生活點滴
 [ 訪客留言(0) ] [ 編輯日誌 ]


« | 332 | 333 | 334 | 335 | 336 | 337 | 338 | 339 | 340 | 341 | ... | 384 | »