jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34383 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 22
累積人氣： 34383
RSS Feed
2014 年 3 月 27 日  星期四   晴天
失聲

 尋晚開始突然冇乜聲。。。到咗今朝仲衰過尋晚😭靚仔醫生話如果今日仲未退燒，就要加抗生素，依家燒又未退，兼且連聲都冇埋，即係嚴重過尋日，咁即係唔去見佢都唔得😷今日依然有返鋪頭，不過6點就走了！之後就去揾靚仔醫生，佢除咗加咗啲抗生素比我外，仲要我啲藥重新再食過😞全部轉晒新藥比我，唔想食呀！！


我諗我失聲除咗令我返工唔使 sell 客外，最開心可能係低能仔，因為少咗低能妹響佢身邊吱吱喳喳，佢就可以寧靜一啲 wakaka....

睇完醫生響診所食咗啲藥同打咗針後，個人好攰好攰。。。周身都好痛！但我都堅持接埋低能仔收工，我知道以我依家呢個狀態，如果返咗屋企後，我一定會唔想再郁，瞓響張床到扮死屍，但我又真係好想見佢，加上尋晚我收工後，佢只係落街接我返屋企就走咗。。。所以無論依家有幾攰、幾辛苦，又或者見到面就即刻搭車返屋企都好，我都好想見佢！可能因為。。。。

相識　彼此記住了日期　
相戀　彼此卻太多忘記
別提起　互望著大家枯死　仍然在做戲
分開　彼此要習慣別離　
相知　從頭回憶你
若最終　與別人長相廝守　
為何往日愛不好你
即使　這一切亦有限期　
回頭　如何能捨棄
願明天　別問為甚麼一起　陪著你
 

分類: 我們的生活點滴
 [ 訪客留言(5) ] [ 編輯日誌 ]

2014 年 3 月 26 日  星期三   晴天
想你

尋晚同低能仔各自返到屋企後，佢成晚都冇揾過我。。。我估佢應該瞓咗😞直到半夜三點幾，我 feel到電話震，望一望見到係佢 whatsapp，睇完之後，我冇覆到佢就繼續瞓。。。因為真係太攰了！

 


今朝起身已經感到周身冇力，而且仲不停咳。。。最後用食飯時間去咗揾靚仔醫生，佢話如果我依然啲鼻水不停倒流，我啲燒係唔會退，因為啲鼻水本身已經係一種細菌，細菌倒流返落身体裡面，會造成炎症而引起發燒😰所以一定要醫咗啲鼻水，咁自然就會退燒，但如果食咗藥，聽日都係咁嘅話，就要去轉藥加抗身素！

低能仔話呢幾日都有功課做，而且今晚佢又落西環，所以我同佢講今晚唔見，等佢可以專心做，的確我見唔到佢會好掛住佢，但我唔想因為要佢陪我，而令到佢要捱眼瞓做功課，我唔捨得佢捱夜。。。但個傻佬話今晚都會見我💞低能仔，多謝你知我會好掛住你。。。





 

分類: 我們的生活點滴
 [ 訪客留言(0) ] [ 編輯日誌 ]

2014 年 3 月 25 日  星期二   晴天
感冒茶

 低能仔今晚都有出嚟接我，但佢個樣真係好攰，而且仲咳得好緊要。。。睇到佢病到咁仲出嚟接我，真係好心痛！聽晚佢有事要出去，而我哋應該都唔會見。。。


今晚食完飯後，我哋去咗飲感冒茶就返咗屋企喇！響車嗰到我哋都係冇乜講嘢，因為我由得佢繼續瞓，希望佢休息多啲可以快啲好啦！

其實每次見到佢病，我乜都做唔到，我都會好憫自己，除咗同佢飲感冒茶之外，就冇嘢可以做😰氹佢睇醫生、食藥佢又唔肯。。。成日都話唔使睇，好快會好番！但我真係好想講我真係好擔心佢，見佢咳到咁我個心真係好痛。。。我只係希望佢可以唔舒服就快啲睇好，特別當嗰個係對你好重要嘅人， 你更加唔希望佢有事，因為我知道唔舒服嗰種辛苦😭你明白嘛？

分類: 我們的生活點滴
 [ 訪客留言(0) ] [ 編輯日誌 ]

2014 年 3 月 24 日  星期一   晴天
無時無刻。。。

假期永遠最快完結。。。眨吓眼又到星期一，又要返工😭今日返工悶到冇朋友，生意又冇乜，嘢又做晒，只係呆等收工。。。


今晚低能仔嚟接我收工，佢好耐都冇上過嚟接我喇！一見到佢，我就成個人都精神晒😚有你嚟接我就最幸福❤

收工後我哋落咗灣仔食飯，之後仲行咗一陣。。。。但臨返去時，我哋見到有車，原本應該係追得切，不過我就好衰專登慢慢行。。。因為咁就可以對多低能仔一陣！我唔想咁快要同佢分開。。。。雖然我哋拍咗拖就快一年，但我冇因為時間耐咗而掛住佢少咗，甚至會想少啲見佢。。。相反我想見佢嘅多咗，掛住佢嘅次數亦比以前更多❤我只想無時無刻都可以見到佢，攬實佢！低能仔，其實你會唔會唔鍾意我咁架？

分類: 我們的生活點滴
 [ 訪客留言(0) ] [ 編輯日誌 ]

2014 年 3 月 23 日  星期日   晴天
u is my mr. right

 今日瞓到點幾先起身，超爽呀！不過一起身就咳得好緊要，我諗係我同低能仔交叉感染，因為佢今日都咳得緊要咗，連病都一齊病，即係連飲感冒茶都要一齊飲😭😭


晏晝幫人整負尼子，整完之後就即刻去買感冒茶比低能仔！而我自己都乖乖哋飲咗一碗。。。因為唔想再野都啲咳俾佢，我唔捨得要佢病！

今晚同阿麻佢哋響誠信食飯，有個低能仔原來響出面行過望我。。。知道嗰一刻好驚喜，低能仔，你令我無時無刻都有心跳嘅感覺，你令我成日都感到窩心、貼心嘅感覺，多謝你！食完飯有人響7仔等我，之後我哋一齊返咗屋企，呢兩晚佢都攰住咁陪我，陪我陪到12點幾😚攬住佢響屋企種感覺好 sweet，每當佢攬得我好實嘅時候，我都會覺得特別幸福，我好鍾意攬住佢嗰種感覺，以前嘅我真係唔鍾意比人攬住，但唔知點解對住佢，我好鍾意好鍾意好鍾意。。。我諗呢啲就係人哋所講 mr. right！u is my mr. right💞低能仔，假如冇咗你我真係唔知點算好！

分類: 我們的生活點滴
 [ 訪客留言(0) ] [ 編輯日誌 ]


« | 333 | 334 | 335 | 336 | 337 | 338 | 339 | 340 | 341 | 342 | ... | 384 | »