返埋聽日又可以放假喇！下星期開始就返晏。。。一個星期只係得返一日返全日，其實我真係唔習慣兼且唔捨得😞始終我響呢間鋪都放咗好多好多心機落去。。。加上我真係好鍾意呢間鋪。。。返 wtc有時會好悶，但我好鍾意 part呢到啲同事，雖然有時佢哋做嘢係hea 啲，不過其實佢哋每個都好可愛，一返到嚟就會 share佢哋嘅趣事，兼且都好聽話，只係某幾個會難搞啲！

 今朝起身個人超暈，應該係尋晚瞓得超差，所以除咗暈，個頭仲有啲熱😞

今日 part fanny，但識咗唔夠兩個鐘，佢就問我有冇諗過幾時辭職，叫我去揾份有前途嘅工，唔好再響 luna做😰我即時0咀。。。 兼且佢話佢帶咗好多人過嚟做，又蘋果🍏又車厘子，總之就講到我響到阻住佢同佢啲朋友。。。 

 今日係我心情勁差嘅一日，唔知係咪因為食咗藥嘅關係呢？只係覺得『生病了，想的變多了，需要的也多了，但得到的。。。。。。。。』無論係面對啲乜，我都有呢種感覺，就好似我身邊嘅一切，都已經離我越嚟越遠，好似已經唔容許我可以捉緊，唔再屬於我咁，呢種感覺真係好強烈。。。

 尋晚食咗藥瞓得一啲都唔好，今朝好早就起咗身，一起身就覺得好暈，結果將右邊面撞咗埋牆，耳仔勁痛，即時 wing wing聲！！