jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34267 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 60
累積人氣： 34267
RSS Feed
2014 年 2 月 22 日  星期六   晴天
唔知點解

今日終於都放假喇！尋晚痛到今朝先瞓，一瞓就瞓到下晝一點幾先起身！今朝我聽到 whatsapp響咗好多次，除咗低能仔揾我之外，公司亦揾咗我好多次，但我實在太攰，睇完之後覆都冇覆就繼續瞓，好耐都冇試過攰到咁！


晏晝去咗睇醫生，呢個醫生係我第一次睇，當佢幫我磅完重後，竟然話我偏瘦😂叫我食番多啲嘢！我好想問佢個磅有冇壞到？我覺得自己好肥需要減肥囉。。。睇完醫生之後，見到嗰堆藥真係唔想食😭

今晚低能仔放工就返咗嚟陪我，陪佢食完嘢，我哋返咗屋企！原本係我陪佢做功課，但唔知係咪我睇電視嘈住佢，結果佢冇做功課，調轉陪我睇電視😰為咗佢可以專心做功課，所以今晚我一樣好早走。。。

低能仔，有啲嘢一直好想好想話你知，你有冇發現呢排我攬得你好實？唔知點解自從嗰日見完『她』之後，我一直都有啲好唔知點、好唔實在同埋好驚嘅感覺。。。我唔知點解會咁呀！點算呀？

分類: 我們的生活點滴
 [ 訪客留言(0) ] [ 編輯日誌 ]

2014 年 2 月 21 日  星期五   晴天
something about me

 尋晚點幾就瞓咗，瞓到差唔多兩點，聽到 whatsapp響，直覺話我知係低能仔揾我，但我攰到冇力拎起個電話睇💤跟住就繼續瞓覺😂今朝起身睇番個 whatsapp，原來係有人尋晚將我最鍾意嘅『差半步』清唱出嚟比我😌其實我想你錄呢首歌，我想你都會感覺到我嘅感覺。。。嗰種由差半步到依家嘅感覺！


今日返工好忙，要忙住處理埋鋪頭啲文職上嘅嘢，仲要 train新人。。。雖然今日有四個人返工，但依然都冇分別😭所以個人好攰同好憫！收工之後，我真係好想行吓。。。不經不覺就行咗去灣仔修頓，嗰一刻我好想有佢響我身邊，但佢今晚唔得閒，所以冇嚟接我，而係響屋企等我返！返到去陪咗佢一陣，幫佢鍊咗一陣，我好早就走咗喇。。。 今晚依然感到好痛、好唔舒服，但我冇同佢講，因為我諗佢未必睇得出我有啲唔舒服！

這都市　騷擾每個夜晚
嫌自然太過清淡
繁囂裡　亂閃的光線引起了盛讚
卻看不見月亮浮現雀斑
全地球　熄燈那個夜晚
仍未忘那個小時
難得你　在漆黑一片放低了習慣
陪伴著我忽然來得健談
（難得你　甚麼都不理暗中抱著我
然後用你溫柔燃點我）
不必在夜深趕下場
終於沒電話響唯有我倆的晚上
寧靜夜裡點起燭光即使一小時也好
然後共處燭光之中花光一小時談日後旅途
終於聽到你親口說你關心我
為何令我這麼珍惜簡單一句問好
受到你的關注　竟足以自豪
（受到你的關注　真的太好）
看你每晚巡遊市區找一個光彩的空間
從糜爛拋低我甚麼心聲也別談
淚太光尤其刺眼
無論夜晚熄不熄燈天空深處亦有星
平日被你不瞅不睬孤單的我抬頭望便會明
燈光給你太多興奮看不到我
仍能為你一閃一閃等一天你望星
或會看得到我　心中有事情　熄燈已做證


 

分類: 我們的生活點滴
 [ 訪客留言(0) ] [ 編輯日誌 ]

2014 年 2 月 20 日  星期四   晴天
我們的9個月

 我們的9個月。。。


9個月。。。9個月。。。我哋拍拖9個月喇！今日我哋都收6點，收工之後，我去咗佢公司樓下等佢，然後就一切去深水埗💞

去到深水埗，我哋去咗食魚蛋燒賣，其實我一直都好鍾意食街邊嘢，但同咗佢一齊之後，我就好少食，唔係因為佢唔比我食，只係我覺得對佢嚟講冇乜營養，平時佢已經冇住家飯同湯飲，如果仲成日陪我食埋呢啲，就對佢更唔健康，所以我好多時都忍口唔食，就算食都會同佢食咗正餐先！低能仔，你依家明唔明點解我成日都唔比你食魚蛋燒賣當一餐？？

雖然我哋今日冇特別慶祝，只係普通食飯行街，但有人都比咗個 surprise我！繼尋晚隻低能仔後，今日另一個 surprise係一條手鍊，條手鍊掛住9個吊飾，低能仔話代表住9個月。。。聽完之後，除咗 sweet之外，仲冇諗過佢都會咁浪漫，真係估你唔到添😘

最近好鍾意一首歌『差半步』，好鍾意啲歌詞！當日我同低能仔真係差半步就失去今日嘅幸福！差半步，我就會後悔一生！差半步，我就唔能夠繼續去對佢好！所以我聽到呢首歌，我即時好感觸。。。低能仔，希望你都會鍾意呢首歌！

天灰了　合著眼睛
忘記了彩虹　沒有天晴
黑暗下　無力提防涙水浸沒愛情
最痛的回憶化做雨滴
還差半步 (差半步)我要孤身走進荒蕪
才偶遇你　停在彩色的峽谷
像風吹起　叫我哭泣使我感動
令我又再放鬆　再度期待抱擁
一點哄動　劃破黑色的晚空
讓我安心去目送
遺憾中每段起伏
在新一天　愛上今天的美好
共你應該會做到　求能讓愛好好繼續
當天我 並沒信心
誰信有可能　遇上他人
當你在　才讓殘存自卑變做勇敢
不怕讓愛走得這麼近
天光了　望著曙光
找到你　掉下痛楚　好好過














 

分類: 我們的生活點滴
 [ 訪客留言(0) ] [ 編輯日誌 ]

2014 年 2 月 19 日  星期三   晴天
低能仔的低能仔

今日 part Kary😘係我最開心嘅時候，佢係一個除咗肯做之外，亦係為鋪頭帶嚟最多笑聲嘅一個😂😂每次 part佢，我都會笑唔停，兼且時間過得特別快！


今晚低能仔帶咗低能仔嚟咗接我，見到我真係好 surprise。。。因為有人上次唔比我帶呢隻好可憐咁響鋪頭等緊人領養嘅低能仔返屋企，點知今晚竟然帶埋佢嚟😘真係估佢唔到。。。我嘅低能仔家族又多咗一個新成員陪我喇❤Love you！

聽日就係我哋拍拖9個月喇！我哋兩個都收6點，可以去行街拍拖😂雖然我哋每日都一齊，但每逢20号同佢出街，我都會特別感恩，因為呢個人又愛我多咗一個月，又陪住我多咗一個月！所以每逢20号，我都會特別開心。。。我好希望你都係一樣！

分類: 我們的生活點滴
 [ 訪客留言(0) ] [ 編輯日誌 ]

2014 年 2 月 18 日  星期二   晴天
最愛？！

 呢兩朝阿嫲都一早打比我。。。仲要每隔一個鐘打嚟一次，真係 feel到好攰，攰到返公司做嘢都中眼瞓。。。


今日lunch 我見到『她』，起初我講緊電話冇為意，但感覺到有人望住自己，就即時望過去，原來係『她』。。。見完『她』之後，我一直望住手上嘅介子，一路諗住低能仔！我覺得好驚，所有所有以前嘅一切，全部重現響我腦裡面，我不自覺響到諗，依家嘅幸福係咪真係屬於我？定還是一切都係假？

返到鋪頭我集中唔到精神做嘢，我 whatsapp完低能仔同佢講我見到她後，佢竟然問我『她。。。見到你點？』而我嘅直覺佢之後一定會揾她！結果所有嘢真係意料中事。。。😞之後佢不停 whatsapp我，問我做乜？坦白講，我話冇嘢一定係假！今晚我每見佢開 whatsapp，我都好驚嗰個會係『她』，我諗我真係對自己冇信心。。。

Cherry話我蠢，話我唔應該話佢知！佢仲問如果佢地真係再 contact番，我到時會點？？我同 cherry講其實由我講比低能仔知嗰一刻，我已經諗過呢個問題，或者應該話依家嘅我就好似買大細咁，如果佢哋真係咁，到時我仲可以點？咁證明佢哋先係一對。。。而我就算帶住咗隻介子，都證明我唔係隻介子真正嘅主人！到時我仲可以點？只能夠放手。。。😢


 

分類: 我們的生活點滴
 [ 訪客留言(0) ] [ 編輯日誌 ]


« | 339 | 340 | 341 | 342 | 343 | 344 | 345 | 346 | 347 | 348 | ... | 384 | »